Ár hvert standa Alþjóðamálastofnun Háskóla Íslands og Samtök iðnaðarins fyrir viðburði sem nefndur er Dagur ungra fræðimanna.
Tilgangur þessa er að skapa vettvang fyrir unga fræðimenn að kynna rannsóknir sínar á sviði Evrópufræða.
Meistara- eða doktorsnemar, nýútskrifaðir eða þeir sem eru um það bil að útskrifast kynna rannsóknir sínar í stuttum fyrirlestrum og svara fyrirspurnum í lok ráðstefnunnar.
Við flautum nú til leiks fjórða sinni föstudaginn 20. nóvember frá kl. 13 til 16 í sal 132 í Öskju.
Að þessu sinni eru þátttakendur frá tveimur háskólum og fjórum fræðasviðum s.s. Evrópufræði, alþjóðasamskipti, lögfræði og stjórnsýslufræði. Umfjöllunarefnin innan þessa ramma eru margvísleg eins og sjá má á hér fyrir neðan: Hversu Evrópuvædd eru íslensk sveitarfélög?
Jóhanna Logadóttir, meistaranemi í alþjóðasamskiptum við Háskóla Íslands með áherslu á Evrópufræði Rétturinn til aðgangs að gögnum hjá Evrópusambandinu
Vigdís Eva Líndal, lögfræðingur Stefnur og stofnanir upplýsinga- og þekkingarsamfélagsins í ESB-löndunum og Íslandi
Bergljót Gunnlaugsdóttir, MA í Evrópufræðum frá Háskólanum á Bifröst, forstöðumaður bókasafns Flensborgarskóla Vestræn samvinna og öryggis- og varnarmálastefna ESB
Vilborg Ása Guðjónsdóttir, MA í alþjóðasamskiptum frá Háskóla Íslands Evrópuvæðing utanríkis-, öryggis- og varnarmála
Margrét Cela, doktorsnemi í alþjóðasamskiptum við Háskólann í Lapplandi
Fundarstjóri er Högni S. Kristjánsson, skrifstofustjóri í utanríkisráðuneytinu.
Við hvetjum alla áhugamenn um alþjóðamál og málefni Evrópusambandsins sérstaklega til að mæta.
Allir eru velkomnir meðan húsrúm leyfir.
