Skip to main content

Fjármál MFin

Fjármál

90 einingar - M.Fin. gráða

. . .

MFin meistaranám í fjármálum miðar að því að undirbúa nemendur fyrir fjölbreytt störf á fjármálamarkaði og gert er ráð fyrir að nemendur geti að námi loknu fengist við flókin viðfangsefni á sviði fjármála.
Námið byggir á samvinnu Viðskiptafræðideildar og Hagfræðideildar.

Inntökuskilyrði

Framhaldsnám

Almennt er námsleiðin í boði fyrir nemendur sem koma beint úr grunnnámi í háskóla. Forkröfur eru BS- eða BA-gráða með fyrstu einkunn (7,25), annað hvort í fjármálum, hagfræði, verkfræði, stærðfræði, eðlisfræði eða skyldum greinum, eða í öðrum greinum ásamt prófi í verðbréfaviðskiptum.

Sjáðu um hvað námið snýst

Umsagnir nemenda

Vilborg Einarsdóttir, meðstofnandi Mentors ehf.
MS í stjórnun og stefnumótun

Námið hefur nýst mér mjög vel, ég fór í stjórnun og stefnumótun og það kemur beint inn í það verkefni sem ég hef verið að vinna að síðustu ár sem er að byggja upp fyrirtæki á alþjóðlegum markaði á sviði menntatækni. Það er ekki bara að maður læri af kennurunum heldur snýst þetta líka um það að læra í verkefnavinnu. Við erum búin að halda saman ákveðinn kjarni síðan í náminu og hittumst reglulega og það er gríðarlegur styrkur og ég er enn að læra.

Jana Katrín Knútsdóttir, sölu- og markaðsstjóri Icepharma
MS í stjórnun og stefnumótun

Það voru nokkrar ástæður fyrir því að ég valdi meistaranám við Háskóla Íslands. Nám úr HÍ er mikils metins á vinnumarkaði.  Námsleiðirnar sem eru í boði fjölbreyttar og áhugaverðar og höfðuðu til mín og svo er Háskóli Íslands ríkisrekinn og námið er tiltölulega ódýrt. Kennslan var bæði fjölbreytt og skemmtileg, hún krafðist undirbúnings og þátttöku í tímum og það voru farnar nýjar leiðir í kennslu til að höfða til sem flestra. Það komu oft gestafyrirlesarar til okkar út atvinnulífinu og sögðu okkur sína sögu og svo vorum við líka hvött með verkefnavinnu til þess að fara út í atvinnulífið og út á vinnumarkaðinn og inn í fyrirtækin. Námið er að nýtast mér mjög vel í starfi í dag, ég fékk vinnu hjá draumafyrirtækinu mínu. Hér gegni ég stöðu sölu – og markaðsstjóra á heilbrigðissviði og viðskiptafræðimenntun mín og grunnmenntun í hjúkrunarfræði er að nýtast mér mjög vel.

Arnar Pétursson
Meistaranemi

Ástæðan fyrir því að ég valdi reikningsskil og endurskoðun er að því að ég vissi að þetta væri nám sem myndi nýtast mér gríðarlega vel í framtíðinni. Ég fór í skiptinám í kjölfarið að ég fór í skiptinám í grunnnáminu og reynsla mín af því er ótrúlega góð.  Stuðningurinn í Háskólanum er alveg frábær.

Mynd að ofan 
Texti vinstra megin 

Um nám

Sérstaða MFin í fjármálum felst í því að náminu lýkur ekki með ritun meistararitgerðar heldur er í staðinn lögð áhersla á að þjálfa nemendur í að beita kenningum og aðferðum til þess að leysa hagnýt verkefni. Námið er 90 einingar og samsett úr 15 námskeiðum. Skyldunámskeið eru átta og bundin valnámskeið sjö sem velja skal úr hópi 13 námskeiða í Viðskiptafræðideild og Hagfræðideild.

Texti hægra megin 

Starfsmöguleikar

Námið nýtist víða í atvinnulífinu en markmið þess er að búa nemendur sérstaklega undir sérhæfð störf sem lúta að fjármálastjórn og sérfræðivinnu á fjármálasviðum fyrirtækja og stofnana eða til ýmissa starfa í fjármálafyrirtækjum eins og bönkum, sparisjóðum, verðbréfafyrirtækjum, tryggingafélögum og lífeyrissjóðum.

Hafðu samband

Nánari upplýsingar um námið veita Ásgeir Jónsson, dósent í Hagfræðideild, ajonsson@hi.is og Hersir Sigurgeirsson, dósent í Viðskiptafræðideild, hersir@hi.is
Einnig veitir Þórunn Björg Guðmundsdóttir, verkefnisstjóri (thbg@hi.is) upplýsingar.