Skip to main content

Inntökuskilyrði

Háskólatorg - velkomin í Háskóla Íslands

Grunnnám

Stúdentar sem hefja nám í Háskóla Íslands skulu hafa lokið stúdentsprófi eða sambærilegu prófi frá erlendum skóla.

Fyrir utan almennu kröfuna um stúdentspróf eru inntökuskilyrði mismunandi eftir deildum Háskólans. Ítarlegar upplýsingar um inntökuskilyrði er að finna í reglum um inntökuskilyrði í grunnnám við HÍ. Farið er eftir þessum reglum þegar umsóknir um grunnnám eru metnar.

Í kennsluskrá Háskólans og á þessum vef er upplýsingar um inntökuskilyrði að finna á síðum fræðasviða og deilda.

Undanþágur frá inntökuskilyrðum í grunnnám

Á háskólaárinu 2017-2018 nýta ákveðnar deildir Háskólans heimild til að veita undanþágur frá formlegum inntökuskilyrðum í grunnnám (bakkalárnám) samkvæmt ákvörðun viðkomandi fræðasviða. Athugið að þetta á aðeins við vegna náms í sumum deildum skólans en öðrum deildum ekki.

Sjá nánari upplýsingar í kennsluskrá: Yfirlit um fræðasvið og deildir og viðmið við mat á undanþáguumsóknum.

Inntökupróf, aðgangspróf og fjöldatakmarkanir

Í læknisfræði og sjúkraþjálfunarfræðum eru haldin inntökupróf í júní. Umsóknarfrestur er til 20. maí, sjá nánari upplýsingar á vef Læknadeildar. Inntökupróf (aðgangspróf fyrir háskólastig, A-próf) er haldið í mars og júní vegna bakkalárnáms í hjúkrunarfræði og lögfræði. Umsóknarfrestur til 12. mars annars vegar og 5. júní hins vegar.

Í geislafræði, tannlæknisfræði og tannsmíði eru haldin samkeppnispróf við lok haustmisseris í desember. Sjá nánar um fjöldatakmarkanir og fyrirvara í kennsluskrá.

Framhaldsnám

Um inntökuskilyrði í nám á meistara- og doktorsstigi gilda sérreglur deilda. Þessar reglur eru birtar í kennsluskrá og á vefsíðum fræðasviða og deilda.

Þarfnast þessi síða lagfæringar?

Þarfnast þessi síða lagfæringar?

Settu inn skjáskot hér ef þú telur þörf á.
Skrár verða að vera minni en 2 MB.
Leyfðar skráategundir: gif jpg jpeg png.
CAPTCHA
Sía fyrir ruslpóst
3 + 2 =
Leystu þetta einfalda dæmi og settu inn niðurstöðuna. T.d. ef dæmið er 1 + 3, settu þá inn 4.