Móttaka nýnema á Hugvísindasviði
Háskólatorg
Kennslustofa HT-102
Hugvísindasvið Háskóla Íslands býður nýnemum á kynningarfund í stofu 102 á Háskólatorgi föstudaginn 30. ágúst kl. 13:00.
Dagskrá fundarins:
- Ávarp Jóns Atla Benediktssonar, rektors Háskóla Íslands.
- Kynning á Hugvísindasviði. Guðmundur Hálfdanarson, forseti Hugvísindasviðs.
- Kynning á Uglu – innri vef HÍ.
- Kynning á félagsstarfi nemenda.
Að fundinum loknum verða kynningarfundir í deildum og hefjast þeir kl. 14:00. Þar verður greint frá námstilhögun og veittar nánari upplýsingar um nám og félagsstarf í viðkomandi deildum:
- Guðfræði- og trúarbragðafræðideild í Aðalbyggingu, stofu 229.
- Íslensku- og menningardeild í Árnagarði, stofu 201.
- Mála- og menningardeild í Veröld - húsi Vigdísar á heimasvæði tungumála.
- Sagnfræði- og heimspekideild á Háskólatorgi, stofu 102. (Ath. að fundurinn hefur verið færður úr stofu 103)
Kennsla hefst mánudaginn 2. september. Sama dag hefjast nýnemadagar Háskóla Íslands en þar verður boðið upp á gönguferðir um háskólasvæðið, kynningar á þjónustu og skemmtidagskrá.
Á nýnemavef Háskóla Íslands, vef Stúdentaráðs og á vef Hugvísindasviðs eru gagnlegar upplýsingar fyrir nýnema um námið og skólann, þar á meðal stundaskrár. Eins er hægt að fá innsýn í starfið á facebooksíðum skólans og sviðsins og á Instagram síðum sviðs og skóla.
Ef einhverjar spurningar vakna um námið er hægt að hafa samband við starfsfólk á skrifstofu í síma 525 4400, senda okkur tölvupóst á netfangið hug@hi.is eða koma við á skrifstofu sviðsins í Aðalbyggingu (3. hæð); hún er opin kl. 10-12 og 13-15 virka daga.