Meistaranám (MS)

Meistaranámið er tveggja ára nám eða fjögur misseri, samtals 120 ECTS einingar. Náminu lýkur með meistaragráðu í rafmagns- og tölvuverkfræði.

Námsáætlun:

• Nemandi velur umsjónarkennara úr hópi fastra kennara við deildina
• Nemandi velur námsleið í samráði við umsjónarkennara. Miðað er við að fyrra árið sitji nemendur námskeið og síðara árið sé unnið að rannsóknarverkefni.
• Í meistaranáminu er hægt að taka námskeið að hluta til við erlenda háskóla.
• Meistaraverkefni er unnið í samráði við umsjónarkennara. Er það tveggja missera vinna eða 60 ECTS einingar. Rannsóknarsvið fastra kennara deildar má finna hér.
• Meistarapróf er forsenda þess að öðlast réttindi til starfsheitisins verkfræðingur. Sækja þarf um þessi réttindi til iðnaðarráðuneytisins.

Frekari upplýsingar:

- Rafmagns- og tölvuverkfræði, meistarapróf, 120 einingar
- Forkröfur fyrir meistaranám í verkfræði
- Skráning í nám og umsóknarferli

Doktorsnám (Ph.D.)

• Doktorsnám að loknu meistaraprófi er 180 einingar, þriggja ára nám í fullu starfi hið minnsta.
• Námið er einstaklingsmiðað og skipulagt í samráði við leiðbeinendur.
• Námið skiptist í námskeiðshluta og rannsóknarverkefni. Námskeiðshlutinn jafngildir 60 einingum hið minnsta. Eftir að námskeiðshluta lýkur hefur doktorsnemi að lágmarki eins árs viðveru við Háskóla Íslands.

Helstu rannsóknarsvið fastra kennara og tenging yfir á heimasíður þeirra
Rafmagnsverkfræði, doktorspróf, 180 einingar
Rafmagns- og tölvuverkfræði, doktorspróf, 180 einingar