Skip to main content

Aðferðafræði

Aðferðafræði

120 einingar - MA gráða

. . .

Markmiðið er að bjóða uppá markvisst nám á framhaldsstigi í rannsóknaraðferðum félagsvísinda, með áherslu á megindlegar rannsóknaraðferðir. Viðfangsefni námsins eru: Tölfræðileg úrvinnsla, fjölbreytugreining, spurningalistakannanir, úrvinnsla og framsetning niðurstaðna og eigindleg aðferðafræði. Námsleiðin er hagnýt og byggir jafnframt á sterkum fræðilegum grunni.

Um námið

Boðið er upp á 120 eininga meistaranám í aðferðafræði að afloknu BA-, B.Ed-, BS-prófi eða sambærilegu háskólaprófi (sjá nánari upplýsingar um inntökuskilyrði)

Námið tekur tvö ár og skiptist í eftirfarandi:

  • 44 einingar í skyldunámskeiðum
  • 26 einingar í bundnu vali
  • 20 einingar  í frjálsu vali
  • 30 einingar í MA ritgerð

Inntökuskilyrði

Framhaldsnám

Nemendur skulu hafa lokið BA-, B.Ed-, eða BS-prófi frá Háskóla Íslands eða sambærilegu námi með fyrstu einkunn. Jafnframt er gerð krafa um að nemendur hafi lokið eftirfarandi námskeiðum eða sambærilegum: FÉL204G Aðferðafræði: Rannsóknaraðferðir félagsvísinda og FÉL306G Tölfræði I.

Sjáðu um hvað námið snýst

Mynd að ofan 
Texti vinstra megin 

Starfsmöguleikar

Meistaranám í aðferðafræði nýtist víða í atvinnulífinu, bæði í einkageiranum og hjá hinu opinbera. Hluti af starfi fyrirtækja og stofnana felst í að safna gögnum og upplýsingum sem stundum eru vannýtt. Því er víða þörf fyrir fólk sem getur skipulagt rannsóknir og safnað gögnum og greint þau á faglegan hátt. Þegar taka þarf upplýstar ákvarðanir í stefnumótun, rekstri og áætlunargerð er greining gagna og túlkun niðurstaðna mikilvæg hæfni. Aðferðafræði félagsvísinda gagnast einnig þegar leitað er nýrra tækifæra í rekstri fyrirtækja og stofnana.

Texti hægra megin 

Dæmi um starfsvettvang

  • Opinberar stofnanir
  • Einkarekin fyrirtæki
  • Rannsóknir
  • Tölfræði
  • Stefnumótun
  • Rekstur
  • Áætlanagerð

Félagslíf

Félag nemenda í aðferðafræði nefnist Norm.

Stúdentakjallarinn er veitingastaður, kaffihús og skemmtistaður. Hann er staðsettur á neðstu hæð Háskólatorgs. Þar er aðstaða fyrir tónleika, fundi og annað félagslíf nemenda og er opið frá morgni til kvölds alla daga vikunnar

Hafðu samband

Skrifstofa Félags- og mannvísindadeildar
1. hæð í Gimli
Opið virka daga 10-12 & 13-15:30

525-5444 -  fom@hi.is

Þjónustuborð Félagsvísindasviðs