Skip to main content

Starfsendurhæfing, viðbótardiplóma

Starfsendurhæfing

60 einingar - Viðbótardiplóma

. . .

Viðbótardiplómanám á sviði starfsendurhæfingar er sjálfstætt 60 eininga nám að loknu BA-, BS- eða sambærilegu háskólaprófi og að lágmarki tveggja ára starfsreynslu á sviði heilbrigðis-, félags- eða skólaþjónustu við fullorðna eða ungmenni. Að náminu standa sameiginlega Félagsráðgjafardeild Háskóla Íslands og Heilbrigðisvísindasvið Háskólans á Akureyri.

Námið

Námið byggist upp af tveimur 10e námskeiðum á sviði starfsendurhæfingar, auk sérverkefna og valnámskeiða. Náminu er hægt að ljúka á tveimur misserum en einnig er hægt að dreifa því á fleiri misseri. Fjölbreyttar kennsluaðferðir verða notaðar. Kennt verður í staðbundum lotum í byrjun hvorrar annar en einnig verður stuðst við upptökur af fyrirlestrum, fjarfundi, verkefni og umræður á vef.

Fyrir hverja?

Námsleiðin veitir tækifæri til að bæta sérþekkingu á starfsendurhæfingu ofan á fyrri háskólamenntun. Námið hentar ólíkum fagaðilum á starfsendurhæfingarstöðvum. Ennfremur er námið ætlað fagfólki er sinnir geðendurhæfingu; velferðarþjónustu; og ráðgjöf og þjónustu hjá stéttarfélögum; hæfingarstöðum; fullorðinsfræðslustöðum; og á vinnustöðum fyrir fatlað fólk.

Inntökuskilyrði

Framhaldsnám

Umsækjendur skulu hafa lokið bakkalárprófi með að jafnaði 1. einkunn (7,25), auk þess að hafa að lágmarki tveggja ára starfsreynslu er lýtur að heilbrigðis- eða félagsþjónustu eða menntun fullorðinna.

Hafðu samband

Skrifstofa Félagsráðgjafardeildar
Gimli, G-103
Opið 10-12 & 13-15.30 virka daga
Netfang: felagsradgjof@hi.is
Sigrún Dögg Kvaran, verkefnisstjóri, 525-5408

Upplýsinga- & þjónustuborð
Félagsvísindsviðs

Gimli v/Sæmundargötu, 1. hæð
Opið 8-16 virka daga
Sími: 525-5870
Netfang gimli.info@hi.is