Háskóli Íslands

Með fróðleik í fararnesti - Álfaganga um Jónsmessu í Mosfellsdal

Hvenær hefst þessi viðburður: 
21. júní 2017 - 16:00
Háskóli Íslands
Á Jónsmessunni fljóta steinar upp úr tjörnum, álfar fara á kreik og Ferðafélag barnanna leggur land undir fót í fylgd Júlíönu Þóru Magnúsdóttur, þjóðfræðingi frá Háskóla Íslands. Gangan verður miðvikudaginn 21. júní kl. 16. Gengið verður upp að Helgufossi í Mosfellsdal og í leiðinni heimsækjum við álfabyggðina í Helguhól, fræðumst um álfa og heiðrum þá með dansi og söng. Brottför verður á einkabílum frá skrifstofu FÍ, Mörkinni 6, og er reiknað með að ferðin taki 2-3 klukkustundir.
 
Gangan er hluti af verkefni Háskóla Íslands og Ferðafélags Íslands, Með fróðleik í fararnesti, sem hófst á aldarafmæli skólans árið 2011. Reynsla og þekking fararstjóra Ferðafélagsins og þekking kennara og vísindamanna Háskólans blandast saman í þessum áhugaverðu gönguferðum. Markmiðið með þeim er að vekja áhuga almennings á fræðslu og hollri útivist og fjölga valkostum í þeim efnum. Um leið er vakin athygli og vonandi áhugi á fjölbreyttri starfsemi Háskóla Íslands og Ferðafélagsins.
 
Þátttaka ókeypis og allir velkomnir.
 
Næstu ferðir:
Laugardaginn 26. ágúst kl. 11 - Sveppasöfnun í Heiðmörk
Laugardadinn 9. september kl. 11 - Holdsveiki og Hallgerður langbrók
Laugardaginn 23. september kl. 11 - Margt býr í Öskjuhlíðinni
Laugardaginn 7. október kl. 13.30 - Fjöruferð í Gróttu
Þú ert að nota: drupalcl1.rhi.hi.is