Alþjóðamálastofnun og rannsóknarsetur um smáríki býður til hádegisfundar föstudaginn 3. september í HT 103. Fundurinn er sá fyrsti í fundaröð stofnunarinnar um Evrópumál, "Evrópa: Samræður við fræðimenn." Munu hádegisfundir fara fram á sama stað hvern föstudag nema annað sé tekið fram en fulla dagskrá má finna á vef stofnunarinnar www.hi.is/ams eða á facebook síðu stofnunarinnar, sem allir eru hvattir til að gerast aðdáendur að.

Dr. Maximilian Conrad er nýráðinn lektor í Evrópufræðum við Háskóla Íslands og mun hann fjalla um lýðræðishallann innan ESB.