Skip to main content

Rannsóknir

Við Matvæla- og næringarfræðideild er mikil áhersla lögð á rannsóknir og nýsköpun. Í grunnnáminu er strax farið að kenna vinnubrögð sem notuð eru í rannsóknum en eiginleg rannsóknarvinna hefst fyrst og fremst í framhaldsnáminu. Meistaranám er að stórum hluta rannsóknarverkefni sem unnið er undir handleiðslu og í samstarfi við kennara og samstarfsfólk innanlands og utan. Doktorsnám felur einnig í sér vísinda- og tæknileg rannsóknarverkefni sem leiða til nýrrar þekkingar og nýsköpunar. Yfirlit yfir rannsóknaverkefni nemenda.

Matvælarannsóknir

Matvælarannsóknir er rannsóknavettvangur kennara og framhaldsnema í matvælafræði og sérfræðinga á skyldum fræðasviðum svo sem sameindalíffræði og lífefnafræði og er staðsett á Matís.

Rannsóknastofa í næringarfræði

Rannsóknastofa í næringarfræði (RÍN) er vísindaleg rannsóknastofnun við Háskóla Íslands og Landspítala sem hefur samstarf við háskóla, deildir spítalans og aðrar stofnanir um rannsóknir á sviði næringarfræði.

RÍN tekur einnig að sér þjónusturannsóknir og ýmis verkefni sem tengjast næringu og heilsu bæði fyrir opinbera aðila sem og einkaaðila.

Heimasíða Rannsóknastofu í næringarfræði