Jóhanna Eyrún Torfadóttir, MSc, næringarfræðingur og doktorsnemi í Lýðheilsuvísindum kynnir fyrstu niðurstöður í doktorsverkefni sínu.

Bakgrunnur Samkvæmt mataræðisrannsókn frá árinu 1939 kom fram talsverður munur á fæðuvenjum Íslendinga háð búsetu þeirra.Voru þá bornar saman fæðuvenjur einstaklinga í sveit, sjávarþorpi eða Reykjavík. Til að geta skoðað tengsl milli næringar (háð búsetu) og áhættu á krabbameini eru notuð gögn úr Reykjavíkurrannsókn Hjartaverndar. Þátttakendur eru 9115 karlmenn sem fæddir eru á árunum 1907-1936.

Í lok árs 2008 höfðu 1134 þeirra greinst með krabbamein í blöðruhálskirtli. Þátttakendur gáfu upplýsingar um búsetu sína frá fæðingu og því er hægt kanna samband milli næringar á fyrstu árum ævinnar og áhættu á krabbameini í blöðruhálskirtli.

Gögn Hjartaverndar skapa einstakar aðstæður til að rannsaka ofangreinda rannsóknarspurningu. Krabbamein í blöðruhálskirtli er eitt algengasta krabbameinið meðal karla á Íslandi og á Vestulöndum. Niðurstöður þessarar rannsóknar geta opnað nýja möguleika til forvarna.

Allir velkomnir