Skip to main content

Fjármálahagfræði

Fjármálahagfræði

90 einingar - MS gráða

. . .

MS nám í fjármálahagfræði leggur áherslu á samspil fjármálafræði og hagfræði  á hagnýtum grundvelli.  Gert er ráð fyrir því að nemendur hafi góða undirstöðu í stærðfræði og tölfræði og geti því  tileinkað sér megindlega aðferðafræði í fjármálum sem og tæknilega  hagfræðigreiningu.

Um námið

Í náminu er lögð sérstök áhersla á hagnýta beitingu aðferða og kenninga í hagfræði og fjármálum og að nemandi geti, á grundvelli þeirra, unnið raunveruleg verkefni í faginu. Gert er ráð fyrir að nemendur hafi góðan stærðfræðilegan bakgrunn.

Inntökuskilyrði

Framhaldsnám

Meistaranám í fjármálahagfræði er ætlað nemendum með BA eða BS próf í hagfræði. Almennt er krafist fyrstu einkunnar (7,25) úr fyrsta háskólaprófi, til þess að fá inngöngu í meistaranám. Gerð er krafa um góða undirstöðu í stærðfræði og tölfræði, en kunnátta í hagfræði er ekki skilyrði fyrir inntöku. Þeir nemendur, sem ekki hafa hagfræðigrunn frá sínu fyrra námi, er hins vegar ætlað að taka tvö undirbúningsnámskeið í hagfræði á fyrsta misseri sem hluta af námsvali sínu.

Sjáðu um hvað námið snýst

Umsagnir nemenda

Lilja Sólveig Kro
Lauk BS í hagfræði

Hjá mér stóð valið á milli viðskiptafræði og hagfræði. Ég valdi hagfræði ég vildi takast á við krefjandi nám sem gefur góðan grunn fyrir framhaldsnám og ég taldi að með því að taka hagfræði væri ég ekki að loka neinum dyrum. Það sem mér fannst skemmtilegast við námið er hvað það er fjölbreytt.

Lilja Dögg Jónsdóttir
Lauk BS í hagfræði

Námið er mjög hagnýtt og nýtist hvar sem er, hvort sem í daglega lífinu eða á vinnumarkaði

Ásdís Kristjánsdóttir
MS í fjármálahagfræði

Að loknu grunnnámi í verkfræði stóð valið á milli þess að halda áfram á sömu braut eða breyta um stefnu. Í ljósi þess að ég hafði áhuga á efnahagsmálum en skorti tengingu við fræðin varð hagfræðin fyrir valinu. Námið í hagfræði var bæði krefjandi og hagnýtt. Ég tel að námið hafi veitt mér góðan grunn fyrir þau verkefni sem ég er að takast á við og geri ráð fyrir að takast á við í framtíðinni.

Björn Ívar Björnsson
Nemi í hagfræði

Námið er mjög praktísk og það er hægt að nota það sem við lærum í hagfræði við hvað sem er í lífinu hvort sem það er vinna eða eitthvað annað. Það sem er líka skemmtilegt er hvað það er yndislega gott fólk í hagfræðinni, við erum ekki mörg en þetta er ein stór fjölskylda og allir hjálpast að.

Kristófer Már Maronsson
Fyrrverandi formaður Ökonomia

Hagfræðinámið hefur opnað fyrir mér og fleirum nýja sýn á öllu í kringum okkur, við lærum ekki bara um peninga eða þjóðarframleiðslu heldur breytir lærdómurinn því hvernig nánast allar ákvarðanir í lífinu eru teknar. Námið er metnaðarfullt og krefjandi ásamt því að deildin er lítil og óhjákvæmilegt er að eignast nýja vini.

Mynd að ofan 
Texti vinstra megin 

Að námi loknu

Markmiðið með náminu er að undirbúa nemendur vel undir rannsóknir og störf á sviði áhættu-, eigna-, skulda- og fjárstýringar, greiningarvinnu og verðlagningar fjármálaafurða.

Texti hægra megin 

Starfsmöguleikar

Stefnt að því að nemendur öðlist staðgóða þekkingu á efnahagsmálum og fjármálum sem búi þá undir margvísleg störf þar sem tæknileg þekking á mörkuðum og efnahagslífi kemur að notum.

Hafðu samband

Nánari upplýsingar um námið veitir Ásgeir Jónsson, dósent í Hagfræðideild, ajonsson@hi.is
Einnig veitir Þórunn Björg Guðmundsdóttir, verkefnisstjóri (thbg@hi.is) upplýsingar.