Rafmagns- og tölvuverkfræðideild er í margvíslegu samstarfi innanlands og utan. Náið samstarf er við aðrar deildir á verkfræði- og raunvísindasviði HÍ auk fjölþætts samstarfs við virta erlenda samstarfsskóla og stofnanir um rannsóknir og kennslu.

Nemendur deildarinnar fara utan í skiptinám og erlendir nemendur nema við rafmagns- og tölvuverkfræðideild. Kennarar deildarinnar hafa allir lært og starfað erlendis og rækta tengslanetið í gegnum ýmis samstarfsverkefni með erlendum kollegum.

Sterk tengsl rafmagns- og tölvuverkfræðideildar við íslenskt atvinnulíf byggja á áralöngu samstarfi við fyrirtæki og stofnanir um gagnkvæma ráðgjöf, kennslu og rannsóknir.