Kennslumiðstöð Háskóla Íslands býður til hádegisspjalls um notkun Facebook í kennslu miðvikudaginn 7. febrúar, kl. 12:10 – 13:00, í Lögbergi stofu 204. Sem innlegg í umræður mun Silja Bára Ómarsdóttir, aðjúnkt í Stjórnmálafræðideild HÍ, segja frá því hvernig hún hefur notað Facebook í kennslu:
Kynnt er hvernig Facebook hefur verið notað sem tæki til að efla umræðu og stuðla að valdeflingu nemenda í stóru námskeiði á fyrsta ári. Bent á leiðir til að tengja nemendur við efni námskeiðs utan kennslustofunnar í gegnum samfélagsmiðla.
Hæfniviðmið:
Í lok hádegisspjallsins ættu þátttakendur að hafa:
• Kynnst notkun Facebook til eflingar umræðu í háskólanámi.
• Velt fyrir sér leiðum til að tengja nemendur við námsefni utan kennslustofunnar í gegnum samfélagsmiðla.
Stefna:
Í stefnu Háskóla Íslands 3011-2016 segir:
Mikilvægt er að allt fyrirkomulag náms við háskólann stuðli að góðri ástundun nemenda. Ennfremur segir þar ...að lögð verði áhersla á fjölbreytta kennsluhætti sem hvetja nemendur til virkrar þátttöku í náminu.
Fyrir hvern:
Allir háskólastarfsmenn eru velkomnir.
Skráning er óþörf.
