Oddný Gunnarsdóttir, lýðheilsufræðingur og doktorsnemi í lýðheilsuvísindum, kynnir niðurstöður á hluta doktorsrannsóknar sinnar: "Þeir sem nota bráðamóttöku sjúkrahúss og eru útskrifaðir heim".
Markmiðið rannsóknarinnar var að meta áhættu á sjálfsvígum og banvænum eitrunum hjá þeim sem komu á bráðamóttökuna og voru útskrifaðir heim í ljósi aðalsjúkdómsgreininga við útskrift.
Um er að ræða tilfella-viðmiðarannsókn skipulögð innan hóps sjúklinga (case-control study nested in a cohort) sem komið höfðu á bráðamóttöku og verið útskrifaðir heim á tímabilinu 1995-2001. Upplýsingar fengust úr tölvuskrám Landspítala um fjölda koma og aðalsjúkdómsgreiningar sem skráðar höfðu verið samkvæmt Alþjóðlegu tölfræðiflokkun sjúkdóma og skyldra heilbrigðisvandamála (ICD-10). Tilfelli sem látist höfðu vegna sjálfsvíga (n=41) og banvænar eitranna (n=21) voru fundin í Dánarmeinaskrá Hagstofu Íslands og fimm sinnum fleiri viðmið voru tekin sem hendings úrtak úr hópnum sem komið hafði á bráðamóttökuna. Fjölþátta aðhvarfsgreining var gerð til að reikna líkindahlutfall (odds ratio, OR) og 95% öryggismörk (ÖM). Tíðar heimsóknir á bráðmóttökuna tengdust marktækt áhættu á sjálfsvígum og eitrunum.
Þetta eru klínískar vísbendingar um að sjúklingar, sem koma oft á bráðamóttökuna, og eru með aðalsjúkdómsgreiningarnar geðgreiningar, áfengisneysla, lyfjaeitranir, einkenna sjúkdómsgreiningar og þætti sem áhrif hafa á heilbrigðisástand og samskipti við heilbrigðisþjónustuna, ætti að meta vegna hugsanlegrar hættu á sjálfsvígum og banvænum eitrunum. Allir velkomnir
