Norrænir fjármunaréttardagar

Dagana 24.-26. apríl 2024 fara fram norrænir fjármunaréttardagar í Reykjavík. Ráðstefnunni var komið á fót af Institutt for Privatrett í Osló árið 1994 og verða þeir nú haldnir í 15. sinn.

Ráðstefnan verður haldin á vegum Lagadeildar Háskóla Íslands og Lagastofnunar Háskóla Íslands með styrk frá Logos lögmannsþjónustu. Ráðstefnan hefst miðvikudaginn 24. apríl á málstofu ungra fræðimanna á sviði fjármunaréttar. Dagana 25. og 26. apríl fara síðan fram málstofur á einstökum sviðum fjármunaréttar.

Á ráðstefnunni verður fjallað um ýmis hagnýt og brýn viðfangsefni á sviði fjármunaréttar af fræðimönnum í fremstu röð.

Meðal erlendra framsögumanna eru Mads Bryde Andersen prófessor við Kaupmannahafnarháskóla, Johan Giertsen prófessor við Háskólann í Bergen og Johan Bärlund prófessor við Háskólann í Helsinki.

Íslenskir fundarstjórar og þátttakendur í pallborði eru Eyvindur G. Gunnarsson prófessor, Eiríkur Jónsson prófessor og landsréttardómari, Þorgeir Örlygsson rannsóknaprófessor og fv. hæstaréttardómari, Hjördís Halldórsdóttir lögmaður og Trausti Fannar Valsson deildarforseti Lagadeildar.

Nánari upplýsingar er að finna á vefsíðu ráðstefnunnar