Skip to main content

Stofnanir og setur

Rannsóknarstofnanir, rannsóknastofur og -setur innan Læknadeildar eru:

Lífeðlisfræðistofnun

Veitir öllum fastráðnum kennurum Háskólans í lífeðlisfræði rannsóknaraðstöðu. Einnig getur stjórn stofnunarinnar veitt vísindamönnum á öðrum fræðasviðum aðstöðu eftir því sem aðstæður leyfa og efni standa til.

Lífvísindasetur

Lífvísindasetur Háskóla Íslands er formlegt samstarf þeirra rannsóknahópa á sviði lífvísinda sem óska eftir að vera aðilar að setrinu. Rannsóknahóparnir stunda rannsóknir á ýmsum sviðum lífvísinda svo sem sameindalíffræði krabbameins, starfsemi og sérhæfingu stofnfruma, taugalíffræði, stjórnun genatjáningar, erfðalækninga, næringar- og matvælafræði, ónæmisfræði auk ýmissa sviða lífeðlisfræði.

Rannsóknastofa í lyfja- og eiturefnafræði

Í stofunni er unnið að grunn- og þjónusturannsóknum í líflyfjafræði, réttarefnafræði og eiturefnafræði.

Rannsóknarstofa í hreyfivísindum

Rannsóknastofa í hreyfivísindum við námsbraut í sjúkraþjálfun Háskóla Íslands er vísindaleg rannsóknastofnun. Með hreyfivísindum er átt við öll þau fræði sem tengjast hreyfingum mannslíkamans á einn eða annan hátt.

Rannsóknastofa í krabbameinsfræðum

Rannsóknir sem auka þekkingu og skilning á eðli krabbameins.

Rannsóknastofa í stofnfrumufræðum

Rannsóknastofan er hluti af Lífvísindasetri

Tilraunastöð HÍ í meinafræði að Keldum

Meginviðfangsefni eru rannsóknir og greining sjúkdóma í dýrum og framleiðsla bóluefna gegn sauðfjársjúkdómum.