Skip to main content

Mannfræði

Mannfræði

BA gráða

. . .

Mannfræðin rannsakar allt sem viðkemur tegundinni Homo sapiens. Spurningar mannfræðinga snúast einkum um hin mörgu og ólíku samfélög manna. Áhersla er lögð á að skilja hugmyndir og athafnir fólks og hvaða merkingu þær hafa. Mannfræðin rannsakar ólík viðfangsefni svo sem þjóðerni í samtímanum, barnæsku, listir, fólksflutninga, þróunarsöguna, tengsl við umhverfið, þéttbýlismyndun og áhrifamátt miðla.

Um námið

Mannfræði er kennd sem 180 eininga aðalgrein, 120 eininga aðalgrein eða 60 eininga aukagrein. Einnig er boðið upp á 60 eininga aukagrein í líffræðilegri mannfræði.

Reglulega er boðið upp á námskeið kennd af stundakennurum til að auka enn frekar á fjölbreytni námsins. Þau tengjast oft málefnum sem eru ofarlega á baugi í samfélaginu.

Öll námskeið í mannfræði eru kennd í fjarnámi. 

Fjarnám

Unnt er að taka öll námskeið í grunnnámi og sum námskeið í framhaldsnámi í mannfræði í fjarnámi. Fjarnámið hentar vel nemendum sem búsettir eru utan höfuðborgarsvæðisins eða eiga af öðrum sökum óhægt um vik að sækja tíma. Fyrirlestrar eru teknir upp og eru aðgengilegir á lokuðu vefsvæði þar sem fjarnemar geta sótt þá tímabundið.

Inntökuskilyrði

Grunnnám

Íslenskt stúdentspróf eða sambærilegt próf frá erlendum skóla.

Sjáðu um hvað námið snýst

Mynd að ofan 
Texti vinstra megin 

Starfsmöguleikar

Nám í mannfræði kemur að góðum notum þar sem þörf er á haldgóðum skilningi á menningarlegri fjölbreytni, eðli og merkingu mannlegra samskipta og athafna, og líffræðilegum sérkennum og samkennum tegundarinnar. Mannfræðingar starfa m.a. við fjölmiðlun, minjasöfn, innflytjendamál, kennslu, þróunarsamvinnu, friðargæslu og erfðarannsóknir.

Texti hægra megin 

Dæmi um starfsvettvang

  • Fjölmiðlar
  • Minjasöfn
  • Innflytjendamál
  • Kennsla
  • Þróunarsamvinna
  • Friðargæsla
  • Erfðarannsóknir

Félagslíf

Félag nemenda í mannfræði nefnist Homo.

Stúdentakjallarinn er veitingastaður, kaffihús og skemmtistaður. Hann er staðsettur á neðstu hæð Háskólatorgs. Þar er aðstaða fyrir tónleika, fundi og annað félagslíf nemenda og er opið frá morgni til kvölds alla daga vikunnar

Hafðu samband

Skrifstofa Félags- og mannvísindadeildar
1. hæð í Gimli
Opið virka daga 10-12 & 13-15:30

525-5444 -  fom@hi.is

Þjónustuborð Félagsvísindasviðs