Rannsóknir starfsmanna jarðvísindadeildar eru unnar á vettvangi Jarðvísindastofnunar HÍ. Þar sinna  fastráðnir kennarar rannsóknum auk sérfræðinga, nýdoktora og framhaldsnema.

Rannsóknum er skipt í þrjú meginþemu:      

• Eldfjallafræði (Understanding volcanoes)      
• Umhverfi og veðurfar (Environment and climate)      
• Jarðskorpuferli (Crustal processes)

• Rannsóknir beinast að ýmsum þeim ferlum sem eru sérstaklega virk á Íslandssvæðinu, í skorpu og möttli jarðar, í eldstöðvum og jarðhitasvæðum, jöklum og straumvötnum, setlögum á landi og í sjó, gróðurfari og jarðvegseyðingu.

• Rannsóknirnar tengjast náttúruauðlindum Íslendinga, sérstæðri náttúru landsins í jarðfræðilegu tilliti og framlagi Íslendinga til hnattrænnar þekkingar í jarðvísindum.

• Rannsóknaverkefni eru unnin í samvinnu við ýmsar rannsókna- og þjónustustofnanir, s.s. Almannavarnir, Flugmálastjórn, Hafrannsóknastofnunina, Íslenskar Orkurannsóknir, Jöklarannsóknafélag Íslands, Landhelgisgæsluna, Landsvirkjun, Náttúrufræðistofnun, Orkustofnun, Orkuveitu Reykjavíkur, Vatnamælingar, Veðurstofu Íslands, Vegagerðina, Umhverfisstofnun og fjölmargar erlendar háskólastofnanir.

• Starfsmenn veita Almannavörnum og öðrum opinberum aðilum ráðgjöf um náttúruvá af ýmsum toga ásamt upplýsingum til fjölmiðla um ýmis jarðvísindaleg efni.