Háskóli Íslands

Fyrirlestur: Mitt eða okkar? Heimilið sem siðakerfi. - Orvar Löfgren

Hvenær hefst þessi viðburður: 
5. apríl 2017 - 16:00 til 17:00
Staðsetning viðburðar: 
Nánari staðsetning: 
101
Orvar Löfgren

 

Orvar Löfgren er prófessor emeritus við Háskólann í Lundi í Svíþjóð og doktor í þjóðfræði. Hann er einn þekktasti þjóðfræðingur heims og hefur mótað fagið á Norðurlöndum á síðustu 40 árum, en áhrif hans ná jafnframt langt út fyrir þjóðfræðina til ýmissa grannfaga. Á síðasta ári kom út eftir hann bókin Exploring Everyday Life: Strategies for Ethnography and Cultural Analysis (með Billy Ehn og Richard Wilk) og er það tíunda bókin sem kemur út eftir hann, fyrir utan hátt í 100 greinar og bókakafla í fræðiritum. 

 

Heimilið er sá staður þar sem fólk lærir að skilgreina og meðhöndla hvað það á, hvað er annarra og hvað sameiginlegt. Hvernig hefur sjálfsvitundin þróast í heimilislífi nútímans og hvernig hefur hún bundist hlutum og tilfinningum? Stöðugar samningaumleitanir eiga sér stað um þá hluti sem ég á, um skyldur þínar, hvað við höfum áhuga á og hvað það er sem við tökum okkur fyrir hendur. Í fyrirlestrinum verður sjónum beint að því félagslega ferli sem hulið er í daglegri rútínu, tilfinningum og látbragði. Heimilið er siðakerfi þar sem glímt er við viðkvæma þætti á borð við sanngirni, skyldur og réttindi. Það sem á yfirborðinu virðast léttvægar aðstæður geta leitt til tilfinningalegs umróts.

Fyrirlesturinn er á vegum Félags þjóðfræðinga á Íslandi og Mannfræðifélags Íslands í samstarfi við námsbraut í þjóðfræði og safnafræði.

Fyrirlesturinn fer fram á ensku

Allir velkomnir

Þú ert að nota: drupalcl2.rhi.hi.is