Skip to main content

Markaðsfræði og alþjóðaviðskipti

Markaðsfræði og alþjóðaviðskipti

90 einingar - MS gráða

. . .

Í náminu er lögð áhersla á að dýpka fræðilega þekkingu á sviði markaðsfræði og alþjóðaviðskipta. Lögð er áhersla á að byggja upp trausta fræðilega þekkingu á sviðinu og færni í að beita henni í raunverulegum aðstæðum. Að námi loknu eiga nemendur að geta tekist á við við flókin stjórnunar- og sérfræðistörf á sviði markaðsfræði og/eða alþjóðaviðskipta.

Um námið

Í náminu er lögð áhersla á að byggja upp trausta fræðilega þekkingu á sviði markaðsfræða og alþjóðaviðskipta og færni í að beita henni í raunverulegum aðstæðum. Þá er lögð rík áhersla á góða þekkingu á markaðsrannsóknum, þjálfa nemendur í að kynna sér það nýjasta á þekkingarsviðinu á fljótvirkan hátt og nýta sér fyrirliggjandi rannsóknir til stuðnings ákvarðanatöku.
Inntökuskilyrði

Inntökuskilyrði

Framhaldsnám

MS nám í markaðsfræði og alþjóðaviðskiptum er í boði fyrir þá einstaklinga, sem lokið hafa fyrsta háskólaprófi, þ.e. BS eða BA gráðu. Almenna reglan er, að umsækjendur hafi fyrstu einkunn.

Sjáðu um hvað námið snýst

Umsagnir nemenda

Vilborg Einarsdóttir, meðstofnandi Mentors ehf.
MS í stjórnun og stefnumótun

Námið hefur nýst mér mjög vel, ég fór í stjórnun og stefnumótun og það kemur beint inn í það verkefni sem ég hef verið að vinna að síðustu ár sem er að byggja upp fyrirtæki á alþjóðlegum markaði á sviði menntatækni. Það er ekki bara að maður læri af kennurunum heldur snýst þetta líka um það að læra í verkefnavinnu. Við erum búin að halda saman ákveðinn kjarni síðan í náminu og hittumst reglulega og það er gríðarlegur styrkur og ég er enn að læra.

Arnar Pétursson
Meistaranemi

Ástæðan fyrir því að ég valdi reikningsskil og endurskoðun er að því að ég vissi að þetta væri nám sem myndi nýtast mér gríðarlega vel í framtíðinni. Ég fór í skiptinám í kjölfarið að ég fór í skiptinám í grunnnáminu og reynsla mín af því er ótrúlega góð.  Stuðningurinn í Háskólanum er alveg frábær.

Jana Katrín Knútsdóttir, sölu- og markaðsstjóri Icepharma
MS í stjórnun og stefnumótun

Það voru nokkrar ástæður fyrir því að ég valdi meistaranám við Háskóla Íslands. Nám úr HÍ er mikils metins á vinnumarkaði.  Námsleiðirnar sem eru í boði fjölbreyttar og áhugaverðar og höfðuðu til mín og svo er Háskóli Íslands ríkisrekinn og námið er tiltölulega ódýrt. Kennslan var bæði fjölbreytt og skemmtileg, hún krafðist undirbúnings og þátttöku í tímum og það voru farnar nýjar leiðir í kennslu til að höfða til sem flestra. Það komu oft gestafyrirlesarar til okkar út atvinnulífinu og sögðu okkur sína sögu og svo vorum við líka hvött með verkefnavinnu til þess að fara út í atvinnulífið og út á vinnumarkaðinn og inn í fyrirtækin. Námið er að nýtast mér mjög vel í starfi í dag, ég fékk vinnu hjá draumafyrirtækinu mínu. Hér gegni ég stöðu sölu – og markaðsstjóra á heilbrigðissviði og viðskiptafræðimenntun mín og grunnmenntun í hjúkrunarfræði er að nýtast mér mjög vel.

Mynd að ofan 
Texti vinstra megin 

Að námi loknu

Gert er ráð fyrir að nemendur hafi góða undirstöðu í markaðsfræði og geti að námi loknu tekist á við flókin stjórnunar- og sérfræðistörf á sviði markaðsfræði og/eða alþjóðaviðskipta.

Texti hægra megin 

Starfsmöguleikar

  • Markaðssetningu innanlands sem erlendis
  • Stjórnunarstörf í stórum sem smáum fyrirtækjum
  • Markaðsrannsóknir

Hafðu samband

Nánari upplýsingar um námið veitir umsjónarmaður þess Gunnar Óskarsson, lektor, (gunnaros@hi.is).
Einnig veitir Þórunn Björg Guðmundsdóttir, verkefnisstjóri (thbg@hi.is) upplýsingar.