REGLUR FYRIR HÁSKÓLA ÍSLANDS
I. hluti

SAMEIGINLEGAR REGLUR HÁSKÓLANS

I. kafli

Æðsta stjórn Háskóla Íslands

1. gr. Stjórnskipulag háskólans

Stjórn Háskóla Íslands er falin háskólaráði, háskólarektor, deildarfundum, deildarforsetum og framkvæmdastjórum stjórnsýslu. Í tengslum við stjórn háskólans er efnt til háskólafundar samkvæmt því sem nánar er kveðið á um í lögum um háskólann og reglum þessum.

Þessi grein er í samræmi við 2. mgr. 2. gr. laganna. Framkvæmdastjórum stjórnsýslu er bætt við upptalningu í samræmi við 10. gr. þessara reglna.
upphaf reglna

2. gr. Hlutverk háskólaráðs

Háskólaráð er æðsti ákvörðunaraðili innan háskólans. Háskólaráð tekur mið af vísinda- og menntastefnu háskólans sem háskólafundur mótar. Meðal verkefna háskólaráðs eru:

*Nú VIII. kafla laga nr. 63/2006, um háskóla.

Í 1. mgr. er áréttað, sbr. 2. mgr. 2. gr. laganna og inngang greinargerðar með frumvarpi því sem varð að lögum um Háskóla Íslands nr. 41/1999, að framkvæmdastjórn og æðsta ákvörðunarvald eru falin háskólaráði en stefnumótun háskólafundi. Í greininni eru síðan talin helstu verkefni háskólaráðs, sbr. 3. gr. laganna, en meginhlutverk þess er fjármálavald og setning reglna fyrir háskólann, auk þess sem ráðið fer með æðsta úrskurðarvald í málum skólans, sem fyrr greinir. Rétt er að geta þess að samkvæmt lögum um Háskóla Íslands og lögum um háskóla kemur háskólaráð ekkert að starfsmannamálum að öðru leyti en leiðir af framangreindu hlutverki þess.
upphaf reglna

3. gr. Skipan háskólaráðs og kosning

Um skipan háskólaráðs og kosningu fulltrúa í það fer eftir þessum reglum:

Menntamálaráðherra skipar tvo fulltrúa til tveggja ára í senn, sbr. 5. tölulið 4. gr. laga um Háskóla Íslands nr. 41/1999. Miðast upphaf skipunartímabils við 1. júlí og lok við 30. júní að tveimur árum liðnum.

Þessi grein er byggð á 4. gr. laganna og er nánast samhljóða reglum um kosningar til háskólaráðs nr. 901/1999, sem háskólaráð samþykkti á fundi sínum 16. desember 1999, að undangenginni umsögn háskólafundar 4.- 5. nóvember 1999. Eini munurinn er sá að námsbrautir eru felldar út, enda ekki gert ráð fyrir þeim í lögum um háskólann eða þessum reglum og ákvæði til bráðabirgða er fært aftast í þessar reglur, er 1. mgr. þar. Um lið 3.4 er rétt að taka fram að kosningu verður að leiða til lykta á einum fundi en engar kröfur eru gerðar um lágmarksmætingu svo fundurinn teljist lögmætur.

¹Breytt með 4. gr. rgl. nr. 951/2004.

upphaf reglna

4. gr. Fundir háskólaráðs

Háskólaráð heldur fundi eftir þörfum. Rektor boðar fundi. Æski helmingur fulltrúa í háskólaráði fundar er rektor skylt að boða til hans. Boða skal til háskólaráðsfundar bréflega eða í tölvupósti með minnst þriggja daga fyrirvara ef við verður komið. Dagskrá fundar skal fylgja fundarboði.

¹Breytt með 1. gr. rgl. nr. 843/2000.

Byggt á 5. gr. laganna.
upphaf reglna

5. gr. Hlutverk háskólafundar

Háskólafundur er samráðsvettvangur háskóladeilda og háskólastofnana. Háskólafundur skal vinna að þróun og eflingu Háskóla Íslands og móta og setja fram sameiginlega vísinda- og menntastefnu háskólans.

1. Rektor kynnir og ræðir sameiginlega vísinda- og menntastefnu háskólans.
2. Tillögur að ályktunum háskólafundar um einstök málefni sem fyrir liggja.
3. Umsagnir um reglur sem háskólaráð setur og skylt er að bera undir háskólafund, samkvæmt ákvæðum laga um Háskóla Íslands.
4. Önnur mál sem löglega eru upp borin, samkvæmt reglum háskólafundar um fundarsköp.

Hlutverk háskólafundar er tilgreint í 7. gr. laganna. Háskólafundur er samráðsvettvangur háskóladeilda og háskólastofnana, hann skal vinna að þróun og eflingu Háskóla Íslands og móta og setja fram sameiginlega vísinda- og menntastefnu háskólans. Settur er fram rammi um þá efnisflokka sem teknir skulu til meðferðar og afgreiðslu á háskólafundi, eftir því sem við á hverju sinni. Fundurinn setur sér sjálfur reglur um skipan fundarins og fundarsköp, sbr. 4. mgr. 8. gr. laganna. Slíkar reglur voru settar á háskólafundi 4.-5. nóvember 1999 og hefur þeim síðan verið breytt lítillega í þrígang.
upphaf reglna

6. gr. Skipan háskólafundar

Um skipan háskólafundar gilda ákvæði laga um Háskóla Íslands og reglna sem háskólafundur setur á grundvelli þeirra.

Um skipan háskólafundar er kveðið á um í 1. mgr. 8. gr. laganna. Samkvæmt 4. mgr. 8. gr. setur háskólafundur sjálfur nánari reglur um skipan fundarins, m.a. um kosningu og setu fulltrúa annarra stofnana og samtaka á háskólafundi en þeirra sem getið er í 1. mgr. lagagreinarinnar og um atkvæðisrétt þeirra. Vísast um það til athugasemda við 5. gr.
upphaf reglna

7. gr. Háskólafundur

Rektor boðar háskólafund, er forseti hans og stýrir honum. Ritari háskólaráðs er jafnframt ritari háskólafundar.

Greinin er í samræmi við 8. gr. laga um Háskóla Íslands og er vísað til hennar og athugasemda sem fylgdu henni í frumvarpi til laganna. Sjá einnig um 5. og 6. grein þessara reglna.
upphaf reglna

8. gr. Hlutverk rektors

Háskólarektor er yfirmaður sameiginlegrar stjórnsýslu háskólans og æðsti fulltrúi hans gagnvart mönnum og stofnunum innan háskólans og utan. Hann hefur almennt eftirlit með starfsemi háskólans, þar með töldum ráðningar- og fjármálum einstakra deilda og stofnana. Rektor á frumkvæði að því að háskólafundur marki heildarstefnu í málefnum háskólans. Á milli funda háskólaráðs fer rektor í umboði þess með ákvörðunarvald í öllum málum háskólans. Rektor setur deildarforsetum erindisbréf.

Byggt á 6. gr. laganna. Auk þess er ákvæði um að rektor setji deildarforsetum erindisbréf og er þar einkum tekið mið af 10. gr. laganna, þar sem hlutverk deildarforseta er skilgreint.

Þriðju málsgrein greinarinnar var breytt í nóvember 2002 m.a. vegna ábendinga frá umboðsmanni Alþingis um óljós atriði í reglum háskólans. Breytingunni er ætlað að taka af skarið um það hvernig framkvæma eigi hæfisreglur stjórnsýslulaga þegar deildarfundir, skorarfundir og fundir í stjórnum stofnana undirbúa mál sem rektor á endanlegt ákvörðunarvald um. Í þeim tilvikum verður reglan sú að viðkomandi stjórnunareining fjalli um málið með sama hætti og stjórnsýslunefnd í skilningi laga en að rektor eigi úrskurðarvaldið komi upp ágreiningur.

Þá eru ákvæði um að framkvæmdastjórar stjórnsýslu, einn eða fleiri, hafi í umboði rektors yfirumsjón og eftirlit með hinni sameiginlegu stjórnsýslu háskólans en deildarforsetar hafa eftirlit og yfirumsjón með starfi og stjórnsýslu deilda. Nánari útfærsla er í 10. gr. og í kafla II.

Um útgáfu árbókar var tekið mið af 15. gr. eldri reglugerðar.
upphaf reglna

9. gr. Kosning, tilnefning og embættisgengi rektors

Um kosningu, tilnefningu og embættisgengi rektors gilda ákvæði laga um Háskóla Íslands auk eftirfarandi reglna:

¹Breytt með 20. gr. rgl. nr. 338/2007.

Þessi grein er byggð á 6. gr. laganna og er nær samhljóða reglum um rektorskjör nr. 899/1999, sem háskólaráð samþykkti á fundi sínum 16. desember 1999, að undangenginni umsögn háskólafundar 4.- 5. nóvember 1999. Sjá einnig 2. mgr. ákvæðis til bráðabirgða í þessum reglum. Sú breyting hefur þó verið gerð á 11. tölulið, til samræmis við 2. tölulið um embættisgengi, að háskólaráð getur í forföllum rektors og varaforseta háskólaráðs kvatt til starfs prófessor eða dósent. Rétt er að geta þess, að prófessorar við læknadeild, sem ráðnir eru eða skipaðir í fullt starf en taka hálf laun prófessors í samræmi við úrskurð kjaranefndar eru kjörgengir. Fara þeir einnig í samræmi við það með fullt atkvæði og á það einnig við um kosningar í háskólaráð og atkvæðisrétt á deildarfundum. Einnig var gerð breyting á 4. mgr. 5. töluliðar, en þar var Raunvísindastofnun felld úr upptalningu stofnana, þar sem hún starfar ekki á grundvelli sérlaga, öfugt við hinar sem í ákvæðinu eru taldar. Ákvæðið gerir ráð fyrir því að starfsmenn þeirra stofnana missi atkvæðisrétt í rektorskjöri, verði gerðar lagabreytingar þess efnis að umræddar stofnanir tengist ekki lengur háskólanum.
upphaf reglna

10. gr. Sameiginleg stjórnsýsla háskólans

Háskóladeildir og stofnanir

Kaflinn í heild er nánari útfærsla III. kafla laga um Háskóla Íslands, 9. og 10. gr., þar sem fjallað er um háskóladeildir og stofnanir. Tekið er mið af eldri lögum um háskólann nr. 131/1990, reglugerð nr. 98/1993 og öðrum gögnum sem við eiga, sbr. athugasemdir við einstakar greinar. Gert er ráð fyrir að ákvæði um stjórn deilda, skipan deildarfundar, fundina sjálfa, deildarforseta, kjör þeirra, deildarráð, skorir, kennsluskrá, námsnefndir, mat á starfsemi deilda og eftirlit með henni og ákvæði um háskólastofnanir, sem heyra undir deild, séu sameiginleg fyrir allar deildir háskólans. Í sérköflum um einstakar háskóladeildir eru því ekki ákvæði um þessi atriði.

Samkvæmt 2. mgr. 9. gr. laganna er deildum og stofnunum jafnframt, samkvæmt samþykktum sem háskólaráð staðfestir, heimilt að stunda þjónusturannsóknir og standa fyrir endurmenntun og fræðslu fyrir almenning. Í 18. gr. laganna er síðan heimild til þess að taka gjald fyrir slíka þjónustu og kennslu. Með þessum ákvæðum er fengin skýr lagastoð fyrir starfsemi af þessu tagi, sem skapar deildum nokkurt svigrúm til að afla sértekna og nýta þær eins og best samrýmist hagsmunum og þörfum deildarinnar eða stofnunarinnar hverju sinni. Rétt er hins vegar að leggja áherslu á að 18. gr. laganna heimilar ekki tekjuöflun umfram þann kostnað sem hlýst af því að veita þá þjónustu sem um ræðir hverju sinni.

12. gr. Háskóladeildir

Í Háskóla Íslands eru þessar deildir: guðfræðideild, læknadeild, lagadeild, viðskipta- og hagfræðideild, [hugvísindadeild]¹, tannlæknadeild, verkfræðideild, raunvísindadeild, félagsvísindadeild, lyfjafræðideild og hjúkrunarfræðideild. Háskólaráð tekur ákvörðun um stofnun og niðurlagningu deilda og aðrar breytingar á deildaskipan að fenginni umsögn háskólafundar.

¹Breytt með 4. gr. rgl. nr. 951/2004.

Byggt er á 2. gr. laganna, þar sem deildirnar eru taldar upp, og á samþykkt háskólaráðs 19. nóvember 1998, þar sem ákveðið var að stofna tvær nýjar deildir, sbr. inngang greinargerðar hér framar. Einnig er byggt á 4. gr. reglna nr. 951/2004 sem breytti heiti heimspekideildar í hugvísindadeild.
upphaf reglna

13. gr. Hlutverk og starfsemi deilda

Háskóladeildir eru grunneiningar háskólans. Innan þeirra fer fram kennsla, rannsóknir og stjórnun. Deildir eru sjálfstæðar um eigin málefni innan þeirra marka er sameiginlegar reglur háskólans setja og bera faglega ábyrgð á háskólakennslu og námi. Deildir háskólans veita kennslu í einstökum greinum í þágu annarra deilda eftir því sem við verður komið.

¹Breytt með 21. gr. rgl. nr. 338/2007.

Þessi grein er að kalla endurtekning á 9. gr. laganna sem byggð er á 9. gr. eldri laga um Háskóla Íslands nr. 131/1990, að því frátöldu að þar var gert ráð fyrir heimild til að stofna námsbrautir þegar svo stæði á að námi yrði ekki komið fyrir innan háskóladeilda. Það á ekki við lengur, þar sem ekki er gert ráð fyrir námsbrautum í lögunum. Greinin þarfnast ekki frekari skýringa.
upphaf reglna

14. gr. Endurmenntun á vegum háskóladeilda

Endurmenntunarnám á vegum háskóladeilda lýtur eftirfarandi skilyrðum:

¹Breytt með 4. gr. rgl. nr. 718/2001.

Í grein þessari er að finna nánari útfærslu á endurmenntun, sbr. 9. gr. laganna. Hér er rammi um endurmenntun á vegum háskóladeilda skilgreindur en engin skilgreining er á eðli eða formi endurmenntunar á vegum deilda í lögunum. Í greininni er hins vegar ekki verið að skilgreina almennt hvað felst í hugtakinu endurmenntun.

Hugtakið endurmenntun er oft lagt að jöfnu við þá menntun og fræðslu sem fram fer á vegum Endurmenntunarstofnunar Háskóla Íslands. Greinarmunur er hins vegar á eðli og formi endurmenntunar á vegum háskóladeilda annars vegar og þeirri endurmenntun sem fram fer á vegum Endurmenntunarstofnunar. Í fyrra tilvikinu er námið alfarið á ábyrgð deildanna og lýtur sömu skilyrðum og annað nám í deild um faglega umsjón, skipulag, uppbyggingu, rannsóknir því tengdu, námsefni, námskeið, kennslu, próf og veitingu háskólagráðu við námslok. Endurmenntunarstofnun er hins vegar ekki háskóladeild og hefur ekki heimild til að veita prófgráður.

Orðið endurmenntun er að sumu leyti villandi þar sem merking þess í hugum manna er mismunandi og því ekki hægt að binda hana bókstaflega við upprifjun sömu greinar eða menntun í greininni á ný eða aftur. Orðið sem slíkt getur því villt sýn og einföld orðskýring dugar ekki. Nú á tímum er ef til vill ekki raunhæft að greina á milli grunn-, framhalds- og endurmenntunar út frá þeim viðfangsefnum sem fengist er við í náminu eða þeim aðferðum sem beitt er við kennsluna. Menntun er orðin að samfelldu ferli sem nær yfir stóran hluta af lífshlaupi hvers manns. Símenntun er að því leyti heppilegra orð um það hugtak sem endurmenntun er ætlað að standa fyrir. Í þessum reglum er orðið endurmenntun hins vegar notað í samræmi við orðfæri laganna og hefðbundið orðalag í umræðum fólks. Þetta afbrigði menntunar verður líka helst greint frá annars konar menntun með tilliti til þess hverjir taka þátt í henni og hvaða hlutverki hún gegnir í lífi þeirra og starfi. Þó er ljóst að nám af þessu tagi gerir ekki ráð fyrir rannsóknarvinnu af hálfu nemenda.

Endurmenntun á vegum deilda getur verið með ýmsum hætti. Fólk getur sótt námskeið sem boðin eru í reglubundnu námi og greitt fyrir skrásetningargjald. Slík endurmenntun eða símenntun er þá ekki sérstaklega skipulögð af deild heldur er það ákvörðun hvers og eins sem uppfyllir inntökuskilyrði að nýta sér þá kosti sem deildir bjóða í reglulegu námi. Í annan stað geta deildir skipulagt sérstök námskeið sem eingöngu eru ætluð til endurmenntunar, sí- eða viðbótarmenntunar þeim sem lokið hafa háskólanámi í viðkomandi fræðigrein. Ákvörðun um slíkt framboð námskeiða er deildanna sjálfra og kostnaður vegna þeirra greiðist af þeim sjálfum ef svigrúm leyfir. Slík námskeið geta eðli málsins samkvæmt gefið einingar, enda fagleg ábyrgð alfarið hjá deildinni. Nemendur greiða skrásetningargjald og nemendum sem stunda hefðbundið nám í viðkomandi fræðigrein deildarinnar er heimilt að sækja námskeiðin og eftir atvikum geta þau verið hluti af námi til háskólaprófs á viðkomandi fræðasviði. Í þriðja lagi geta deildir skipulagt sérstök námskeið sem ætluð eru til endurmenntunar þeim sem áhuga hafa eða þeim einum sem lokið háskólanámi í tiltekinni grein. Ákvörðun um slíkt námsframboð er deildanna sjálfra og kostnaður vegna þeirra greiðist af þeim sem námið sækja. Þetta nám verður að lúta þeim skilyrðum sem kveðið er á um í þessari grein og krefst samþykkis háskólaráðs.

Nýmælið sem felst í þessari grein er að settar eru skýrar reglur um hvað átt er við með endurmenntun á vegum deilda, sem er utan við hefðbundið námsframboð þeirra, og gjaldtöku fyrir hana. Eftir sem áður geta þeir sem lokið hafa háskólaprófi sótt einstök námskeið sér til endurmenntunar í reglubundnu námi í deildunum, gegn greiðslu skrásetningargjalds, enda flokkast það ekki sem endurmenntun á þeirra vegum, samkvæmt þessari grein.

Í skilgreiningu á endurmenntunarnámi á vegum deilda er gengið út frá þeirri grunnforsendu að fagleg ábyrgð á háskólanámi geti einungis verið hjá háskóladeildum. Kennarar háskóladeilda eru valdir að undangengnu ströngu hæfnismati, þar sem megináhersla er lögð á vísindastörf, ritsmíðar og rannsóknir. Hver kennari um sig ber ábyrgð á tilteknum námskeiðum og háskóladeild á náminu í heild. Eigi endurmenntun að vera fullgilt háskólanám sem gefi einingar verða deildir að bera faglega ábyrgð á náminu. Deild er heimilað að semja við þriðja aðila um ákveðin framkvæmdaratriði, s.s. skráningu nemenda, fjárreiður, reikningshald, húsnæði, kynningu o.fl. en ekki um fagleg atriði námsins, s.s. val á kennurum, skipulag námsins, ákvörðun námsefnis og þess háttar. Þannig geta deildir t.d. samið við Endurmenntunarstofnun um slík framkvæmdaratriði ef þær kjósa svo. Endurmenntun á vegum deilda er skilgreind nánar sem nám sem boðið er utan við hefðbundið námsframboð deildar. Nánari reglur gilda um þetta efni, en þær voru settar þann 25. október 2001, (nr. 829/2001).

Um gjaldtöku fer eftir lögum um Háskóla Íslands og nánari ákvæðum í VII. kafla reglna þessara. Samkvæmt 2. málsl. 1. mgr. 18. gr. laganna um háskólann er honum heimilt að taka gjöld fyrir endurmenntun og fræðslu fyrir almenning. Samkvæmt 2. mgr. 9. gr. er deildum heimilt að standa fyrir endurmenntun og fræðslu fyrir almenning. Í greinargerð með frumvarpi því sem varð að lögum um Háskóla Íslands nr. 41/1999 sagði m.a. um þessi atriði: „Jafnframt er deildum og stofnunum, samkvæmt samþykktum sem háskólaráð staðfestir, heimilt að stunda þjónusturannsóknir og standa fyrir endurmenntun og fræðslu fyrir almenning. Í 18. gr. frumvarpsins er síðan að finna heimild til þess að taka gjald fyrir slíka þjónustu og kennslu. Með þessum ákvæðum er fengin skýr lagastoð fyrir starfsemi af þessu tagi."

Um endurmenntun á vegum Endurmenntunarstofnunar Háskóla Íslands er kveðið á um í reglum um stofnunina sem settar voru þann 25. október 2001 (nr. 844/2001). Þær reglur ganga út frá sömu grunnforsendu, að eigi endurmenntun að vera fullgilt háskólanám sem gefi einingar og/eða ljúki með sérstakri háskólagráðu, þá verði deildir að bera faglega ábyrgð á náminu Áskilið er að háskólaráð staðfesti samþykktir deilda og stofnana um endurmenntun á þeirra vegum og gjaldtöku vegna hennar.

Niðurlagsákvæði greinarinar var sett í júní 2001 vegna túlkunar kjaranefndar á starfsskyldum prófessora. Viðbótarákvæðið tekur af tvímæli um, að kennsla í endurmenntun háskóladeilda skv. 14. gr. er ekki hluti starfsskyldum fastra háskólakennara, enda er reglulegt nám við háskólann kostað af fjárveitingu samkvæmt kennslusamningi við stjórnvöld, en endurmenntun á vegum háskóladeildar, eins og hún er hér afmörkuð, er kostuð af öðrum en háskólanum, skv. sérstökum samþykktum í hverju tilviki og með staðfestingu háskólaráðs á gjaldtöku vegna námsins, sbr. 9. og 18. gr. laga um Háskóla Íslands og 70. gr. reglnanna.
upphaf reglna

15. gr. Fræðsla fyrir almenning

Fræðsla fyrir almenning á vegum deilda og stofnana sem undir deildir heyra felur í sér, eftir atvikum, námskeið fyrir almenning, fyrirlestra, málstofur, almenna kynningu á starfsemi deilda og stofnana og annað sem ekki telst til reglulegrar kennslu, náms og endurmenntunar á vegum deildar eða stofnunar.

Hér er lögð til viss leiðbeining um hvað falist getur í fræðslu fyrir almenning á vegum deilda og stofnana sem undir deildir heyra, sbr. 9. gr. laganna. Það er á valdi deilda og stofnana að útfæra það nánar.
upphaf reglna

16. gr. Stjórn deilda

Stjórn deildar er í höndum deildarfunda, deildarráðs, ef við á, og deildarforseta. Deildarfundur fer með ákvörðunarvald í öllum málefnum sem hver deild er bær að taka ákvörðun um. Í tilteknum málum eða málaflokkum er háskóladeild heimilt á fundi að framselja ákvörðunarvald til deildarráðs eða deildarforseta.

Deildarforseti er framkvæmdastjóri deildar og æðsti fulltrúi hennar gagnvart mönnum og stofnunum innan háskólans og utan.

Byggt á 10. grein laganna, sem kveður á um að háskólaráð setji nánari reglur um starfsemi deilda, stjórn þeirra, deildarráð, skiptingu í skorir, námsnefndir, kjör deildarforseta og hlutverk þeirra og deildar- og skorarfundi. Nánari útfærsla er í næstu greinum reglnanna og er tekið mið af eldri reglugerð fyrir háskólann. Rétt er að geta þess að heimildir deildarfundar til valdframsals til deildarráðs eru, í samræmi við almennar reglur stjórnsýsluréttar, rýmri en heimildir til valdframsals til deildarforseta. Í íslenskum stjórnsýslurétti er almennt miðað við það að stjórnsýslunefnd geti ekki framselt formanni vald til að taka ákvarðanir um rétt eða skyldu manna í skilningi 2. mgr. 1. gr. stjórnsýslulaga nr. 37/1993. Frá því geta þó verið undantekningar ef um mjög einfaldar ákvarðanir er að ræða, sem ekki gefa svigrúm til mats, eða í einföldum málum, þar sem skapast hefur föst venja um framkvæmdina.
upphaf reglna

17. gr. Skipan deildarfundar

Á deildarfundum eiga sæti prófessorar, dósentar og lektorar, þ.á m. erlendir lektorar og aðjúnktar, svo og forstöðumenn rannsóknastofnana er lúta deildinni. Enn fremur eiga þar sæti þrír fulltrúar stúdenta í deildum, þar sem fjöldi annarra, sem rétt hafa til fundarsetu með atkvæðisrétti, er tólf eða færri, og síðan einn fulltrúi stúdenta fyrir hverja sex til viðbótar. [Um val á fulltrúum stúdenta fer eftir reglum sem deildarfundur setur. Í þeim reglum skal tryggt eftir því sem kostur er að stúdentar í grunnnámi og í framhaldsnámi eigi aðild að deildarfundum.]¹ Öllum sem sæti eiga á deildarfundi er skylt að sækja fundi. Deild er heimilt að ákveða að stundakennarar eigi þar sæti, en atkvæðisrétt eiga þeir ekki. Skrifstofustjórar sitja deildarfundi og hafa þar málfrelsi og tillögurétt en atkvæðisrétt hafa þeir ekki. Deild er heimilt að ákveða að sérfræðingar, fræði- og vísindamenn, sem ráðnir eru til deilar eða stofnana sem heyra undir deild sitji deildarfundi og er deild einnig heimilt að kveða á um hvort þeir hafi atkvæðisrétt.

¹Breytt með 2. gr. rgl. nr. 596/2006.

Byggt á 10. grein laganna, sem kveður á um að háskólaráð setji nánari reglur um starfsemi deilda, stjórn þeirra, deildarráð, skiptingu í skorir, námsnefndir, kjör deildarforseta og hlutverk þeirra og deildar- og skorarfundi. Nánari útfærsla er í næstu greinum reglnanna og er tekið mið af reglugerð fyrir háskólann nr. 98/1993, með áorðnum breytingum. Rétt er að geta þess að heimildir deildarfundar til valdframsals til deildarráðs eru, í samræmi við almennar reglur stjórnsýsluréttar, rýmri en heimildir til valdframsals til deildarforseta. Í íslenskum stjórnsýslurétti er almennt miðað við það að stjórnsýslunefnd geti ekki framselt formanni vald til að taka ákvarðanir um rétt eða skyldu manna í skilningi 2. mgr. 1. gr. stjórnsýslulaga nr. 37/1993. Frá því geta þó verið undantekningar ef um mjög einfaldar ákvarðanir er að ræða, sem ekki gefa svigrúm til mats, eða í einföldum málum, þar sem skapast hefur föst venja um framkvæmdina.

Byggt er á 27. gr. reglugerðar nr. 98/1993. Í kjölfar athugasemda sem fram komu var ákveðið að haga málum þannig að hver deild ráði því hvort sérfræðingar, vísinda- og fræðimenn skuli eiga sæti og atkvæðisrétt á deildarfundum. Eins var ákveðið í ljósi athugasemda frá læknadeild að fela deildum ákvörðunarvald um hvort deildarmenn geti farið með fullt atkvæði án þess að gegna fullu starfi við deildina, a.m.k. í hefðbundnum skilningi. Fellt var út ákvæði sem kvað á um að væri fjallað um kennslugreinar kennara sem ekki ætti sæti á deildarfundi þyrfti að boða hann á fundinn. Ákvæði þetta er talið úrelt og ef fjalla á um frammistöðu einstakra stundakennara ber í samræmi við almennar reglur um andmælarétt að gefa honum kost á að koma á framfæri athugasemdum sínum.
upphaf reglna

18. gr. Deildarfundir

Hver háskóladeild heldur fundi eftir þörfum en skylt er að boða til fundar ef rektor eða þriðjungur deildarmanna, sem rétt eiga til fundarsetu, æskja þess.

Gerðir deildarfunda skulu bókfærðar og skal staðfesta þær, ef unnt er, áður en fundi er slitið, þó eigi síðar en á næsta fundi. Fundargerðir skal senda öllum sem sæti eiga á deildarfundi.

Byggt er á 26. gr. reglugerðar nr. 98/1993. Sá munur er helstur á að heimilað er að boða fundi í tölvupósti og enn fremur er heimilað að fundargerð sé staðfest á næsta fundi á eftir og byggist það hvort tveggja á hagkvæmnissjónarmiðum. Til að eyða óvissu er sett inn nýtt ákvæði um að deildarmaður skuli án tafar tilkynna deildarforseta um forföll. Þá er fellt út ákvæði eldri reglugerðar nr. 98/1993 um heimild deildarforseta til að binda menn þagnareiði um einstök mál. Slíkir svardagar samrýmast ekki lögum. Á hitt er minnt að deildarfundir eru fundir stjórnsýslunefnda og eru fundarmenn bundnir trúnaði um þau mál sem eðlilegt er að leynt fari í samræmi við grundvallarreglur stjórnsýsluréttar. Þegar metið er hvort fundur sé ályktunarbær verður að miða við heildarfjölda fulltrúa án tillits til hvort einhverjir hafi boðað forföll sem telja má lögmæt. Regla þessi er í samræmi við 34. gr. stjórnsýslulaga. Skal hér undirstrikað að skylda er að mæta á deildarfundi og þrátt fyrir að deildarmenn geti haft lögmæt forföll er ekki hægt að víkja frá þeirri kröfu að meirihluti deildarmanna sé viðstaddur til að um ályktunarbæran fund sé að ræða. Sé um leynilega atkvæðagreiðslu að ræða er ljóst að ekki er hægt að beita þeirri reglu sem sett er fram í reglunum, falli atkvæði jöfn. Í slíkum tilvikum verður því einfaldlega að kjósa aftur séu atvik með þeim hætti að ekki sé hægt að líta svo á að tillaga sé fallin á jöfnum atkvæðum.
upphaf reglna

19. gr. Deildarforseti

Deildarforseti á frumkvæði að mótun heildarstefnu fyrir deild. Hann hefur eftirlit með starfi og stjórnsýslu deildar og ber ábyrgð á fjármálum deildar og stofnana sem heyra undir deild gagnvart háskólaráði og rektor. Hann semur fjárhagsáætlun og leggur hana fyrir deildarfund. Deildarforseti, í umboði deildarfundar, ráðstafar fé deildarinnar.

Um hlutverk deildarforseta, ábyrgð, réttindi, skyldur og verkefni að öðru leyti er nánar kveðið á um í erindisbréfi sem rektor setur þeim, samkvæmt ákvæðum í lögum og reglum um háskólann.

Engin skýr fyrirmæli eru um hlutverk deildarforseta í eldri reglugerð nr. 98/1993. Í 10. gr. laganna eru ákvæði um hlutverk deildarforseta og verkefni. Í þessari grein er þetta nánar útfært og tekið nokkurt mið af hlutverki rektors gagnvart háskólaráði. Enn fremur er tekið mið af drögum að erindisbréfi fyrir deildarforseta sem samin hafa verið. Þar eru hlutverk deildarforseta, ábyrgð, réttindi, skyldur og verkefni nánar skilgreind. Nýtt er að deildarforseti ræður aðjúnkta og stundakennara, starfsmenn stofnana sem heyra undir deild og starfslið stjórnsýslu deildar og semur starfslýsingar fyrir það, eftir því sem við á. Þetta er í samræmi við ákvæði 10. gr. laganna og 1. mgr. 12. gr. Einnig er rétt að minna á það sem segir í skýringum við 16. gr. um heimildir til valdframsals til deildarforseta. Deildarforseti ber ábyrgð á fjármálum deildar og er heimilt að neita að framkvæma ákvörðun deildarfundar ef hún felur í sér að útgjöld fara fram úr heimildum. Vald þetta hefur deildarforseti í umboði rektors, sem ber samkvæmt 2. málsl. 2. mgr. 38. gr. laga nr. 70/1996, um réttindi og skyldur starfsmanna ríkisins, ábyrgð á því að rekstrarútgjöld og rekstrarafkoma stofnunar séu í samræmi við fjárlög og fjármunir séu nýttir á árangursríkan hátt. Komi upp sú staða að deild taki þegar á nýjan leik ákvörðun sem deildarforseti hefur synjað að framkvæma er samkvæmt framangreindu ljóst að kominn er upp alvarlegur ágreiningur milli deildar og forseta, sem vísað yrði til úrlausnar rektors og háskólaráðs eftir því sem við á.
upphaf reglna

20. gr. Kjör deildarforseta

Hver háskóladeild velur deildarforseta og annan til vara úr hópi prófessora og dósenta deildarinnar sem gegna fullu starfi. Í deild sem er skorarskipt skulu forseti og varaforseti deildarinnar ekki vera úr sömu skor. Í deild þar sem fjórir fimmtu hlutar prófessora, dósenta og lektora deildarinnar koma úr einni skor er heimilt að víkja frá þessu. Deildarforseta og varaforseta skal kjósa til þriggja ára í senn. Kosning er skrifleg og skal lokið fyrir 1. febrúar á því ári sem kjörtímabil sitjandi deildarforseta rennur út og miðast upphaf kjörtímabils við 1. júlí og lok við 30. júní að þremur árum liðnum.

Kjörgengum kennurum er skylt að taka við kosningu til deildarforsetastarfs og til starfs varadeildarforseta. Endurkjósa má deildarforseta, en rétt hefur hann til að skorast undan endurkjöri. Sá sem gegnt hefur embætti rektors, getur og skorast undan kjöri til deildarforsetastarfa næsta kjörtímabil eftir að hann lét af rektorsstörfum. Nú fellur deildarforseti frá eða lætur af störfum og skal þá kjósa deildarforseta og varaforseta fyrir þann hluta kjörtímabils, sem eftir er. Ef deildarforseti og varadeildarforseti eru báðir forfallaðir ákveður deildarfundur hvaða prófessorar eða dósentar deildarinnar eru kallaðir til að gegna störfum þeirra tímabundið.

Byggt er á 10. gr. laganna og 25. gr. reglugerðar nr. 98/1993. Gengið er út frá því að deildarforseti verði kosinn til starfans eins og verið hefur. Um upphafs- og lokadag kjörtímabils er gætt samræmis við reglur um háskólaráð, sbr. 3. gr. þessara reglna, og reglur um rektorskjör, sbr. 9. gr. reglnanna, en gert er ráð fyrir að kjörtímabil hefjist 1. júlí og því ljúki 30. júní. Kjörtímabil fulltrúa í háskólaráði er tvö ár, samkvæmt ákvæðum 4. gr. laganna, og skipunartími rektors er fimm ár, samkvæmt 6. gr. Um lengd kjörtímabils deildarforseta er hins vegar miðað við þrjú ár í stað tveggja eins og áður var. Sú breyting er gerð í ljósi umræðna sem fram hafa farið, m.a. er frumvarp að nýjum lögum var til umfjöllunar innan háskólans. Tvö ár hafa þótt skammt kjörtímabil, einkum í stærri deildunum, þar sem starf deildarforseta er umfangsmikið. Þá er lagt til að auk prófessora, eins og er í eldri reglum, verði dósentar einnig kjörgengir til starfs deildarforseta. Þessi tillaga er í samræmi við þá umræðu sem fram fór í háskólaráði er unnið var að undirbúningi frumvarps þess er varð að lögum nr. 41/1999.
upphaf reglna

21. gr. Deildarráð

Heimilt er deild að mynda stjórnarnefnd, deildarráð. Í deildarráði skulu eiga sæti auk deildarforseta varaforseti deildarinnar, einn fulltrúi úr hverri skor, ef því er að skipta, og skal hann vera formaður skorar, og tveir fulltrúar stúdenta, kjörnir af félagssamtökum þeirra til eins árs í senn úr hópi fulltrúa stúdenta á deildarfundum. Deildir setja sér nánari reglur um fjölda fulltrúa á deildarráðsfundum. Fari fjöldi annarra fulltrúa í deildarráði yfir tólf gilda sömu reglur um fjölda fulltrúa stúdenta og á deildarfundi. Um atkvæðisrétt og vægi atkvæða í deildarráði fer eftir sömu reglum og gilda á deildarfundi.

Deildarforseti annast framkvæmd ákvarðana deildarráðs og deildarfundar.

Byggt er á 10. gr. laganna og í meginatriðum fylgt sömu reglum og gilt hafa, samkvæmt reglugerð nr. 98/1993, sbr. ákvæði í sérreglum deilda þar sem deildarráð hafa starfað en hlutverk deildarráða er hér skilgreint nánar.
upphaf reglna

22. gr. Skorir

Heimilt er með samþykki háskólaráðs að skipta deild í skorir eftir kennslugreinum, sem lýkur með prófgráðu. Rísi ágreiningur um mörk skora sker deildarfundur úr um skiptinguna. Um skoraskiptingu deilda er nánar kveðið á í viðeigandi köflum í reglum þessum.

Skor heldur fundi eftir þörfum. Skylt er að boða til fundar, ef deildarforseti eða þriðjungur atkvæðisbærra skorarmanna æskir þess. Skorarformaður boðar fundi bréflega eða í tölvupósti með þriggja daga fyrirvara, ef unnt er, en einstakar skorir geta þó haft annan hátt á fundarboðun. Fundarefni skal greina í fundarboði. Fundur er ályktunarbær, ef meirihluti atkvæðisbærra skorarmanna sækir hann. Afl atkvæða ræður úrslitum mála. Ef atkvæði eru jöfn sker atkvæði formanns úr eða þess er gegnir formannsstörfum. Gerðir skorarfunda skulu bókfærðar og skal staðfesta þær áður en fundi er slitið, ef unnt er, þó eigi síðar en á næsta fundi. Verði ágreiningur á skorarfundi getur skorarformaður eða formaður greinar skotið ágreiningsmálinu til úrskurðar deildar. Fundargerðir skal senda öllum sem sæti eiga á skorarfundi og deildarráðsfundi.

²Breytt með 3. gr. rgl. nr. 596/2006.

Byggt er á 10. gr. laganna og í meginatriðum fylgt sömu reglum og gilt hafa, samkvæmt reglugerð nr. 98/1993, sbr. ákvæði í sérreglum skoraskiptra deilda, en hlutverk skora skilgreint nánar. Kjörtímabil skorarformanna er eitt til þrjú ár samkvæmt nánari ákvörðun deildar.
upphaf reglna

23. gr. Kennsluskrá og námsnefndir

Hver deild semur kennsluskrá fyrir sig, og skal þar meðal annars gerð grein fyrir skipan náms í deildinni, námsefni, námsframvindu, námsmati, hámarksnámstíma, prófgráðum, prófgreinum og prófkröfum, námskeiðum sem í boði eru og vægi þeirra, kennsluháttum, starfsþjálfun, æfingum, misseraskiptingu, stjórn deildar og skiptingu í skorir og félagsmálum stúdenta. Enn fremur skal geta kennslurita og annarra rita, sem æskilegt er að stúdent kynni sér í námi sínu og greina almennt frá náminu, eftir því sem þörf þykir.

Við hverja deild skal starfrækja að minnsta kosti eina ráðgefandi námsnefnd, sem jafnmargir kennarar og stúdentar eiga sæti í. Kennarar, þar með taldir stundakennarar, og stúdentar kjósa fulltrúa hvorir í sínu lagi í upphafi hvers kennsluárs. Hlutverk námsnefnda er að fjalla um tillögur um námsefni í hverri kennslugrein og semja umsagnir og tillögur um námsskipan og kennslufyrirkomulag greinarinnar. Deildir ákvarða nánar fjölda námsnefnda og hlutverk þeirra.

Byggt er á 3. mgr. 9. gr. og 10. gr. laganna og 28. gr. reglugerðar nr. 98/1993. Sú breyting var gerð að nú er skýrt að einungis þarf að starfrækja eina námsnefnd við hverja deild en deildinni er hins vegar heimilt að hafa fleiri. Að öðru leyti þarfnast ákvæðið ekki skýringar.
upphaf reglna

24. gr. Mat á starfsemi deilda og eftirlit með henni

Með fimm til tíu ára millibili skal deild meta starfsemi sína í heild í samræmi við formlegt gæðakerfi háskólans sem háskólaráð ákvarðar. Háskólaráð getur látið fara fram úttekt á starfsemi deilda telji ráðið tilefni til þess.

Skylt er að ræða niðurstöður kennslukannana og umsagnir kennara um eigin kennslu og námskeið innan stjórnunareininga deildar, samkvæmt nánari ákvörðun hennar. Skal þess gætt að niðurstöður kennslukannana liggi ekki fyrir fundi í persónugreinanlegu formi. Deildarforseti, skorarformaður og einn fulltrúi stúdenta á deildar- eða skorarfundi fá í hendur niðurstöður kennslukönnunar og umsagnir kennara í viðkomandi stjórnunareiningu og fylgja því eftir að þær hljóti viðeigandi meðferð. Umsjónarkennarar hafa aðgang að niðurstöðum um stundakennara sem kennt hafa í námskeiðum sem þeir hafa umsjón með. Dómnefndir um störf kennara skulu hafa aðgang að niðurstöðum kennslukannana. Háskólaráð setur að fengum tillögum kennslumálanefndar nánari reglur um kennslukannanir og meðferð þeirra.

Útfærsla á 1. mgr. 9. gr. laganna, sbr. einnig 1. mgr. 9. gr. eldri laga um háskólann nr. 131/1990, þar sem gert er ráð fyrir því að fara skuli fram reglulegt mat á starfsemi deilda. Tekið er mið af því gæðaeftirliti sem viðhaft hefur verið undanfarin ár, m.a. með úttektum á einstökum deildum, árlegri endurskoðun kennsluskrár og könnunum á kennslu og námskeiðum á hverju misseri. Jafnframt er gengið út frá því að í samningum um kennslu og rannsóknir og fjárhagsleg samskipti á milli háskólans og menntamálaráðuneytis og fjármálaráðuneytis, séu ákvæði um að háskólinn komi á formlegu gæðakerfi. Þar er einnig gert ráð fyrir því að deildir skuli jafnan hafa tiltækar upplýsingar vegna sérstakra úttekta er fram fara í samvinnu við menntamálaráðuneytið, samkvæmt reglum nr. 331/1999 um gæðaeftirlit með háskólakennslu og öðrum reglum um starfsemi háskóla. Þykir eðlilegt að úttektir fari fram á fimm til tíu ára fresti og er mikilvægt að þær verði ekki of mikil byrði á starfsemi skólans.

Ákvæði 4. mgr. greinarinnar um meðferð á niðurstöðum kennslukannana er í samræmi við samþykkt háskólaráðs frá 30. nóvember 1989, þar sem kemur fram að könnun á kennslu og námskeiðum skuli fara fram í öllum námskeiðum. Samkvæmt 1. mgr. 1. gr. laga nr. 41/1999, um Háskóla Íslands, skal háskólinn vera vísindaleg rannsókna- og fræðslustofnun er veiti nemendum sínum menntun til að sinna sjálfstætt vísindalegum verkefnum og gegna ýmsum störfum í þjóðfélaginu. Til þess að unnt sé að ná þessum markmiðum er ljóst að vanda þarf til kennslu í skólanum og er könnun á henni einn mikilvægasti liðurinn í að bæta þá kennslu sem fram fer innan Háskóla Íslands. Kennsla er snar þáttur í starfsskyldum háskólakennara. Eru kennslukannanir nauðsynlegar til að Háskóli Íslands geti haft eftirlit með því að starfsmenn hans nái fullnægjandi árangri í starfi, sbr. 21. gr. laga nr. 70/1996, um réttindi og skyldur starfsmanna ríkisins. Í 3. tölulið 1. mgr. 6. gr. fyrrgreinds samnings um kennslu á milli háskólans og menntamálaráðuneytis og fjármálaráðuneytis er kveðið á um að háskólinn muni koma á kerfisbundnu mati á störfum kennara er feli m.a. í sér mat nemenda á kennslu, greinargerð/sjálfsmat kennara og viðbrögð viðkomandi stjórnunareiningar, deildar eða skorar, í þeim tilgangi að bæta kennsluna. Í samræmi við þetta er kveðið á um kennslukannanir, framkvæmd þeirra og eftirfylgni í þessari grein. Gert er ráð fyrir því að óheimilt sé að birta niðurstöður opinberlega og sömu reglur gildi um birtingu niðurstaðna og gilda um birtingu einkunna stúdenta, sbr. álit tölvunefndar þar um frá 23. mars 1999, sbr. einnig 61. gr. þessara reglna og umfjöllun um hana. Á það er minnt í þessu samhengi, sbr. umsögn um 18. gr. hér að framan, að fundir stjórnunareininga, deilda, deildarráða, skora, námsnefnda o.s.frv. eru fundir stjórnsýslunefndar og eru fundarmenn bundnir trúnaði um þau mál sem eðlilegt er að leynt fari í samræmi við grundvallarreglur stjórnsýsluréttar. Að síðustu er rétt að taka fram að kennslukannanir eru vitaskuld ekki algildur mælikvarði á hæfileika manna til kennslu.
upphaf reglna

25. gr. Háskólastofnanir

Stofnanir háskólans heyra ýmist undir háskólaráð eða háskóladeild eða lúta sérstökum lögum. Háskólaráð tekur ákvörðun um nýjar stofnanir og niðurlagningu starfandi stofnana og aðrar breytingar á þeim.

Byggt er á 2. mgr. 9. gr. og 2. mgr. 19. gr. laganna þar sem gert er ráð fyrir að stofnanir háskólans heyri ýmist undir háskólaráð eða háskóladeild og að háskólaráð setji þeim nánari reglur. Þriðji flokkur stofnana sem tengjast háskólanum eru þær sem lúta sérstökum lögum og er eðli málsins samkvæmt ekki fjallað um þær í þessum reglum.
upphaf reglna

26. gr. Stofnanir sem heyra undir háskólaráð

Háskólanum er heimilt að starfrækja stofnanir á verksviði sínu sem heyra undir háskólaráð. Háskólaráð setur þeim sérstakar reglur um hlutverk, aðstöðu, skipulag, stjórn, starfsfólk, fjármál og annað sem nauðsynlegt kann að reynast. Formlegt mat á rekstri og starfsemi þeirra skal fara fram með reglulegu millibili, samkvæmt nánari ákvörðun háskólaráðs.

Útfærsla á ákvæði 2. mgr. 19. gr. laganna þar sem fram kemur að háskólanum sé heimilt að starfrækja stofnanir á verksviði sínu sem heyri beint undir háskólaráð.
upphaf reglna

27. gr. Stofnanir sem heyra undir deildir

Við háskóladeildir er heimilt að starfrækja rannsóknastofnanir og rannsóknastofur sem heyra undir deild. Að jafnaði skal vera ein rannsóknastofnun við hverja deild. Hver stofnun skal lúta sérstökum reglum sem háskólaráð samþykkir. Í reglunum skal starfsemi og skipulag stofnana skilgreint nánar í samræmi við aðstæður í hverri deild og mismunandi þarfir fræðasviðanna.

Stjórn efnir til ársfundar með starfsmönnum stofnunar þar sem ársskýrsla er lögð fram. Ársfundur er jafnframt vettvangur umræðu um rekstur og starfsemi stofnunar, nýjungar í vísindum og tækni ásamt umræðu um rannsóknastefnu. Á ársfundi, sem að jafnaði skal haldinn á haustmánuðum, skal kynna fjárhagsáætlun næsta árs.

Útfærsla á heimildarákvæði 2. mgr. 9. gr. laganna en rétt er að taka fram að deildum er ekki skylt að starfrækja stofnanir heldur er þeim heimilt að gera það. Í lagagreininni kemur fram að háskóladeildum sé heimilt að starfrækja rannsóknastofnanir og rannsóknastofur sem heyri undir deild og er háskólaráði ætlað að setja þar um sérstakar reglur. Gert er ráð fyrir að þessi grein reglnanna séu þessar reglur háskólaráðs. Hver stofnun hafi síðan sérstakar reglur sem háskólaráð samþykkir, enda verði þær í samræmi við ákvæði þessarar greinar. Samkvæmt þessari grein er talsvert svigrúm til að móta reglur hverrar stofnunar eftir þörfum hennar, í samræmi við hefðir sem mótast hafa. Hafa ber í huga að í ýmsum mikilvægum atriðum, s. s. ráðningarmálum, eru ákvæði laga nr. 41/1999 það ítarleg að þau veita ekki svigrúm til útfærslu í reglum. Í fyrstu drögum að reglugerð var efni greinarinnar í meginatriðum samhljóða tillögu að rammareglugerð um stofnanir við deildir háskólans sem samþykkt var í háskólaráði 18. desember 1997, eftir ítarlega umfjöllun innan háskólans. Sú tillaga að rammareglugerð var ekki staðfest af menntamálaráðherra á sínum tíma, þar sem fyrir lá að ný lög yrðu samin fyrir háskólann, og var beðið með staðfestingu af þeim sökum. Engu að síður komu nú fram fjölmargar athugasemdir við efni greinarinnar eins og hún var í fyrstu drögum og var því ákveðið að laga hana að þeim, innan þess ramma sem lögin marka.

Þá skal nefnt að samkvæmt 1. mgr. 12. gr. laganna ræður rektor sérfræðinga, vísinda- og fræðimenn háskólans og samkvæmt 4. mgr. sömu greinar er óheimilt að ráða þá án undangengins dómnefndarálits. Ráðningin fer fram samkvæmt tillögu deildar en orðin „eða stjórnar háskólastofnunar" í 1. málsl. 1. mgr. 12. gr. laganna vísa til þeirra stofnana sem heyra undir háskólaráð. Um málsmeðferð við ráðningar fer að öðru leyti eftir ákvæði til bráðabirgða þar til samþykktar hafa verið sérreglur deilda um hvernig staðið skuli að ráðningum, sbr. 5. mgr. 12. gr. laga nr. 41/1999. Rektor undirritar ráðningarsamninga við framangreinda starfsmenn. Deildarforseti ræður annað starfsfólk stofnunar sem heyrir undir deild, sbr. 2. málsl. 1. mgr. 12. gr. laganna og er honum heimilt á grundvelli almennra reglna stjórnsýsluréttar að fela forstöðumanni eða stjórn stofnunar að fara með það ráðningarvald. Með orðunum „annað starfsfólk" er t.d. átt við verkefnaráðið vísindafólk, styrkþega, stúdenta og aðstoðarmenn.

III. kafli

Háskólakennarar og sérfræðingar

28. gr. Háskólakennarar og sérfræðingar

[Kennarar háskólans eru prófessorar, dósentar, lektorar, þar á meðal erlendir lektorar, aðjúnktar og stundakennarar. Heimilt er að ráða til háskólans eða stofnana hans fólk til vísinda- eða fræðistarfa án kennsluskyldu. Skulu starfsheiti þeirra vera vísindamaður, fræðimaður og sérfræðingur.

Þar sem rætt er um kennara í þessum kafla án nánari tilgreiningar er jafnframt átt við sérfræðinga, fræðimenn og vísindamenn, nema sérstaklega sé kveðið á um annað. Þá á tilvísun til deilda og deildarforseta í þessum kafla jafnframt við um stofnanir sem heyra undir háskólaráð og forstöðumenn þeirra.]¹

¹Breytt með 2. gr. rgl. nr. 338/2007.

upphaf reglna

29. gr. [Ákvörðun um ráðningu]¹

[Rektor ræður prófessora, dósenta, lektora, þar á meðal erlenda lektora, vísindamenn, fræðimenn og sérfræðinga. Deildarforseti ræður aðjúnkta og stundakennara. Engan má ráða í starf prófessors, dósents, lektors, vísindamanns, fræðimanns eða sérfræðings án þess að meirihluti dómnefndar hafi talið hann uppfylla lágmarksskilyrði til að gegna viðkomandi starfi.

¹Breytt með 3. gr. rgl. nr. 338/2007.

upphaf reglna

30. gr. Hlutastörf

[Heimilt er að ráða prófessora, dósenta, lektora, vísindamenn, fræðimenn og sérfræðinga í hlutastarf (þ.e. með starfshlutfall á bilinu 20-74%) að deildum og stofnunum háskólans.

upphaf reglna

31. gr. [Ráðning]¹

[Upphafleg ráðning í starf prófessors, dósents, lektors, vísindamanns, fræðimanns eða sérfræðings við Háskóla Íslands skal að öllu jöfnu vera tímabundin og til fjögurra ára, hvort sem um er að ræða fullt starf eða hlutastarf.

¹Breytt með 5. gr. rgl. nr. 338/2007.

upphaf reglna

32. gr. Starfsskyldur

[Starfsskylda kennara við háskólann skiptist í þrjá meginþætti: rannsóknir, kennslu og stjórnun. Starfsskylda starfsmanns sem eingöngu er ráðinn til vísinda- og fræðistarfa skiptist í rannsóknir og stjórnun. Háskólaráð setur nánari reglur um starfsskyldur kennara og sérfræðinga við Háskóla Íslands. Heimilt er í þeim reglum að kveða á um að starfsmaður sem er ráðinn til vísinda- og fræðistarfa skuli sinna ákveðinni kennslu. Deildarforseti ákveður hvernig starfsskyldur einstakra kennara eða þeirra sem eru ráðnir til vísinda- og fræðistarfa skiptast innan marka almennra reglna. Hann ákveður ennfremur til hvaða starfa við kennslu og stjórnun kennara er vísað.]¹

¹Breytt með 6. gr. rgl. nr. 338/2007.

upphaf reglna

33. gr. [Rannsóknamisseri]¹

[Rektor er heimilt, að fenginni umsögn deildarforseta, að veita kennara undanþágu frá kennslu- og stjórnunarskyldu í eitt til tvö misseri í senn, til þess að gera honum kleift að verja þeim hluta vinnutíma síns til rannsóknastarfa í samræmi við reglur sem háskólaráð setur um starfsskyldur kennara og sérfræðinga við Háskóla Íslands. Kennslu- og stjórnunarskylda á starfstíma kennarans, að meðtöldum þeim tíma sem hann nýtur undanþágu frá kennslu- og stjórnunarskyldu, skal þó eigi vera lægri en 50% af heildarvinnutíma hans. Framangreind undanþága er ekki veitt hafi kennari ekki staðið fullnægjandi skil á kennslu- og rannsóknaskýrslu.

upphaf reglna

34. gr. Skilgreining starfs

[Deild eða stofnun skilgreinir starf í samræmi við stefnu deildar og háskólans. Þetta verkefni er falið deildarráði eða valnefnd deildar í umboði þess, stjórn stofnunar eða námsstjórn þverfræðilegrar námsleiðar, sbr. 44. gr. Skilgreining starfs skal ganga út frá einu tilteknu starfsheiti skv. 28. gr. Skýrt þarf að koma fram í auglýsingu hvaða hæfniskröfur farið er fram á að umsækjendur um starfið uppfylli, m.a. með tilliti til fræðasviðs og prófgráða. Í auglýsingu skal koma fram á hvaða sviði starfið á að vera. Gera skal kröfu um að umsækjendur hafi doktorspróf á viðkomandi fræðasviði, nema að deild eða stofnun telji að því verði ekki við komið.

¹Breytt með 8. gr. rgl. nr. 338/2007.

upphaf reglna

35. gr. Auglýsing

[Rektor auglýsir á starfatorgi laus störf háskólakennara og þeirra sem eru ráðnir til vísinda- og fræðistarfa. Deildarforseti auglýsir störf aðjúnkta og stundakennara, eftir því sem við á.

upphaf reglna

36. gr. Undantekningar frá auglýsingaskyldu

[Ekki er skylt að auglýsa starf, ef um er að ræða tímabundna ráðningu til afleysinga til tólf mánaða eða skemur, eða ef um er að ræða hlutastarf, þannig að starfið telst ekki vera aðalstarf í skilningi laga um réttindi og skyldur starfsmanna ríkisins. Ef ráðið er til afleysinga til tólf mánaða eða skemur er ekki heimilt að framlengja ráðninguna án auglýsingar í samræmi við reglur þessar.

¹Breytt með 10. gr. rgl. nr. 338/2007.

upphaf reglna

37. gr. Umsóknir og meðferð þeirra

[Umsóknir um starf eiga að berast vísindasviði Háskóla Íslands. Æskilegt er að umsókn og umsóknargögn séu á rafrænu formi. Umsókn og umsóknargögnum sem ekki er skilað rafrænt skal skila í tvíriti. Að umsóknarfresti liðnum staðfestir vísindasvið móttöku umsóknar.

upphaf reglna

38. gr. [Framgangur kennara og sérfræðinga á milli starfsheita]¹

[Rektor er heimilt, án auglýsingar, að flytja lektor í dósentsstarf, dósent í prófessorsstarf, sérfræðing í starf fræðimanns og fræðimann í starf vísindamanns, enda liggi fyrir álit dómnefndar um að viðkomandi uppfylli lágmarksskilyrði til að gegna starfinu.

upphaf reglna

39. gr. [Flutningur sérfræðinga, fræðimanna og vísindamanna í kennarastörf]¹

[Rektor er heimilt, að undangengnu samkomulagi viðkomandi deildar og stofnunar, að flytja sérfræðinga, fræðimenn og vísindamenn í starf lektors, dósents og prófessors, enda hafi þeir þá kennslu- og stjórnunarskyldu í deild.

¹Breytt með 13. gr. rgl. nr. 338/2007.

upphaf reglna

40. gr. [Skipan og málsmeðferð dómnefnda]¹

[Rektor skipar fimm fastar dómnefndir til þess að meta hvort umsækjendur um laus störf og framgang uppfylla lágmarksskilyrði fyrir því starfsheiti sem í hlut á. Skal ein dómnefnd skipuð fyrir hvert af fræðasviðum háskólans til þess að fjalla um öll ráðningar- og framgangsmál á viðkomandi sviði þar sem hæfnisdóms er krafist. Fastar dómnefndir eru skipaðar til þriggja ára í senn.]²

Eftir að dómnefnd hefur vinnu við mat á umsóknum er nefndinni ekki skylt að taka við frekari umsóknargögnum, nema að þau séu til að votta gögn sem fylgdu umsókn. Dómnefnd skal hraða meðferð hvers máls eftir föngum og ber nefndinni að skila rektor drögum að áliti sínu innan 30 daga frá því að öll gögn lágu fyrir. Ef fyrirsjáanlegt er að störf dómnefndar muni dragast fram yfir framangreindan frest ber henni að senda umsækjendum tilkynningu um það, þar sem greint er frá því hverjar eru ástæður tafanna og hvenær vænta megi þess að dómnefnd ljúki störfum. Gangi sú áætlun ekki eftir ber að senda tilkynningu á nýjan leik. Dómnefnd skal senda rektor afrit af framangreindum bréfum. Ritari dómnefndar hefur eftirlit með því að dómnefndir sendi framangreindar tilkynningar.]<sup>1

1</sup>Breytt með 14. gr. rgl. nr. 338/2007, sbr. 2. gr. augl. nr. 807/2008.
²Breytt með IV. lið augl. nr. 633/2008, sbr. 1. gr. augl. nr. 807/2008.

upphaf reglna

41. gr. [Mat dómnefndar á umsækjendum]¹

[Í dómnefndaráliti skal rökstutt hvort ráða megi af ritum og rannsóknum umsækjanda svo og af námsferli hans og störfum, að hann uppfylli lágmarksskilyrði til þess að gegna hinu auglýsta starfi á hlutaðeigandi fræðasviði, sbr. 3. málsl. 1. mgr. 40. gr. Sá sem uppfyllir fyrrnefnd lágmarksskilyrði telst hæfur til þess að gegna starfinu í skilningi 3. mgr. 12. gr. laga nr. 41/1999, um Háskóla Íslands.

Ef umsækjandi uppfyllir augljóslega lágmarksskilyrði til þess að gegna hinu auglýsta starfi, t.d. ef fyrir liggur eldra dómnefndarálit eða annað mat sem dómnefnd telur fullnægjandi þarf dómnefnd ekki að framkvæma nánara mat hvað hann varðar. Að öðru leyti skulu eftirfarandi sjónarmið lögð til grundvallar við matið:

1. Við mat á rannsóknum skal leggja megináherslu á vísindagildi þeirra. Við það mat ber að athuga frumleika rannsóknarverkefnis og sjálfstæði gagnvart öðrum rannsóknum og ritverkum, þekkingu á stöðu rannsókna á viðkomandi fræðasviði, meðferð heimilda og vísindaleg vinnubrögð, fræðilegar nýjungar og eftir atvikum notagildi rannsókna. Kennslurit og önnur hugverk geta haft vísindagildi að því marki sem þau uppfylla þessar kröfur. Í fyrsta lagi skulu metin rit, bækur og ritgerðir, sem hafa verið gefin út eða samþykkt til birtingar í viðurkenndum tímaritum, innlendum eða erlendum, og hlotið hafa faglegt mat. Í öðru lagi er höfð hliðsjón af álitsgerðum og áfangaskýrslum sem umsækjandi hefur sent frá sér í frágenginni mynd. Í þriðja lagi er heimilt að taka tillit til verka í vinnslu.
2. Við mat á kennsluframlagi ber öðru fremur að athuga hversu mikla alúð umsækjandi hefur lagt við kennslustörf sín, svo sem við samningu kennsluefnis og leiðbeininga, fjölbreytni og nýjungar í kennsluaðferðum. Eins skal líta til frumkvæðis í uppbyggingu og endurbótum á tilhögun kennslu og viðleitni til að hvetja nemendur til sjálfstæðra og fræðilegra vinnubragða.
3. Við framgang skal fara eftir reglum nr. 863/2001, um framgang kennara, sérfræðinga og fræðimanna við Háskóla Íslands. Framgangsreglurnar ber einnig að hafa til hliðsjónar þegar umsækjendur um auglýst störf eru metnir, en við nýráðningu skal þó ekki gera kröfu um lágmarksstig fyrir kennslu, sbr. 4. gr. áðurnefndra framgangsreglna. Þá er dómnefnd heimilt að hafa til hliðsjónar þau gögn sem kunna að vera til um umsækjendur í vörslu háskólans og snerta starfshæfni og vinnuframlag.
4. Meta skal stjórnunarreynslu jafnt innan háskóla sem utan.
5. Dómnefnd er auk þess heimilt að líta til annarrar starfsreynslu umsækjenda sem telja má að nýst geti við það starf sem sótt er um.]¹

¹Breytt með 15. gr. rgl. nr. 338/2007.

upphaf reglna

42. gr. [Dómnefndarálit]¹

[Í upphafi dómnefndarálits skal dómnefnd gera grein fyrir þeim forsendum og gögnum sem hún byggir á í mati sínu á umsækjendum og vinnubrögðum sínum við mat á þeim. Í álitinu skal koma fram hvaða gagna dómnefnd hefur aflað um umsækjendur.

Í áliti dómnefndar um að umsækjandi uppfylli lágmarksskilyrðin felst það eitt að hann komi til álita við val í starfið.]<sup>1

1</sup>Breytt með 16. gr. rgl. nr. 338/2007.

upphaf reglna

43. gr. [Meðferð dómnefndarálits og afgreiðsla máls]¹

[Dómnefnd ber að senda rektor álit sitt dagsett og undirritað af öllum dómnefndar­mönnum, ásamt ferils- og ritaskrá. Um leið og dómnefnd sendir rektor drög að dóm­nefndaráliti skulu öll umsóknargögn ganga til valnefndar.

Dragi umsækjandi umsókn sína til baka, áður en dómnefndarálitið er sent til valnefndar, á hann rétt á að ekki verði fjallað um hann í áliti dómnefndar, enda fari hann fram á það með skriflegum hætti. Eftir framangreint tímamark verður dómnefndaráliti ekki breytt af þessu tilefni. Þegar rektor sendir dómnefndarálit til valnefndar telst það endanlegt og fullfrágengið.]¹

¹Breytt með 17. gr. rgl. nr. 338/2007.

upphaf reglna

44. gr. [Skipan valnefndar og málsmeðferð við val á milli umsækjenda sem uppfylla lágmarksskilyrði til þess að gegna starfinu]¹

[Í hverri deild skal starfa valnefnd. Hlutverk hennar er að gera tillögu til forseta fræðasviðs um veitingu tímabundinna starfa við deildina og stofnanir sem undir deildina eða viðkomandi fræðasvið heyra. Þegar um er að ræða störf við stofnanir sem heyra undir háskólaráð fer stjórn viðkomandi stofnunar með hlutverk valnefndar. Námsstjórnir fara með hlutverk valnefndar þegar í hlut eiga störf við þverfræðilegar námsleiðir.

Í deildum sem skiptast í námsbrautir er skipan valnefndar eftirfarandi:

Í deildum sem ekki er skipt í námsbrautir:

Þegar um er að ræða störf við stofnun sem heyrir undir deild eða fræðasvið:

Þegar um er að ræða störf samkvæmt samstarfssamningi við stofnun utan háskólans:

Æskilegt er að meirihluti valnefndar hafi hæfi prófessors og að í valnefndum sitji bæði karlar og konur. Varadeildarforseti er varamaður deildarforseta í valnefnd. Deild, námsbraut, stofnun og rektor velja varamenn fulltrúa sinna.

Háskólaráð getur sett valnefndum nánari verklagsreglur.]¹

¹Breytt með IV. gr. augl. nr. 633/2008.

upphaf reglna

45. gr. [Sjónarmið um val á hæfasta umsækjandanum]¹

[Við val á hæfasta umsækjandanum skal höfð hliðsjón af stefnu deildar og uppbyggingu sem tengist umræddu starfi. Auk þess skal byggt á sjónarmiðum sem fram koma í 34. og 41. gr.

Þá skal valið byggjast á frammistöðu í viðtali og fyrirlestri, ef ákveðið hefur verið að nýta það fyrirkomulag við gagnaöflun.]¹

¹Breytt með 19. gr. rgl. nr. 338/2007.

upphaf reglna

IV. kafli

Stúdentar háskólans

Í þessum kafla er fjallað um inntöku stúdenta, skráningu, skrásetningargjald, ferli kvartana, viðbrögð við brotum á reglum og agaviðurlög. Um er að ræða nánari útfærslu á 13. og 17. gr. laganna. Tekið er mið af 35.- 41. og 44. gr. eldri reglugerðar fyrir háskólann nr. 98/1993. Enn fremur er stuðst við reynslu og umfjöllun undanfarinna ára í deildum og kennslumálanefnd um einstök efnisatriði, sbr. umfjöllun um einstakar greinar.

46. gr. Inntaka stúdenta

[Stúdentar sem hefja nám í Háskóla Íslands skulu hafa lokið stúdentsprófi, eða öðru sambærilegu prófi frá erlendum skóla. Almennt er áskilið að stúdentspróf sé af bóknámsbraut, en deildir geta með samþykki háskólaráðs ákveðið að falla frá því skilyrði.]¹

Greinin er nánari útfærsla á 1. og 2. mgr. 13. gr. laganna. 1. mgr. greinarinnar er að efni samhljóða 1. málsl. 1. mgr. 13. gr. laganna, sem felur í sér að stúdentspróf eða annað sambærilegt próf frá erlendum skóla sé almennt inntökuskilyrði í Háskóla Íslands. Til fyllingar þessari grein hefur háskólaráð sett sérstakar reglur um inntökuskilyrði, nr. 573/2005.

Í 2. mgr. er nánari útfærsla á 2. mgr. 13. gr. laganna, þar sem fram kemur að háskólaráð, að fenginni tillögu deildar, skuli setja nánari reglur um inntöku stúdenta í einstakar greinar í grunn- og framhaldsnámi. Hér er kveðið á um að í reglum deilda skuli koma fram hvaða stúdentspróf, af einni bóknámsbraut eða fleirum, sé fullnægjandi sem undirbúningur undir nám í deildinni. Ef almennt stúdentspróf af tiltekinni bóknámsbraut dugar ekki sem undirbúningur undir nám í deildinni skal tilgreina nákvæmlega hver viðbótarskilyrðin eru. Jafnframt skal tilgreint hvort nauðsynlegt sé að stúdentar hafi lokið með viðeigandi árangri þeim samræmdu prófum til stúdentsprófs sem í boði kunna að verða. Þetta er nauðsynlegt þar sem stúdentsprófið er að taka breytingum, sem m.a. lúta að inntaki þess. Ljóst er að reglur háskólans um inntökuskilyrði verða leiðbeinandi fyrir framhaldsskólanema um hvernig þeim ber að haga undirbúningi sínum undir nám í einstökum deildum háskólans.

Í 3. mgr. er kveðið á um rétt þeirra sem ekki uppfylla skilyrði um stúdentspróf til að stunda nám við háskólann en samkvæmt 2. og 3. málsl. 1. mgr. 13. gr. laganna er heimilt að veita öðrum en þeim sem uppfylla skilyrði um stúdentspróf rétt til þess að hefja nám við háskólann ef þeir að mati viðkomandi deildar búa yfir hliðstæðum þroska og þekkingu og stúdentsprófið veitir. Ekki er um neina efnisbreytingu að ræða með hinum nýju lögum heldur skal háskólaráð setja sérstakar reglur um rétt þeirra sem ekki hafa stúdentspróf til að stunda nám við háskólann. Hér er sett fram ákveðin grunnregla sem kveður á um að við það skuli miðað að umsækjandi hafi með námi og starfi aflað undirbúnings sem telst sambærilegur við þann sem felst í stúdentsprófi, að viðbættum frekari skilyrðum um undirbúning samkvæmt reglum deildar, ef því er að skipta. Jafnframt er kveðið á um að heimilt verði að meta starfsreynslu til allt að ársnámi í framhaldsskóla, en ársnám í framhaldsskóla er að jafnaði á bilinu 34-38 (framhaldsskóla) einingar. Þetta var lagt til á grundvelli reynslu við mat á umsóknum um undanþágu frá inntökuskilyrðum undanfarin ár.

Benda má á að deildir geta ákveðið að heimila úrvalsnemendum sem lokið hafa kjarnagreinum stúdentsprófs á þremur árum eða skemmri tíma (þar með töldum samræmdum stúdentsprófsgreinum sem í boði verða), með tiltekinni lágmarkseinkunn í hverri grein eða veginni lágmarksmeðaleinkunn sem háskólinn setur, að hefja nám við háskólann. Telji deild það raunhæft að slíkur undirbúningur dugi til náms í deildinni, er mikilvægt að hún rökstyðji afstöðu sína rækilega og taki það fram í reglum um inntöku stúdenta í deildina. Þessi möguleiki felur í sér hvatningu til úrvalsnemenda og getur stytt framhaldskólanám þeirra um eitt ár.

Í 4. mgr. er sú breyting frá eldri reglum 35. gr. reglugerðar nr. 98/1993 að framkvæmdastjóri kennslusviðs, í stað háskólaráðs, taki ákvörðun um það hvort innritun skuli veitt að fenginni umsögn hlutaðeigandi deildar. Þannig hefur þetta í reynd verið árum saman; framkvæmdastjóri kennslusviðs hefur annast afgreiðslu slíkra umsókna í umboði háskólaráðs og rektors, að fenginni umsögn hlutaðeigandi deildar eða námsbrautar. Undanþága hefur verið heimiluð á grundvelli mats á undirbúningi umsækjenda sem þeir hafa aflað með námi og starfi og talinn hefur verið sambærilegur við þann sem felst í stúdentsprófi. Bakgrunnur umsækjenda er fjölþættur og jafnan um afstætt mat að ræða að einhverju leyti. Ákvörðun framkvæmdastjóra kennslusviðs má skjóta til háskólaráðs.

Í 5. mgr. kemur fram að veitt heimild til undanþágu gildir aðeins um það nám sem sótt er um að stunda. Þetta er í samræmi við viðtekna venju og byggir á því að undirbúningur umsækjanda er metinn af einstökum deildum með hliðsjón af því námi sem þar er boðið og deildir gera mismunandi kröfur um inntökuskilyrði og æskilegan undirbúning, sbr. heimildarákvæði 2. og 3. mgr. greinarinnar.

Í 6. mgr. eru settar fram leiðbeiningar um hvernig haga skuli umsóknum um undanþágu. Þetta er nýtt í reglum en þykir viðeigandi í ljósi reynslu undanfarinna ára og ákvæða 3. málsl. 1. mgr. 13. gr. laganna, sbr. 3. mgr. þessarar greinar. Miðað er við viðtekin vinnubrögð undanfarinna ára.
upphaf reglna

47. gr. Skrásetning nýrra stúdenta og árleg skráning

Þeir einir teljast stúdentar við Háskóla Íslands sem skrásettir hafa verið til náms og hafa greitt skrásetningargjald. [Öllum stúdentum er skylt að láta skrá sig í námskeið fyrir hvert kennslumisseri sbr. 1. mgr. 52. gr., að hámarki þó í 20 einingar.]¹ Skráning í námskeið er jafnframt skráning í próf að námskeiði loknu. Sama gildir hvort námsmat fer fram með skriflegu eða munnlegu prófi, æfingavinnu, verkefni eða ritgerð. Þó skal stúdent heimilt að segja sig úr prófi, sbr. 57. gr.

Greinin skýrir sig að mestu sjálf. Byggt er á 4. mgr. 13. gr. laganna og 1. mgr. 35. gr., 36., 41. og 44. gr. eldri reglugerðar nr. 98/1993.

Í 1. og 2. mgr. er ekki um efnisbreytingu að ræða frá eldri reglum að öðru leyti en því að ákvæði 2. mgr. 44. gr. reglugerðar nr. 98/1993 um prófgjöld er fellt brott, enda á það ekki við. Þá er árleg skráning sett í mars og nánari ákvörðun falin framkvæmdastjóra kennslusviðs í stað háskólaráðs og nýskrásetning ákveðin um mánaðamótin maí- júní, í stað júní, samkvæmt eldri reglugerð. Hvort tveggja er í samræmi við vinnubrögð undanfarinna ára. Rétt er að nefna að náið samráð hefur verið haft um nýskrásetningu við framhalds- og menntaskóla.

Ákvæði 5. mgr. er nánast samhljóða 2. mgr. 41. gr. eldri reglugerðar en bætt við ákvæði um að stúdent greiði hluta skrásetningargjalds meðan á leyfistíma stendur. Leyfistíminn telst ekki til heildarnámstíma stúdents. Í reynd hefur þetta verið þannig undanfarin ár, enda teljast þeir einir stúdentar við háskólann sem skrásettir hafa verið til náms og greitt hafa skrásetningargjald, sbr. 3. og 4. mgr. 13. gr. laga nr. 41/1999 og 1. mgr. 21. gr. eldri laga um háskólann nr. 131/1990 og 1. mgr. 35. gr. eldri reglugerðar nr. 98/1993. Rétt þykir að þetta komi skýrt fram í reglunum. Nemendur sem fá leyfi deildar til að gera hlé á námi greiða hluta skráningargjalds. Þeim er haldið inni á skrá og halda þeir réttindum sínum í náminu en njóta ekki þeirrar þjónustu sem fylgir því að greiða fullt gjald. Skráningargjald verður lögum samkvæmt ekki hækkað nema sá kostnaður aukist sem hlýst af veitingu þjónustunnar.
upphaf reglna

48. gr. Skrásetningargjald

[Við skrásetningu til náms greiðir stúdent skrásetningargjald kr. 45.000 fyrir heilt háskólaár. Heimilt er að taka 15% hærra gjald af þeim sem fá leyfi til skrásetningar utan auglýstra skrásetningartímabila. Háskólaráði er heimilt að verja hluta skrásetningargjaldsins til Félagsstofnunar stúdenta.

Háskólaráð staðfestir nánari reglur um innheimtu og ráðstöfun skrásetningargjaldsins sem birtar skulu í kennsluskrá og á háskólavefnum. Í reglunum skal kveðið á um gjalddaga og eindaga gjaldsins og meðferð heimilda til lækkunar gjaldsins og endurgreiðslu þess. Við lækkun og endurgreiðslu skal tekið mið af kostnaðarliðum gjaldsins eins og þeir eru skilgreindir á grundvelli laga.]¹

¹Breytt með 1. gr. rgl. nr. 1057/2004, sbr. 1. gr. rgl. nr. 106/2002.

Greinin er samhljóða 3. mgr. 13. gr. laganna. Þær reglur sem vísað er til í greininni voru settar af háskólaráði 24. febrúar 2005, sbr. vefslóðina http://www2.hi.is/solofile/1005993.
upphaf reglna

49. gr. Ferli kvartana og kærumála

Telji stúdent brotið á rétti sínum varðandi kennslu, próf, námsmat, einkunnagjöf eða annað er lýtur að kennslu og prófum skal hann senda skriflegt erindi til skrifstofu deildar. Þar skal skilmerkilega greint frá því hvert álitaefnið er, hver sé krafa stúdents og rökstuðningur fyrir henni. Deild skal fjalla um álitaefnið svo fljótt sem unnt er og afgreiða það, að jafnaði eigi síðar en innan tveggja mánaða frá því að erindið barst. Sé mál viðamikið og fyrirsjáanlegt að afgreiðsla taki lengri tíma, skal tilkynna hlutaðeigandi það og tilgreina hvenær afgreiðslu sé að vænta. Uni stúdent ekki niðurstöðu deildar getur hann skotið máli sínu til úrskurðar háskólaráðs. Slík erindi skulu send skrifstofu rektors. Deildir og háskólaráð endurmeta ekki prófúrlausnir eða faglega niðurstöðu kennara eða prófdómara. Málum verður ekki skotið til háskólaráðs fyrr en ákvörðun deildar liggur fyrir eða þrír mánuðir eru liðnir frá því að kæra var fyrst skriflega lögð fyrir deild.

*Nú 20. gr. laga nr. 63/2006, um háskóla.

Í greininni er kveðið á um ferli kvartana og kærumála stúdenta í samræmi við skipulag háskólans. Samkvæmt 20. gr. laga nr. 63/2006, um háskóla, skal háskólaráð viðkomandi háskóla skilgreina kæruleiðir og því er einfaldast að þessi ferli séu skýr í reglum. Það eyðir óvissu stúdenta og starfsmanna og eykur réttaröryggi. Þessu ferli hefur verið lýst í kennsluskrá undanfarin ár.
upphaf reglna

50. gr. Agaviðurlög

Rektor getur veitt stúdent áminningu eða vikið honum úr háskólanum um tiltekinn tíma eða að fullu, ef hann hefur gerst sekur um brot á lögum eða öðrum reglum háskólans eða framkoma hans gagnvart starfsmönnum háskólans eða öðrum stúdentum er ósæmileg eða óhæfileg. Áður en ákvörðun um brottrekstur er tekin skal leita umsagnar háskóladeildar og gefa stúdent kost á að tjá sig um málið. Stúdent er heimilt að skjóta ákvörðun rektors til áfrýjunarnefndar samkvæmt lögum um háskóla. Málskot frestar framkvæmd ákvörðunar rektors. Rektor getur að hæfilegum tíma liðnum heimilað stúdent sem vikið hefur verið að fullu úr skóla að skrá sig aftur til náms í háskólanum ef aðstæður hafa breyst. Stúdent er heimilt að skjóta synjun rektors um skráningu til áfrýjunarnefndar í kærumálum háskólanema.

Telji kennari eða annar starfsmaður deildar að stúdent hafi gerst sekur um hegðun sem lýst er í 1. mgr. ber honum að vekja athygli deildarforseta á því. Deildarforseti kannar málið og sendir það rektor til meðferðar telji hann að málið sé þannig vaxið að til greina geti komið að beita stúdent agaviðurlögum, sbr. 17. gr. laga um Háskóla Íslands.

1. mgr. er samhljóða 17. gr. laga um háskólann nr. 41/1999. Hliðstæð ákvæði eru í 39. og 40. gr. eldri reglugerðar nr. 98/1993. Ekki er þörf á skýringum.

2. mgr. er nýmæli og er sett fram í ljósi reynslu og vegna margra ábendinga frá kennurum. Nauðsynlegt er að kennurum og stúdentum sé ljóst hvernig kennari skuli bregðast við hugsanlegum agabrotum eða öðrum brotum á reglum háskólans. Einnig má vísa til 4. mgr. 53. gr.
upphaf reglna

V. kafli

Kennsla, próf o. fl.

Kaflinn fjallar um kennslu, próf og fleira og byggir á 14. og 15. gr. laganna. Tekið er mið af 29.- 34. og 42.-54. gr. eldri reglugerðar nr. 98/1993, auk fleiri atriða, sbr. umfjöllun um einstakar greinar.

51. gr. Háskólaár, kennslumisseri og brautskráning

Háskólaárið telst frá 1. júlí til jafnlengdar næsta ár. Kennsluár háskólans skiptist í tvö kennslumisseri, haustmisseri frá 20. ágúst til 21. desember og vormisseri frá 7. janúar til 15. maí. Háskólaráð getur ákveðið aðra misseraskiptingu fyrir einstakar deildir.

¹Breytt í háskólaráði 26. feb. 2002.

Í 1. mgr. er fjallað um háskólaárið og skiptingu þess í misseri. Samkvæmt 1. málsl. 14. gr. laganna skal háskólaráð setja reglur um lengd háskólaársins og skiptingu þess í misseri. Þessi atriði hafa verið tilgreind í reglugerð, sbr. 29. gr. eldri reglugerðar nr. 98/1993, enda mjög mikilvæg fyrir skipulag skólastarfsins, bæði frá sjónarhóli háskólans sem skólastofnunar og einstakra starfsmanna og stúdenta. Hér er sú breyting gerð frá eldri reglugerð að lagt er til að háskólaárið teljist standa frá 1. júlí til jafnlengdar næsta ár, í stað frá 5. september. Enn fremur að haustmisserið standi frá 20. ágúst til 21. desember og vormisseri frá 7. janúar til 15. maí, í stað 26. maí. Færsla upphafs haustmisseris fram um tvær vikur er lögð til í ljósi þess hvernig þróunin hefur verið undanfarin ár, einkum eftir að próf að loknu haustmisseri voru færð frá 7.- 23. janúar til 10.- 21. desember. Sú breyting hefur leitt til þess að upphaf kennslu haustmisseris hefur í flestum deildum færst framar, þ.e. yfir í upphaf síðustu viku í ágúst. Háskólaráð getur ákveðið aðra misseraskiptingu fyrir einstakar deildir. Vormisserið er stytt um tvær vikur, því ljúki 15. maí í stað 26. maí. Það er lagt til í tengslum við að upphaf haustmisseris er fært fram um tvær vikur og vegna þess að í reynd er prófum í maí yfirleitt lokið 15. maí þótt heimild hafi verið til að halda próf til 26. maí.

2. og 3. mgr. er óbreytt 30. gr. eldri reglugerðar nr. 98/1993.

Í 4. mgr. er heimildarákvæði um brautskráningardaga sem ekki er í eldri reglugerð. Um er að ræða mikilvægar dagsetningar fyrir skipulag skólastarfsins, sem verið hafa óbreyttar um hríð og eru jafnan birtar í kennsluskrá. Rétt þykir að þær komi fram í reglum. Hins vegar er gert ráð fyrir því að háskólaráð geti breytt dagsetningum brautskráninga eða fækkað þeim án breytingar á reglum, enda gæti það reynst skynsamlegt er fram líða stundir. Reynslan verður að skera þar úr. Gæta verður að því að mikil vinna felst í undirbúningi brautskráningar hverju sinni og skiptir þá fjöldi kandídata ekki meginmáli í því efni. Um er að ræða mikla nákvæmnisvinnu sem fellur saman við aðra vinnu, t.d. við endurskoðun kennsluskrár og gerð fjárhagsáætlana. Að þeirri vinnu koma kennarar, deildaskrifstofur, kennslusvið, nemendaskrá og rektorsskrifstofa. Hagræðing getur því falist í að fækka brautskráningarathöfum. Hins vegar er kostnaður vegna húsnæðis meiri ef athafnir eru það fjölmennar að þær rúmast ekki í Háskólabíói en verða að vera í Laugardalshöll eins og brautskráningin í júní. Þetta þarf allt að vega og meta. Ef því er að skipta geta stúdentar sem t.d. ljúka námi í desember eftir sem áður fengið staðfestingu háskólans um að þeir hafi lokið námi, þótt brautskráning sé ekki fyrr en nokkrum mánuðum síðar.
upphaf reglna

52. gr. [Námsskipan og mat náms til eininga]¹

[Námi í háskóla er skipað í námsleiðir og styttra diplómanám í samræmi við Viðmið um æðri menntun og prófgráður á Íslandi sem menntamálaráðuneytið gefur út. Hverri námsleið lýkur með prófgráðu sem upp er talin í 54. gr. og veitt er í kennslugrein deildar eða þverfræðilegri kennslugrein. Háskóladeild getur skilgreint mismunandi áherslusvið innan námsleiðar, m.a. þannig að í grunnnámi sé ákveðið að námsleið feli í sér aðalgrein og aukagrein. Er prófgráða þá veitt í aðalgrein nema um sé að ræða tvær aðalgreinar, en prófgráða er við þær aðstæður veitt í báðum aðalgreinum. Áherslusvið (þar á meðal aðalgrein og aukagrein) skal koma fram á prófskírteini með nánari lýsingu í skírteinisviðauka.

¹Breytt með 22. gr. rgl. nr. 338/2007.

3. mgr. er samhljóða 1. málsl. 2. mgr. 14. gr. laganna. Skilgreiningin á einingum er í samræmi við viðtekna skilgreiningu, sbr. 33. gr. eldri reglugerðar og 1. mgr. 9. gr. laga um háskóla nr. 136/1997. Nú er skýrt að allar deildir skuli meta nám til eininga með sama hætti og í reynd er nú svo komið að þær hafa allar tekið upp einingar. Háskólaráði er ætlað að setja almennar reglur um mat náms til eininga. Nægar leiðbeiningar þar um felast vissulega í 1. mgr., sem kveður á um að fullt nám teljist 30 einingar á námsári að jafnaði og endurspegli alla námsvinnu nemenda og viðveru í kennslustundum og prófum.

4. mgr. er árétting á því að deildum er heimilt að meta nám sem stúdent hefur stundað utan deildarinnar, þar með talið nám við aðra háskóla, sem hluta af námi við deildina. Þetta á sér stoð í 5. mgr. 13. gr. laganna og er að efni til hliðstætt ákvæði og er í 2. mgr. 33. gr. og 1. mgr. 54. gr. eldri reglugerðar. Hér er litið sömu augum á aðra deild og aðra háskóla, hvort sem þeir eru innlendir eða útlendir.

Í 5. mgr. er hliðstætt ákvæði og í 2. málsl. 1. mgr. og 2. mgr. 33. gr. eldri reglugerðar. Það er alltaf heimadeild stúdents, sú deild þar sem hann stundar nám til lokaprófs, sem ákveður einingamat í námi hans, enda ber hún ábyrgð á innihaldi námsins og að uppfylltar séu kröfur til lokaprófs.

Í 6. mgr. er nýtt ákvæði sem kveður á um að það sé á valdi þeirrar deildar sem í hlut á hvort metið er nám sem áður hefur verið látið gilda til prófgráðu í sömu deild eða annarri deild. Í fyrstu drögum að reglugerð voru sett fram ákveðin viðmið í þessu sambandi en fallið var frá þeirri hugmynd og er það alfarið á valdi deilda að setja reglur um þetta efni. Þannig hefur það verið í reynd en nokkur munur verið á framkvæmd einstakra deilda og er miðað við að svo geti verið áfram.
upphaf reglna

53. gr. Kennsla og kennsluhættir

Fyrirlestrar, æfingar og námskeið í háskóladeildum eru fyrir skrásetta stúdenta en kennara er heimilt að veita öðrum kost á að sækja slíka kennslu, nema háskóladeild mæli öðruvísi fyrir.

¹Breytt með 1. gr. rgl. nr. 599/2004.
²Breytt með 4. gr. rgl. nr. 951/2004.

1. mgr. er samhljóða 3. málsl. 1. mgr. 14. gr. laganna, sbr. einnig 1. mgr. 31. gr. eldri reglugerðar. Ekki er þörf á skýringum.

2. mgr. er samhljóða 4. málsl. 2. mgr. 14. gr. laganna, með þeirri viðbót að í reglum deilda um kennslu og kennsluhætti er lagt til að fram komi skýr markmið um gæði kennslu og náms og hvaða mælikvarða er miðað við. Þetta er í samhengi við áherslur sem fram koma í samningi háskólans um kennslu við menntamálaráðuneyti og fjármálaráðuneyti þar sem tryggja á að í deildum skólans fari reglulega fram sjálfsmat og þar verði tiltækar upplýsingar vegna úttekta er fram fara í samvinnu við ráðuneytið, samkvæmt reglum nr. 331/1999 um gæðaeftirlit með háskólakennslu. Sjá einnig 24. gr. þessara reglna og umfjöllun um hana.

3. mgr. er sama efnis 34. gr. eldri reglugerðar og þarfnast ekki skýringar.

Ákvæði 4. mgr. þótti rétt að setja inn í ljósi reynslunnar þrátt fyrir að vitaskuld sé um sjálfsagðan hlut að ræða, að stúdentum ber að virða höfundarétt að hugverkum, sbr. ákvæði höfundalaga nr. 73/1972, og myndi það gilda án þessa ákvæðis í reglunum. Þrátt fyrir að samþykkis rétthafa sé aflað er stúdent ekki heimilt að nýta sér hugverk annarra til að standa skil á verkefnavinnu. Hins vegar er eðli málsins samkvæmt heimilt að vitna til hugverka í samræmi við fræðileg vinnubrögð, sbr. einnig 14. gr. höfundalaga. Verði kennari var við að stúdent hafi gerst brotlegur að þessu leyti gilda ákvæði 50. gr. þessara reglna um málsmeðferð.

5. mgr. er að efni hliðstæð 32. gr. eldri reglugerðar. Nokkrar athugasemdir voru gerðar við orðfæri málsgreinarinnar eins og hún var í drögum III, og hefur henni verið breytt nokkuð. Það er hverrar deildar að ákveða hvort heimspekileg forspjallsvísindi skuli kennd við deildina, en áréttað að kennslan verði á ábyrgð kennara í heimspeki við hugvísindadeild. Þess má geta til fróðleiks að heimspekileg forspjallsvísindi eru næstelsta kennslugrein háskólans með hefð frá 1848, þegar Hannes Árnason hóf að kenna þau.
upphaf reglna

54. gr. Lærdómstitlar og prófskírteini

Lærdómstitlar sem Háskóli Íslands veitir eru sem hér segir:

¹Breytt með 3. gr. rgl. nr. 951/2004.
²Breytt með 25. gr. rgl. nr. 338/2007, sbr. 4. gr. rgl. nr. 596/2006, sbr. 1. gr. rgl. nr. 276/2006, sbr. 1. gr. rgl. nr. 532/2005, sbr. 3. gr. rgl. nr. 951/2004, sbr. 2. gr. rgl. nr. 362/2004, 1. gr. rgl. nr. 799/2003 og 1. gr. rgl. nr. 638/2002.
³Breytt með 1. gr. rgl. nr. 611/2005.
⁴Breytt með 6. gr. rgl. nr. 347/2008.

Í greininni er tæmandi upptalning á þeim lærdómstitlum sem Háskóli Íslands veitir við námslok. Slík upptalning er ekki í eldri reglugerð heldur eru lærdómstitlar tíundaðir í köflum deilda og ekki gætt samræmis í framsetningu. Nauðsynlegt er að fram komi á einum stað í reglunum hvaða lærdómstitlar eru veittir, enda eru það sérréttindi háskóla allt frá miðöldum að veita slíkar gráður. Greinin er að efni til samhljóða 16. gr. í reglum um rannsóknanám við Háskóla Íslands sem háskólaráð samþykkti 14. maí 1998 og myndar ramma um sérreglur deilda um meistara- og doktorsnám. Þær reglur hafa verið felldar inn í þessar reglur, sbr. 68. gr.

Í 3. mgr. er kveðið á um að viðskipta- og hagfræðideild sé heimilt að veita háskólagráðuna Master of Business Administration, MBA, og verkfræðideild háskólagráðuna Master of Project Management, MPM, að loknu 45 eininga endurmenntunarnámi, enda sé farið eftir ákvæðum 14. gr. um endurmenntun á vegum deilda í þessum reglum. Sjá 14. gr. og umfjöllun um hana.

Í 4. mgr. kemur fram að deildum sé heimilt að að veita sérstakt prófskírteini, diploma, fyrir sjálfstætt fullnaðarpróf að loknu styttra grunnnámi, þó eigi að loknu skemmra námi en sem nemur 45 einingum. Þetta er nauðsynlegt heimildarákvæði til að renna skýrum stoðum undir stuttar hagnýtar námsleiðir sem boðið er upp á í nokkrum deildum.

1. málsl. 5. mgr. er samhljóða 1. mgr. 52. gr. eldri reglugerðar og 2. málsl. 5. mgr. er að efni samhljóða 1. málsl. 60. gr. eldri reglugerðar. Hvorugt efnisatriðið þarfnast skýringar.
upphaf reglna

55. gr. Próf

Próf geta verið munnleg, skrifleg eða verkleg.

Munnleg próf skulu haldin í heyranda hljóði. Þó er háskóladeild heimilt, ef sérstaklega stendur á, að ákveða, að slík próf skuli haldin fyrir luktum dyrum.

Greinin byggir á 15. gr. laganna og er hún nánast samhljóða 42. gr. eldri reglugerðar nr. 98/1993, að því nýmæli viðbættu að kveðið er á um að próftími í skriflegum prófum skuli að jafnaði ekki vera lengri en þrjár klukkustundir. Þetta er ákveðið í samræmi við þá stefnumótandi ákvörðun háskólaráðs 28. janúar 1999, er tillögur fjármálanefndar háskólaráðs um forsendur skiptingar fjárveitinga 1999 voru afgreiddar, að séu próf lengri en þrjár klukkustundir greiði deildir fyrir aukakostnað sem af því hlýst. Því fyrirkomulagi er haldið að hafa munnleg próf í heyranda hljóði en sú hefur reglan verið frá stofnun skólans árið 1911, sbr. 2. mgr. 27. gr. laga nr. 35/1909, um stofnun háskóla, og engin ástæða til að gera breytingar á því fyrirkomulagi.
upphaf reglna

56. gr. Próftímabil

[Almenn próf eru haldin 10. til 21. desember og á tímabilinu 29. apríl til 15. maí eftir nánari ákvörðunum deilda í samráði við prófstjóra. Sjúkra- og upptökupróf eru haldin í kjölfar almennra próftímabila í desember og maí í fimm daga á tímabilinu 15. til 25. janúar og 10. til 20. júní, skv. nánari ákvörðun prófstjóra. Deildum er heimilt að höfðu samráði við prófstjóra að nýta tímabilið í júní fyrir upptöku- og sjúkrapróf beggja kennslumissera. Ákvörðun um það liggi fyrir við upphaf kennslu á haustmisseri.]¹

Auglýstum prófdegi verður einungis breytt með ákvörðun deildarforseta að höfðu samráði við [prófstjóra]¹ og að fengnu skriflegu samþykki allra þeirra sem skráðir eru til viðkomandi prófs.

¹Breytt með 1. gr. rgl. nr. 347/2008.
²Breytt með 1. gr. rgl. nr. 347/2008, sbr. rgl. nr. 1056/2007.

upphaf reglna

57. gr. Endurtaka prófs og úrsögn úr prófi

Nú stenst stúdent ekki próf, gengur frá því eftir að hann hefur byrjað próf eða kemur ekki til prófs og hefur ekki boðað forföll, og er honum þá heimilt að þreyta prófið að nýju innan árs [eða næst þegar almennt próf er haldið í námskeiðinu]¹. Standist hann þá ekki prófið, gangi frá því eða komi ekki til prófs án þess að boða forföll, hefur hann fyrirgert rétti sínum til þess að ganga oftar undir það. [Úrsögn úr prófi skal vera skrifleg og hafa borist nemendaskrá háskólans eigi síðar en 19. nóvember vegna prófa á haustmisseri, 10. apríl vegna prófa á vormisseri og eigi síðar en þremur dögum eftir birtingu próftöflu sjúkra- og upptökuprófa í kjölfar almennra próf­tímabila í desember og maí.]² Háskóladeild getur þó veitt undanþágu frá ákvæðum þessarar [greinar]¹, ef sérstaklega stendur á.

¹Breytt með 1. gr. rgl. nr. 1151/2005.
²Breytt með 2. gr. rgl. nr. 347/2008.

Ákvæði 1. mgr. kveða á um breytingu frá 1. mgr. 45. gr. eldri reglugerðar, að því er varðar úrsagnarfrest úr prófum. Þessi breyting er nauðsynleg til að auðvelda skipulag og framkvæmd prófa og leiðir jafnframt til meiri aga í vinnu stúdenta. Skipulag prófa er umfangsmikið og flókið verk sem krefst ítrustu nákvæmni. Með síauknum fjölda stúdenta hefur hinn stutti úrsagnarfrestur bakað töluverðan vanda sem linast nokkuð við þessa breytingu.

2. mgr. er samhljóða 2. mgr. 45. gr. eldri reglugerðar og þarfnast ekki skýringar.
upphaf reglna

58. gr. Framkvæmd prófa og prófreglur

Framkvæmdastjóri kennslusviðs annast undirbúning og stjórn prófa í samráði við deildir.

¹Breytt með 3. gr. rgl. nr. 843/2000.

Greinin er að efni samhljóða 46. gr. eldri reglugerðar en löguð að takti tímans og eðli máls. Þannig er það á ábyrgð sameiginlegrar stjórnsýslu, framkvæmdastjóra kennslusviðs, skv. 1. mgr., að annast undirbúning og stjórn prófa í samráði við deildir, sbr. einnig 2. málsl. 2. mgr. 15. gr. laganna, en ekki skrifstofu háskólans skv. eldri reglugerð.

2. mgr. er samhljóða 2. mgr. 46. gr. eldri reglugerðar, nema í 4. málsl. er vísað til 17. gr. laga nr. 41/1999, í stað 24. gr. eldri laga.

Ákvæði í 2. málsl. 3. mgr. um heimild til að birta einkunnir undir sérstökum nemendanúmerum sem nemendaskrá úthlutar hverjum stúdent er nýtt. Þetta er framkvæmd sem hefur verið undirbúin og rétt þykir að kveða á um í reglum, enda liggja fyrir tilmæli tölvunefndar til háskólaráðs um að það setji reglur um birtingu einkunna. Er meginregla tekin upp í þessu ákvæði, en deildum er þó heimilað að setja reglur um undanþágu, sbr. breytingu sem ákveðin var á háskólafundi í nóvember 2000. Stúdentar hafa greiðan aðgang að upplýsingum um einkunnir sínar með þrennum hætti. Í fyrsta lagi í nemendaskrá gegn framvísun persónuskilríkja, í annan stað í gegnum tölvubúnað háskólans með notkun sérstaks leyniorðs sem hver stúdent fær úthlutað og í þriðja lagi með heimsendum yfirlitum um námsferil og stöðu þrisvar sinnum á ári, í mars, ágúst og nóvember.
upphaf reglna

59. gr. Prófdómarar og réttur stúdenta til að fá útskýringar

Við munnleg próf, sem teljast til fullnaðarprófs, skal vera einn prófdómari utan háskólans. Skrifleg og verkleg próf dæma hlutaðeigandi kennarar einir nema deild ákveði annað. Í samkeppnisprófum, þar sem fjöldi stúdenta sem fær rétt til áframhaldandi náms er fyrir fram ákveðinn með ákvörðun háskólaráðs, skal vera prófdómari í hverri prófgrein.

Sé ekki völ á prófdómara hérlendis utan háskólans, er fullnægi skilyrðum 3. mgr. hér á undan, er rektor rétt að skipa háskólakennara til starfans að fenginni tillögu háskóladeildar.

¹Breytt með 1. gr. rgl. nr. 581/2007.

1. mgr. er að efni samhljóða 1. mgr. 47. gr. reglna þessara. Við er bætt að deild geti ákveðið að fleiri en einn kennari geti dæmt skrifleg próf. Einnig er sú viðbót að í samkeppnisprófum, þar sem fjöldi stúdenta sem fær rétt til áframhaldandi náms er fyrir fram ákveðinn með ákvörðun háskólaráðs skuli vera prófdómari í hverri prófgrein. Það er í samræmi við viðtekna venju undanfarinna ára og eðlilegt að sé skýrt kveðið á um í reglum.

3. mgr. er samhljóða 4. mgr. 15. gr. laga um háskólann nr. 41/1999. Rétt er taka að fram að hafi skipaður prófdómari farið yfir prófið á stúdent ekki rétt á skipun nýs prófdómara.

4. mgr. er að efni samhljóða 4. mgr. 47. gr. eldri reglugerðar nr. 98/1993.
upphaf reglna

60. gr. Prófverkefni og mat úrlausna

Kennari og prófdómari, ef tilkallaður er, ráða í sameiningu úrlausnarefni í hverri prófgrein og dæma úrlausnir. Ber að prófa sem víðast úr því efni sem til prófs er. Kennari og prófdómari, ef tilkallaður er, dæma hvor um sig úrlausn í prófgrein hverri. Hvor um sig gefur sjálfstætt einkunn fyrir úrlausnina og gilda þær jafnt í einkunnagjöf. Einkunnir skulu birtar í síðasta lagi fjórum vikum eftir hvert haustmisserispróf en í síðasta lagi þremur vikum eftir önnur próf.

¹Breytt með 24. gr. rgl. nr. 338/2007.

Greinin er samhljóða 48. gr. eldri reglugerðar. Regla þessi hefur reynst vel.
upphaf reglna

61. gr. Einkunnir og varðveisla þeirra

Einkunnir skulu gefnar í heilum, eða heilum og hálfum tölum frá 0 til 10. Aðaleinkunn er vegið meðaltal allra einkunna til lokaprófs. Aðaleinkunn reiknast með tveimur aukastöfum, og er 9,0 - 10 ágætiseinkunn, 7,25 - 8,99 er fyrsta einkunn, 6,0 - 7,24 er önnur einkunn, og 5,0 - 5,99 er þriðja einkunn.

Nemendaskrá háskólans sér um færslu einkunna og varðveislu þeirra með tryggilegum hætti.

¹Breytt með 26. gr. rgl. nr. 338/2007.

1.- 3. mgr. eru samhljóða 50. gr. eldri reglugerðar og þarfnast ekki skýringar.

5. mgr. er ný og sniðin eftir 6. mgr. 74. gr. í kafla um læknadeild í eldri reglugerð. Nauðsynlegt er að hafa slíkt ákvæði um mat á verklegu námi í almenna hluta reglnanna svo ótvírætt sé hvaða reglum er heimilt að beita en á því hefur stundum leikið vafi.

Í 6. mgr. er nýtt ákvæði um að einkunnir skuli ekki birtar opinberlega undir nafni eða kennitölu. Þetta er skýrt í umfjöllun um 59. gr., sbr. álit tölvunefndar 23. mars 1999.

7. mgr. er samhljóða 49. gr. eldri reglugerðar, nema í stað skrifstofu háskólans kemur nemendaskrá háskólans. Þarfnast ekki skýringar.
upphaf reglna

62. gr. Lágmarkseinkunnir

Stúdent telst ekki hafa staðist próf nema hann hljóti einkunnina 5,0 eða ígildi hennar í bókstaf. Heimilt er í reglum þessum að víkja frá þessu í einstökum prófum, prófhlutum og prófflokkum og krefjast hærri eða lægri lágmarkseinkunnar.

Sérákvæði deildar um hærri lágmarkseinkunn en 5,0 í einstökum prófgreinum, prófhlutum eða prófflokkum skulu aðeins gilda fyrir nemendur hlutaðeigandi deildar.

Greinin er samhljóða 51. gr. eldri reglugerðar og þarfnast ekki skýringar.
upphaf reglna

63. gr. [Viðurkenning prófa frá öðrum háskólum]¹

Háskóladeild metur hvort og að hverju leyti viðurkenna skuli háskólapróf sem stúdent hefur tekið [við aðra háskóla]¹. Hún skal afla umsagnar kennara í viðkomandi grein áður en ákvörðun er tekin. Gætt skal að því að farið sé að alþjóðlegum samningum um viðurkenningu á háskólamenntun og hæfi sem íslenska ríkið er aðili að.

¹Breytt með 5. gr. rgl. nr. 347/2008.

upphaf reglna

64. gr. Nánari reglur

Nánari reglur um prófgreinar, endurtekningu prófa, skiptingu fullnaðarprófs í fleiri en einn hluta, undirbúningspróf, einkunnir, hámarkstímalengd í námi eða einstökum hlutum þess og um afleiðingar, ef þeim ákvæðum er ekki fullnægt, er að finna í köflum um hverja deild í reglum þessum.

Greinin þarfnast ekki skýringar.
upphaf reglna

VI. kafli

Meistarar og doktorar

Kaflinn fjallar um meistara- og doktorspróf og byggir á 3. málsl. 15. gr. og 16. gr. laganna.

65. gr. Meistarapróf

Háskólaráð getur ákveðið, samkvæmt tillögum háskóladeildar, að heimilt sé að ganga undir meistarapróf í grein að loknu embættis- eða kandídatsprófi. Um lærdómstitla fer eftir ákvæðum 54. gr. Prófið er fólgið í samningu ritgerðar eða ritgerða og má áskilja að umsækjandi gangi einnig undir munnlegt próf í tilteknum greinum og haldi opinbera fyrirlestra. Ritgerð skal skila til þeirrar háskóladeildar, sem í hlut á.

¹Breytt með 2. gr. rgl. nr. 532/2005.

Að efni til samhljóða 62. gr. eldri reglugerðar. Þarfnast ekki skýringar.
upphaf reglna

66. gr. Doktorsnafnbót og doktorsskjal

Háskóladeildir hafa rétt til þess að veita doktorsnafnbót. Slíka nafnbót má veita annað hvort í heiðursskyni eða að undangengnu sérstöku prófi. Doktorsnafnbót í heiðursskyni verður ekki veitt nema með samþykki þriggja fjórðu hluta allra atkvæðisbærra deildarmanna og með samþykki háskólaráðs. Heimilt er deild að greiða atkvæði um veitingu doktorsnafnbótar í heiðursskyni með bréflegri atkvæðagreiðslu. Háskóladeildir standa fyrir doktorsprófi. Fulltrúar stúdenta á deildarfundum eiga atkvæðisrétt um veitingu doktorsnafnbóta í heiðursskyni.

1. mgr. er sama efnis og 16. gr. laganna og sama efnis og 55. gr. eldri reglugerðar; þarfnast ekki frekari skýringar. Rétt er að geta þess að orðin „allra atkvæðisbærra manna" í framangreindri 16. gr. laganna vísa til allra deildarmanna án tillits til hverjar séu ástæður þess að þeir mæta ekki á deildarfund. Sérstök heimild er í þessu ákvæði til að viðhafa bréflega atkvæðagreiðslu og er það frávik frá almennum reglum um atkvæðagreiðslu á deildarfundi, sbr. ákvæði 18. gr. reglna þessara.

2. mgr. er sama efnis og 1. málsl. 60. gr. eldri reglugerðar og þarfnast ekki skýringar.
upphaf reglna

67. gr. Aðgangur að doktorsnámi

Sá er æskir þess að verja ritgerð til doktorsnafnbótar skal að jafnaði hafa lokið kandídatsprófi, meistaraprófi eða embættisprófi. Háskóladeild er heimilt að skipuleggja doktorsnám í einstökum kennslugreinum, samkvæmt nánari ákvæðum í 68. gr. þessara reglna og ákvæðum um nám í köflum viðkomandi deilda. Doktorsnámi lýkur með doktorsprófi. Frekari reglur sem deildir kunna að setja um slíkt nám skulu staðfestar af háskólaráði.

Þeir stúdentar sem uppfylla kröfur viðkomandi deildar um aðfararnám geta sótt um aðgang að doktorsnámi. Deild er heimilt að skipuleggja hæfnispróf fyrir umsækjendur.

1. mgr. er sama efnis og 56. gr. eldri reglugerðar og þarfnast ekki skýringar.

2. mgr. er samhljóða 5. mgr. 57. gr. eldri reglugerðar og þarfnast ekki frekari skýringar.
upphaf reglna

68. gr. Skipulagt framhaldsnám til meistara- og doktorsgráðu

1. Fastanefndir

2. Umsóknarfrestur

Umsóknarfrestur um meistara- og doktorsnám við háskólann er að jafnaði til 15. mars. Leyfi deildir innritun framhaldsnema á vormisseri skal sá umsóknarfrestur vera til 15. september.

¹Breytt með 2. gr. rgl. nr. 518/2003.
²Breytt með 2. gr. rgl. nr. 599/2004.

Greinin er í heild nánast samhljóða rammareglum um rannsóknanám sem samþykktar voru í háskólaráði 14. maí 1998. Smávægilegar breytingar hafa verið gerðar sem ekki hafa áhrif á efni reglnanna. Tilvísanir í námsbrautir hafa verið felldar burt enda ekki gert ráð fyrir þeim við háskólann.

Í 1. málsl. 1. töluliðar hefur heitið rannsóknanámsnefnd verið fellt burt samkvæmt ábendingum margra er fyrstu drög voru til skoðunar, enda bera fastanefndir deilda sem fara með málefni rannsóknanáms, meistara- og doktorsnáms, ýmis heiti sem ástræðulaust er að binda við eitt.

Í stað yfirlits yfir ferli umsókna í 2. mgr. 3. töluliðar í rammareglunum segir að nánari upplýsingar um ferli umsókna um meistara- og doktorsnám skuli birtar í kennsluskrá háskólans. Þetta skýrir sig sjálft.

Orðalag 10. töluliðar hefur verið lagfært með tilliti til þess að rammareglurnar eru nú hluti reglna.

Tilvísanir í 12. tölulið eru færðar til samræmis við þessar reglur og efnisgrein um andmælendur við doktorsvörn færð í 69. gr.

Tilvísanir í 13. tölulið eru færðar til samræmis við þessar reglur.

Orðalagi 15. töluliðar hefur verið breytt lítillega frá rammareglunum þar sem þær verða nú hluti reglna. Í stað þess að æskilegt sé að hluti meistara- eða doktorsnáms sé tekinn við aðra háskóla segir að deild sé heimilt að ákveða að taka skuli hluta meistara- eða doktorsnáms við aðra háskóla.

Þá hefur 16. tölulið verið breytt þannig að í stað upptalningar lærdómstitla þar eru þeir tíundaðir í sérstakri grein, 54. gr. Þetta skýrir sig sjálft þar sem reglurnar um skipulagt rannsóknanám til meistara- og doktorsgráðu verða nú hluti af heildarreglum háskólans, svo sem eðlilegt er um þennan mikilvæga þátt í starfi hans.

Tilvísanir í 17. tölulið eru færðar til samræmis við þessar reglur.
upphaf reglna

69. gr. Doktorspróf án undangengins skipulagðs náms

1. Doktorspróf er fólgið í samningu ritgerðar eða ritgerða og munnlegri vörn. Enn fremur geta einstakar deildir með samþykki háskólaráðs áskilið að doktorsefni flytji fyrirlestur um fræðileg efni, einn eða fleiri. Til doktorsritgerðar eru gerðar kröfur um vísindaleg vinnubrögð og frumlegt framlag doktorsefnisins til viðkomandi vísindagreinar. Ritgerðin skal dæmd og varin samkvæmt reglum háskólans um doktorsritgerðir og doktorsvörn.

[Einnig skulu fylgja með umsókninni umsagnir þriggja aðila um það hvaða þýðingu telja megi að ritgerðin hafi fyrir rannsóknir á viðkomandi sviði og íslenskt fræðasamfélag. Umsagnaraðilar skulu allir þrír vera viðurkenndir sérfræðingar á fræðasviðinu.]¹

Varði ritgerð fræðasvið sem ekki er lögð stund á við Háskóla Íslands er deild heimilt að synja umsækjanda um mat á ritgerð á þeim grundvelli.

Fulltrúar stúdenta á deildarfundum eiga ekki atkvæðisrétt um mál er varða veitingu doktorsnafnbóta, sbr. ákvæði þessarar greinar og 68. gr. reglna þessara.

¹Breytt með 2. gr. rgl. nr. 1058/2006.

Greinin fjallar um doktorspróf, þar sem ritgerð eða ritgerðir eru lagðar fram án þess að umsækjandi hafi áður stundað skipulagt doktorsnám. Mið er tekið af viðteknum eldri reglum.

1.- 3. mgr. 1. töluliðar eru nánast samhljóða 1.- 3. mgr. 57. gr. eldri reglugerðar nr. 98/1993. Við 2. mgr. er bætt að með umsókninni skuli fylgja þrjú eintök af framlagðri ritgerð.
4. mgr. 1. töluliðar er ný og kveður á um að ef ritgerð varðar fræðasvið sem ekki er lagt stund á við Háskóla Íslands er deild heimilt að synja umsækjanda um mat á ritgerð á þeim grundvelli. Þykir þetta nauðsynlegur varnagli til að taka af allan vafa.

5. mgr. er samhljóða 4. mgr. 57. gr. eldri reglugerðar og þarfnast ekki skýringar.

6. mgr. er ný og kveður á um að ef ekki reynist unnt að fá hæfa dómnefndarmenn til að meta ritgerð er deild heimilt að fara fram á að verkið verði lagt fram í íslenskri þýðingu eða á öðru tungumáli sem deild samþykkir. Skýrir sig sjálft.

Í 2. tölulið eru efnisatriði sem svara til 58. gr. eldri reglugerðar. Í 1. mgr. er m.a. bætt ákvæðum um skilyrði sem dómnefndarmenn skulu uppfylla, hliðstæð og gilda um þá sem sitja í dómnefndum samkvæmt III. kafla þessara reglna.
Í 3. mgr. 2. töluliðar er sú breyting frá 1. málsl. 2. mgr. 58. gr. eldri reglugerðar að í stað tveggja andmælenda er deild í sjálfsvald sett hvort hún tilnefnir einn eða tvo andmælendur við munnlega vörn og heimilað að þeir megi hafa setið í dómnefndinni.

Í 4. mgr. 2. töluliðar er því sömuleiðis breytt frá eldri reglugerð að háskólinn eigi rétt á eitt hundrað eintökum ritgerðarinnar ókeypis, enda getur fylgt þeirri kvöð mikill kostnaður og hæpið að hún samrýmist lögum. Í staðinn er gert ráð fyrir að umsækjandi skuli afhenda háskólanum fjögur prentuð eintök ritgerðarinnar.

5. mgr. 2. töluliðar er sama efnis og 4. málsl. 2. mgr. 58. gr. eldri reglugerðar og þarfnast ekki skýringar.

6. mgr. 2. töluliðar er samhljóða 3. mgr. 58. gr. eldri reglugerðar og þarfnast ekki skýringar.
upphaf reglna

VII. kafli

Gjöld fyrir þjónustu, ráðstöfun þeirra, samningar o.fl.

70. gr. Gjöld fyrir þjónustu

Heimilt er að taka gjald fyrir þá þjónustu sem telst utan þeirrar þjónustu sem háskólanum er skylt að veita. Enn fremur er heimilt að taka gjöld fyrir endurmenntun og fræðslu fyrir almenning. Að öðru leyti er óheimilt að innheimta gjöld fyrir þá kennslu, sem fram fer í Háskóla Íslands, umfram skrásetningargjöld í samræmi við ákvæði laga um Háskóla Íslands.

Háskólaráð setur nánari reglur um fyrir hvaða þjónustu má innheimta gjöld og setur gjaldskrá, sem endurskoða skal árlega.

Ákvæði 70. gr. eru sett á grundvelli 1. mgr. 18. gr. laga nr. 41/1999, um Háskóla Íslands, en það ákvæði er nýmæli. Rétt er að leggja áherslu á að hér er einungis um að ræða heimild til að innheimta svonefnd þjónustugjöld og er óheimilt að innheimta hærri gjöld en nemur þeim kostnaði sem hlýst af því að veita þjónustuna.
upphaf reglna

71. gr. Sértekjur og samningar

Afli deild eða stofnun háskólans sértekna er henni skylt að gera skriflegan samning um það. Um stjórnunar- og aðstöðugjald af sértekjum fer eftir ákvæðum 72. gr. í reglum þessum. Í samningi skal kveðið á um:

Hafi samningur í för með sér veruleg fjárútlát eða skuldbindingu til langs tíma skal rektor staðfesta hann.

Miðað er við að staðfestingu rektors þurfi að jafnaði ef samningur felur í umtalsverða fjárhagsskuldbindingar eða ef samið er til langs tíma án þess að samningur feli í sér talsverð fjárútlát. Í vafatilvikum er rétt að senda erindi til rektors og gefa honum kost á að taka afstöðu til þess, hvort að hann komi að samningnum.
upphaf reglna

72. gr. Stjórnunar- og aðstöðugjald

Háskólaráði er heimilt að ákveða að deildir háskólans innheimti stjórnunar- og aðstöðugjald af öllum sértekjum, þar með töldum tekjum stofnana er undir þær heyra. Ennfremur er heimilt að ákveða að þær innheimti stjórnunar- og aðstöðugjald af styrkjum úr rannsóknasjóðum, framlögum eða styrkjum frá einstaklingum, fyrirtækjum eða stofnunum. Við gerð fjárhagsáætlunar deildar skal gera ráð fyrir tekjum af stjórnunar- og aðstöðugjaldi eftir því sem við á. Háskólaráð getur jafnframt ákveðið að hluti tekna af stjórnunar- og aðstöðugjaldi renni í Rannsóknasjóð Háskóla Íslands.

Ákvæði þessu hefur verið breytt frá fyrstu drögum í þá veru að nú er um heimildarákvæði að ræða. Tekjum af stjórnunar- og aðstöðugjaldi má ráðstafa til að mæta kostnaði sem af starfsemi hlýst og fellur á deild eða til annarra sameiginlegra þarfa deildarinnar, svo sem tækjakaupa, launa aðstoðarfólks við rannsóknir og kennslu eða setja í sérstakan rannsóknasjóð deildar.
upphaf reglna

73. gr. Aðild að fyrirtækjum

Háskóla Íslands er heimilt með samþykki menntamálaráðherra að eiga aðild að rannsóknar- og þróunarfyrirtækjum er séu hlutafélög, einkahlutafélög, sjálfseignarstofnanir eða félög með takmarkaðri ábyrgð og stunda framleiðslu og sölu í því skyni að miðla, hagnýta og þróa niðurstöður rannsóknar- og þróunarverkefna sem háskólinn vinnur að hverju sinni.

Háskólaráð fer með eignarhlut háskólans í þeim fyrirtækjum sem að framan greinir.

Fyrsta málsgrein er í samræmi við 2. mgr. 19. gr. laga nr. 41/1999. Í annarri málsgrein er kveðið á um heimild háskólans til þátttöku í annars konar félögum en í 1. mgr. greinir og er sú heimild takmörkuð við að umsvif félagsins samrýmist hlutverki skólans, sbr. m.a. 1. gr. laga nr. 41/1999.

Um heimild opinberra stofnana til félagsaðildar má m.a. vísa til 3. mgr. 3. gr. laga nr. 2/1995, um hlutafélög. Þriðja málsgrein er orðrétt tekin upp úr 2. mgr. 19. gr. laga um Háskóla Íslands og þarfnast ekki frekari skýringa.
upphaf reglna

VIII. kafli

Sjóðir til styrktar rannsóknum, kennslu og stjórnun í Háskóla Íslands og félags- og menningarstarfsemi stúdenta

Ákvæði þessa kafla eru nýmæli í reglum fyrir Háskóla Íslands en ákveðið var að hafa reglur um þessa sjóði í reglum vegna þeirrar þýðingar, sem þeir hafa í starfi háskólans. Greinar þessa kafla hafa flestar mjög svipað inntak; þar er lýst tilgangi sjóðsins, stjórn hans, hverjir rétt eiga á að sækja um styrki úr honum og þeim meginsjónarmiðum sem ráða ferðinni við úthlutun. Eins er stjórnum sjóða almennt heimilað að setja sér nánari vinnureglur. Ákvæði þessi hafa ekki í för með sér miklar breytingar á starfssemi sjóðanna, sbr. þó 77. gr. Í 78. gr. er fjallað um Sáttmálasjóð og hefur hann nokkra sérstöðu meðal þessara sjóða. Ákveðið var vegna tilurðar hans, sögu og hlutverks að nefna hann í reglum þessum. Þess skal getið að Ritlauna- og rannsóknasjóður prófessora er alfarið í höndum kjaranefndar og því ekkert fjallað um hann í reglunum.

74. gr. Rannsóknasjóður Háskóla Íslands

Tilgangur Rannsóknasjóðs Háskóla Íslands er að efla rannsóknir í háskólanum.

Háskólaráð ákveður árlega fjárveitingu til sjóðsins.

Stjórn sjóðsins er í höndum vísindanefndar háskólaráðs og er formaður nefndarinnar jafnframt formaður stjórnar sjóðsins.

Stjórn sjóðsins úthlutar úr sjóðnum. Stjórninni er heimilt að setja sér vinnureglur um úthlutun og skulu þær staðfestar af háskólaráði.

[Kennarar og sérfræðingar við Háskóla Íslands og stofnanir hans, sem hafa rannsóknir að aðalstarfi og hafa verið ráðnir á grundvelli hæfnisdóms, geta sótt um stuðning sjóðsins. Að auki geta nýdoktorar, er uppfylla skilyrði sjóðsins, sótt um sérstaka nýdoktorastyrki sem stjórn sjóðsins er heimilt að auglýsa.]¹

Við mat á verkefnum skal fyrst og fremst fara eftir vísindagildi þeirra, enn fremur skal höfð hliðsjón af rannsóknavirkni umsækjenda. Stjórn sjóðsins skal sjá til þess að hæfir menn gefi faglega umsögn um allar umsóknir styrkhæfra umsækjenda.

Stjórn sjóðsins skal gefa háskólaráði skýrslu um úthlutun úr sjóðnum að loknu hverju almanaksári.

¹Breytt með 3. gr. rgl. nr. 599/2004.

Greinin þarfnast ekki frekari skýringa en í almennum athugasemdum greinir.
upphaf reglna

75. gr. Kennslumálasjóður Háskóla Íslands

Tilgangur Kennslumálasjóðs Háskóla Íslands er að stuðla að nýmælum í kennsluháttum og endurbótum á kennslu við háskólann.

Stjórn sjóðsins skal gefa háskólaráði skýrslu um úthlutun úr sjóðnum að loknu hverju almanaksári.

Sama á hér við og um 74. gr.
upphaf reglna

76. gr. Tækjakaupasjóður Háskóla Íslands

[Tilgangur Tækjakaupasjóðs Háskóla Íslands er að efla rannsóknir og kennslu við háskólann. Rektor skipar þriggja manna stjórn Tækjakaupasjóðs samkvæmt tilnefningu vísindanefndar, kennslumálanefndar og fjármálanefndar.

Sjóðurinn skiptist í þrjá hluta: Sérhæfðan tækjakaupasjóð, verkefnabundinn tækjakaupasjóð og tækjakaupasjóð rektors. Fjárveiting til sjóðsins er ákveðin árlega af háskólaráði. Skipting fjárveitingar sjóðsins milli einstakra hluta hans skal ákveðin í lok hvers almanaksárs. Stjórn sjóðsins tekur þá ákvörðun í samráði við rektor.

Stjórn sjóðsins úthlutar sérhæfðu tækjakaupafé á grundvelli umsókna og forgangsröðunar deilda. Vísindanefnd úthlutar verkefnabundnu tækjakaupafé í tengslum við úthlutun úr Rannsóknasjóði Háskóla Íslands. Rektor úthlutar ráðstöfunarfé sínu til sérstakra verkefna.

Tæki sem keypt eru fyrir styrk úr Tækjakaupasjóði eru eign Háskóla Íslands.

Framkvæmdastjóri rannsóknasviðs skal gefa háskólaráði skýrslu um úthlutun tækjakaupafjár einu sinni á ári.]¹

¹Breytt með 3. gr. rgl. nr. 362/2004.

upphaf reglna

77. gr. Vinnumatssjóður Háskóla Íslands

Tilgangur Vinnumatssjóðs Háskóla Íslands er að efla rannsóknir og stjórnun við háskólann.

Vinnumatsnefnd skal einu sinni á ári gefa háskólaráði skýrslu um úthlutun úr sjóðnum.

Ekki er kveðið á um neinar efnisbreytingar á starfsemi Vinnumatssjóðs og þarfnast greinin því ekki frekari skýringa.
upphaf reglna

78. gr. Sáttmálasjóður Háskóla Íslands

Sáttmálasjóður Háskóla Íslands starfar á grundvelli auglýsingar nr. 11/1919.

Til viðbótar við sértekjur ákveður háskólaráð árlega fjárveitingu til sjóðsins.

Vísað er til umfjöllunar um Sáttmálasjóð í almennum athugasemdum við þennan kafla reglnanna. Sáttmálasjóður starfar á grundvelli auglýsingar nr. 11/1919, um Stofnskrá fyrir Sáttmálasjóð Háskóla Íslands.
upphaf reglna

79. gr. Aðstoðarmannasjóður Háskóla Íslands

Tilgangur Aðstoðarmannasjóðs Háskóla Íslands er að gera kennurum kleift að ráða sér aðstoðarmann við rannsóknir og/eða kennslu og jafnframt að aðstoðarmaðurinn öðlist þjálfun og færni í faglegum vinnubrögðum.

Sjóðstjórnin skal árlega gera háskólaráði grein fyrir úthlutun.

Greinin krefst ekki sérstakra skýringa.
upphaf reglna

80. gr. Stúdentasjóður Háskóla Íslands

Hlutverk Stúdentasjóðs Háskóla Íslands er að efla félags-, fræðslu- og menningarstarfsemi stúdenta við Háskóla Íslands og að efla erlend samskipti þeirra.

Stjórn sjóðsins ber að senda rektor ársreikninga sjóðsins ásamt skýrslu um hvernig fé hans hefur verið varið.

Ákveðið var að hafa reglur um Stúdentasjóð í reglum þessum en hann hefur lengi verið starfræktur á vegum Stúdentaráðs og fengið fé frá háskólanum. Í sjóðnum eru talsverðir fjármunir og var því talið rétt að um hann giltu ekki ósvipaðar reglur og aðra sjóði sem fé er veitt til af fjármunum háskólans. Í samræmi við þetta var kveðið á um að rektor skipaði einn fulltrúa í stjórn sjóðsins og var markmiðið með því að auðvelda eftirlit með sjóðnum en hins vegar var ekki verið að bera brigður á hvernig staðið hefur verið að úthlutun á undangengnum árum. Að tillögu Stúdentaráðs var ákvæðinu hins vegar breytt á þann veg að rektor skipar áheyrnarfulltrúa en skipan fulltrúa er óbreytt frá því sem verið hefur. Í athugasemdum Stúdentaráðs kom fram krafa um að ákveðið yrði í reglum að sjóðurinn fengi 1000 kr. fyrir hvern stúdent og sú upphæð breyttist í samræmi við vísitölu neysluverðs. Ekki er unnt að fallast á að sérreglur gildi um Stúdentasjóð og honum tryggðar tekjur frekar en öðrum sjóðum á vegum háskólans. Rétt er í þessu sambandi að geta þess að óheimilt er að nota tekjur af skrásetningargjaldi, sbr. 3. mgr. 13. gr. laganna, til framlaga í Stúdentasjóð og má vísa til athugasemda við 13. gr. frumvarps þess sem varð að lögum nr. 41/1999 en þar kemur fram hvaða kostnaði gjaldinu er ætlað að standa undir.
upphaf reglna

IX. kafli

Ársfundur

81. gr. Ársfundur háskólans

Háskóli Íslands skal árlega halda opinn ársfund, þar sem fjárhagur háskólans og meginatriði starfsáætlunar hans eru kynnt fyrir starfsfólki, stúdentum, almenningi, stofnunum og fyrirtækjum í þjóðfélaginu, sem og fjölmiðlum. Ársfund skal að jafnaði halda að loknum háskólafundi að vori og boðar rektor til hans með dagskrá með minnst viku fyrirvara.

Ákvæði þetta er nánari útfærsla á 1. mgr. 19. gr. laganna, sem er í samræmi við 23. gr. laga nr. 63/2006, um háskóla. Í athugsemdum með 19. gr. frumvarps þess sem varð að lögum nr. 41/1999 segir m.a. um þessa 1. mgr. greinarinnar: „Lögð er áhersla á að ársfundur háskólans er opinn fundur sem hefur það hlutverk að kynna starfsemi hans fyrir stofnunum og fyrirtækjum í þjóðfélaginu, sem og fjölmiðlum. Með þessu er leitast við að tengja starf háskólans þjóðlífinu. Ársfundur tekur ekki neinar ákvarðanir sem varða málefni háskólans."
upphaf reglna

II. hluti

SÉRREGLUR FYRIR HVERJA HÁSKÓLADEILD

Þessi hluti reglnanna svarar til IX.- XVII. kafla eldri reglugerðar nr. 98/1993, með áorðnum breytingum. Efni í köflum einstakra deilda hefur verið breytt eins lítið og kostur er og og almenn ákvæði í fyrri hluta þessara reglna og ný lög um háskólann leyfa. Eins og fram kemur í inngangi þessarar greinargerðar er helsti munur á formi í þessum reglum, frá reglugerð nr. 98/1993, sá að ákvæði um stjórn deilda er einungis að finna í þeim hluta (fyrri hluta) þar sem fjallað er um sameiginlegar reglur háskólans. Sömu reglur um stjórn deilda gilda fyrir þær allar en í köflunum um deildirnar er fjallað um nám og kennslu. Þá hefur framsetning efnis í köflum um háskóladeildir verið samræmd nokkuð og greinum gefin heiti til að auðvelda notkun reglnanna.
Margar góðar ábendingar og athugasemdir bárust frá deildum við fyrstu drög að reglugerð sem send voru til umsagnar deilda og hefur verið tekið tillit til allra athugasemda um viðeigandi deildakafla.
Rétt er að rifja upp, sbr. inngang þessarar greinargerðar, að í lögunum um háskólann er einungis gert ráð fyrir deildum en ekki námsbrautum. Með þessum reglum eru stofnaðar tvær nýjar deildir, sbr. 12. gr. og XIX. og XX. kafla. Jafnframt er námsbraut í sjúkraþjálfun felld inn í læknadeild og deildinni skipt í tvær skorir, læknisfræðiskor og sjúkraþjálfunarskor, sbr. XI. kafla. Er þetta í samræmi við samþykkt háskólaráðs frá 19. nóvember 1998. Niðurstaða matsnefndar sem rektor skipaði til að gera úttekt á kennslu og rannsóknum í hjúkrunarfræði og lyfjafræði lá fyrir í mars 2000. Telur nefndin að hvor um sig, námsbraut í hjúkrunarfræði og lyfjafræði, uppfylli þau skilyrði sem eðlilegt getur talist að háskóladeild uppfylli. Um nánari umfjöllun er vísað til skýrslu nefndarinnar. Nauðsynlegt er þó að vekja athygli á því að í lokaorðum skýrslunnar bendir nefndin á að sú spurning hljóti að vakna hvort ekki eigi að endurskoða deildaskipan háskólans í heild; þegar komi að heildarendurskoðun á deildaskipan háskólans sé nærtækast að sameina heilbrigðisgreinar í einni deild. Þetta sjónarmið var einnig reifað í greinargerð með frumvarpi því sem varð að lögum um háskólann nr. 41/1999.
upphaf reglna

X. kafli

Guðfræðideild

82. gr. [Nám í guðfræðideild]¹

[Guðfræðideild veitir kennslu sem hér segir:

Til B.A.-prófs í guðfræði.

Til B.A.-prófs í almennum trúarbragðafræðum.

Til meistaraprófs sem er annaðhvort embættispróf í guðfræði, óstarfstengt rannsóknarnám í guðfræði og almennum trúarbragðafræðum eða nám til kennsluréttinda, sbr. nánari ákvæði í 85. gr.

Til doktorsprófs í guðfræði á fræðasviðum þar sem deildin metur að nauðsynleg aðstaða og sérþekking sé fyrir hendi.
Deildin setur sér nánari reglur um nám til meistara- og doktorsprófs sem háskólaráð staðfestir.

Auk þess er deildinni heimilt að bjóða upp á djáknanám, sbr. 84. gr.]¹

¹Breytt með 3. gr. rgl. nr. 276/2006.

upphaf reglna

83. gr. [Fræðasvið]¹

[Fræðasvið í guðfræðideild eru þessi: Gamlatestamentisfræði, nýjatestamentisfræði, trúfræði, guðfræðileg siðfræði, kirkjusaga, almenn trúarbragðafræði og kennimannleg guðfræði.

Guðfræðideild tekur ákvarðanir um skiptingu fræðasviða í námskeið og um vægi þeirra.

Deildinni er heimilt að hefja kennslu í einstökum námskeiðum þótt þau falli ekki undir þau fræðasvið sem hér eru talin. Deildinni er einnig heimilt að kveða á um lágmarksundirbúning til þátttöku í tilteknum námskeiðum.

Deildin setur sér reglur um samstarfshópa kennara til þess að velja viðfangsefni og skipuleggja námsvinnu í hinum ýmsu greinum.
Auk kennslu stendur deildin fyrir rannsóknum á fræðasviðum deildarinnar.]¹

¹Breytt með 4. gr. rgl. nr. 276/2006.

upphaf reglna

84. gr. B.A.-nám og djáknanám

[Á fyrsta námsári skulu allir stúdentar ljúka sameiginlegum kjarna sem er inngangur að öllum fræðasviðum guðfræðinnar. Að loknu námi í kjarna geta stúdentar valið á milli náms til B.A.-prófs í guðfræði, náms til B.A.-prófs í almennum trúarbragðafræðum og til B.A.-prófs djákna.

1. Nám til B.A.-prófs í guðfræði fer eftir námskrá sem deildin setur.

2. Nám til B.A.-prófs í almennum trúarbragðafræðum fer fram í samvinnu við aðrar deildir í Háskóla Íslands og lýtur stjórn sérstakrar námsstjórnar.

3. Nám til djáknaprófs fer eftir námskrá sem deildin setur.

Sá sem lokið hefur háskólaprófi á sviðum uppeldis- og kennslufræða, hjúkrunarfræði, sálarfræði eða félagsráðgjafar getur innritast í djáknanám til 30 eininga. Um fyrirkomulag þess fer eftir námskrá sem deildin setur. Guðfræðideild veitir sérstakt prófskírteini að þessu námi loknu. Heimilt er að hafa samvinnu við aðrar deildir Háskóla Íslands, aðra háskóla og íslensku þjóðkirkjuna um einstaka þætti djáknanáms, hvort sem er til 30 eininga eða 90 eininga.

Hafi stúdent lokið minnst 60 námseiningum í guðfræði af þeim 90 einingum, sem krafist er til B.A.-prófs og jafnframt 30 einingum til viðbótar í annarri grein með samþykki deildarinnar, má brautskrá hann úr guðfræðideild.

Stúdent skal ljúka B.A.-prófi eigi síðar en á því almanaksári, er hann hefur verið skrásettur í guðfræðideild samfleytt í sex ár.]¹

¹Breytt með 5. gr. rgl. nr. 276/2006.

upphaf reglna

85. gr. [Framhaldsnám í guðfræði]¹

[Að loknu B.A.-prófi í guðfræði eða almennum trúarbragðafræðum getur stúdent valið nám til embættisprófs í guðfræði, nám til M.A.-prófs í guðfræði og almennum trúarbragðafræðum og nám til kennsluréttinda.

¹Breytt með 6. gr. rgl. nr. 276/2006.

upphaf reglna

86. gr. [Verklegt nám, námsmat og lágmarkseinkunnir]¹

[Guðfræðideild er heimilt að áskilja að stúdentar á námsleiðum til embættisprófs og djáknaprófs stundi verklegt nám á stofnunum þjóðkirkjunnar eða annarra trúfélaga eftir því sem við á, sem og á heilbrigðisstofnunum. Um verklegt nám í guðfræðideild gilda nánari reglur sem deildin setur.

¹Breytt með 7. gr. rgl. nr. 276/2006.

upphaf reglna

XI. kafli

Læknadeild

Kaflinn er að efni nokkuð breyttur frá X. kafla eldri reglugerðar nr. 98/1993. Meginbreytingin er að námsbrautir eru felldar út og deildinni skipt í tvær skorir, læknisfræðiskor og sjúkraþjálfunarskor. Lyfjafræði og hjúkrunarfræði fá hvor sinn deildarkafla.

Að öðru leyti eru ákvæði um stjórnun deildarinnar, sem voru í 71. gr. eldri reglugerðar, felld út og 72. gr. einnig þar sem ákvæðin er nú að finna í sameiginlegum reglum háskólans.
Ákvæði um fjöldatakmörkun í 89. gr., sbr. 3. mgr. 74. gr. eldri reglugerðar, eru einfölduð til að gefa deildinni svigrúm til að setja reglur um hvernig staðið skuli að inntöku stúdenta. Þessar reglur skulu staðfestar af háskólaráði og birtar í kennsluskrá.

87. gr. Kennslugreinar

Læknadeild veitir kennslu sem hér segir:

upphaf reglna

88. gr. Nám í læknadeild

Deildin ákvarðar kennslugreinar og skiptingu þeirra í námskeið og um vægi þeirra.

¹Breytt með 3. gr. rgl. nr. 611/2005.

upphaf reglna

89. gr. Námsframvinda, námsmat og inntaka stúdenta

Stúdent skal hafa lokið öllum prófum hvers árs, áður en hann hefur nám á næsta námsári.

[...]¹

[Deildin gerir árlega, ef þörf krefur, rökstuddar tillögur til háskólaráðs um takmörkun á fjölda stúdenta í læknisfræði, sjúkraþjálfun, geislafræði og lífeindafræði.]² Ákvörðun háskólaráðs skal tilkynna fyrir upphaf þess háskólaárs, sem hún tekur til. Háskólaráð setur, að fengnum tillögum deildar, reglur um hvernig staðið skuli að inntöku stúdenta og skulu þær birtar í kennsluskrá ár hvert.

¹Breytt með 4. gr. rgl. nr. 362/2004.
²Breytt með 4. gr. rgl. nr. 611/2005.

upphaf reglna

90. gr. Lokapróf

[Nám í læknisfræði til embættisprófs jafngildir 180 námseiningum, nám til B.S.-prófs í sjúkraþjálfun jafngildir 120 námseiningum, nám til B.S.-prófs í geislafræði jafngildir 90 námseiningum og nám til B.S.-prófs í lífeindafræði jafngildir 90 námseiningum. Sá sem lokið hefur embættisprófi í læknisfræði ber próftitilinn candidatus medicinae (cand. med.). Sá sem hefur lokið fullnaðarprófi í sjúkraþjálfun ber titilinn baccalaureus scientiarum (B.S.) í sjúkraþjálfun og sá sem lokið hefur 90 eininga námi í geislafræði eða lífeindafræði ber titilinn baccalaureus scientiarum (B.S.) í geislafræði/lífeindafræði, eftir því sem við á.]¹

Um doktorspróf gilda sérstakar reglur sem deildin setur og háskólaráð staðfestir.

¹Breytt með 5. gr. rgl. nr. 611/2005.

upphaf reglna

XII. kafli

Lagadeild

91. gr. [Almennt um nám við lagadeild og námsgreinar]¹

[[Lagadeild veitir kennslu til B.A.-prófs og meistaraprófs í lögfræði, sbr. 6. mgr. Meistarapróf í lögfræði er jafngildi embættis- eða kandídatsprófs. Sá sem hefur lokið meistaraprófi við lagadeild ber próftitilinn magister juris (mag. jur.).]²

Lagadeild gerir árlega, ef þörf krefur, rökstuddar tillögur til háskólaráðs um takmörkun á fjölda stúdenta í meistara- og doktorsnámi við deildina. Ákvörðun háskólaráðs skal tilkynna fyrir upphaf þess háskólaárs, sem hún tekur til. Háskólaráð setur, að fengnum tillögum deildar, reglur um hvernig staðið skuli að inntöku stúdenta og skulu þær birtar í kennsluskrá ár hvert.]<sup>1

1</sup>Breytt með 2. gr. rgl. nr. 638/2002.
²Breytt með 5. gr. rgl. nr. 951/2004, sbr. 1. gr. rgl. nr. 323/2003.
³Breytt með 1. gr. rgl. nr. 323/2003.
⁴Breytt með 5. gr. rgl. nr. 951/2004.
⁵Breytt með 9. gr. rgl. nr. 276/2006.
⁶Breytt með 3. gr. rgl. nr. 1058/2006.

upphaf reglna

92. gr. [B.A.-nám í lögfræði]¹

[[Á fyrsta misseri B.A.-náms í lögfræði, haustmisseri, getur stúdent eingöngu skráð sig til náms í þremur námsgreinum, þ.e. almennri lögfræði ásamt ágripi af réttarsögu, inngangi að lögfræði og Evrópurétti. Á vormisseri fyrsta námsárs getur stúdent eingöngu skráð sig til náms í stjórnskipunarrétti ásamt ágripi af þjóðarétti, sifja- og erfðarétti og heimspekilegum forspjallsvísindum. Skilyrði þess að stúdent geti skráð sig í aðrar námsgreinar í B.A.-námi er að hann hafi staðist próf í almennri lögfræði ásamt ágripi af réttarsögu og inngangi að lögfræði.]⁴

¹Breytt með 2. gr. rgl. nr. 323/2003, sbr. 3. gr. rgl. nr. 638/2002
²Breytt með 3. gr. rgl. nr. 638/2002.
³Breytt með 2. gr. rgl. nr. 323/2003.
⁴Breytt með 10. gr. rgl. nr. 276/2006.
⁵Breytt með 2. gr. rgl. nr. 799/2003.
⁶Breytt með 5. gr. rgl. nr. 951/2004.
⁷Breytt með 3. gr. rgl. nr. 347/2008.


upphaf reglna

93. gr. [Framhaldsnám í lögfræði til embættisprófs]¹

[[Stúdent skal hafa lokið B.A.-prófi í lögfræði frá lagadeild Háskóla Íslands áður en hann hefur framhaldsnám í lögfræði til meistaraprófs. Lagadeild getur heimilað að stúdent, sem lokið hefur sambærilegu prófi frá öðrum háskóla, hefji framhaldsnám við deildina til meistaraprófs.]³

[Stúdent skal hafa lokið meistaraprófi í lögfræði eigi síðar en á því almanaksári þegar fjögur ár eru liðin frá innritun hans í framhaldsnám við lagadeild. Lagadeild getur veitt undanþágu frá þessu ákvæði um tímamörk ef veikindi eða aðrar vítaleysisástæður koma til.]³]<sup>1

1</sup>Breytt með 4. gr. rgl. nr. 638/2002.
²Breytt með 3. gr. rgl. nr. 323/2003.
³Breytt með 5. gr. rgl. nr. 951/2004.
⁴Breytt með 4. gr. rgl. nr. 1058/2006.
⁵Breytt með 7. gr. rgl. nr. 347/2008.

upphaf reglna

XIII. kafli

Viðskipta- og hagfræðideild

Kaflinn er að efni mjög lítið breyttur frá reglugerð fyrir viðskipta- og hagfræðideild nr. 902/1999, sbr. einnig XII. kafla eldri reglugerðar nr. 98/1993, enda nýlega búið að endurskoða reglur deildarinnar. Ákvæði um stjórnun deildar hafa verið felld burt þar sem þau eru nú í sameiginlegum reglum háskólans.

94. gr. Kennslugreinar og skorir

Viðskipta- og hagfræðideild veitir kennslu sem hér segir:

Námið er vegið í einingum og skal árs nám talið 30 einingar. Til B.S.-prófs og B.A.-prófs er krafist 90 eininga, en til cand.oecon. prófs er krafist 120 eininga. [Til M.S./M.A.-prófs er krafist 45 eininga hið minnsta. Nánari reglur um M.S./M.A.-nám, en fram koma í þessum kafla skulu staðfestar af háskólaráði sbr. ákvæði 68. gr. þessara reglna.]²

Deildin getur skipulagt framhaldsnám til doktorsprófs í hagfræði og í viðskiptafræði, samkvæmt reglum þessum og nánari reglum sem hún setur og háskólaráð staðfestir.

¹Breytt með 5. gr. rgl. nr. 362/2004, sbr. 1. gr. rgl. nr. 319/2002.
²Breytt með 2. gr. rgl. nr. 319/2002.
upphaf reglna

95. gr. B.S.- og B.A.-nám

Skipan B.S.- og B.A.-námsins miðast við þrjú ár eða sex misseri. Í B.S.- og B.A.-námi er boðið upp á námsleiðir sem skorir setja nánari reglur um.

Prófgreinar til B.S.-prófs og B.A.-prófs í hagfræði eru rekstrarhagfræði, þjóðhagfræði, stærðfræði, tölfræði og aðrar greinar samkvæmt ákvörðun hagfræðiskorar, alls 90 einingar.

[Inntökuskilyrði í B.S.- og B.A.-nám í viðskipta- og hagfræðideild er stúdentspróf af bóknámsbraut eða sambærilegt próf að mati deildarinnar. Raungreinadeildarpróf frá Tækniháskóla Íslands (áður Tækniskóla Íslands) og stúdentspróf að lokinni viðskipta­braut og viðbótarnámi samkvæmt aðalnámskrá framhaldsskóla, teljast sambærileg stúdentsprófi af bóknámsbraut og nægja til inngöngu í B.S.- og B.A.-nám í deildinni.]² [Lokapróf frá frumgreinadeild Keilis nægir til inngöngu í viðskipta- og hagfræðideild til jafns við stúdentspróf, enda hafi viðkomandi stundað nám sem er ætlað fyrir þá sem hyggja á frekara nám í viðskiptafræði og hagfræði.]³

¹Breytt með 34. gr. rgl. nr. 338/2007.
²Breytt með 2. gr. rgl. nr. 1057/2004.
³Breytt með 1. gr. rgl. nr. 418/2008.

upphaf reglna

96. gr. [Nám í reikningshaldi og endurskoðun]¹

[Deildin býður upp á meistaranám í reikningshaldi og endurskoðun sem lýkur með prófgráðunni Master of Accounting, M.Acc.

Prófgreinar til cand.oecon.-prófs í viðskiptafræði eru rekstrarhagfræði, þjóðhagfræði, reikningshald, stærðfræði, tölfræði, upplýsingatækni, lögfræði, fjármál og aðrar greinar samkvæmt ákvörðun viðskiptaskorar, alls 120 einingar.]¹

¹Breytt með 3. gr. rgl. nr. 532/2005.

upphaf reglna

97. gr. [M.S.- og M.A.-nám]¹

Skipan M.S.-námsins miðast við þrjú misseri. Nám til M.S.-prófs er 45 einingar hið minnsta, þar af eru 30 einingar í námskeiðum og 15 eininga ritgerð. Nemendur sem vilja ljúka 60 eininga M.S.-prófi eiga kost á 30 eininga ritgerð eða geta óskað eftir heimild til að ljúka 45 einingum í námskeiðum. Skorir setja nánari reglur um inntökuskilyrði, námsleiðir og námskröfur.

[Skipan M.A.-námsins miðast við þrjú misseri. Nám til M.A.-prófs er 45 einingar hið minnsta, þar af eru 30 einingar í námskeiðum og 15 eininga ritgerð. Nemendur sem vilja ljúka 60 eininga M.A.-prófi eiga kost á 30 eininga ritgerð eða geta óskað eftir heimild til að ljúka 45 einingum í námskeiðum. Skorir setja nánari reglur um inntökuskilyrði, námsleiðir og námskröfur.]<sup>1

1</sup>Breytt með 3. gr. rgl. nr. 319/2002.
upphaf reglna

98. gr. MBA nám

Deildinni er heimilt að veita prófgráðuna MBA að loknu 45 eininga endurmenntunarnámi á vegum deildarinnar, enda sé farið eftir ákvæðum 14. gr. um endurmenntun á vegum deilda í þessum reglum.

MBA-nám er fellt undir skilyrði 14. gr. reglna þessara. Það er sjálfstætt nám sem miðað er við fjölbreytta undirstöðu úr ólíkum háskólagreinum og nokkurra ára starfsreynslu. Áhersla er lögð á stutt námskeið um hagnýt viðfangsefni. Uppbygging þess, efnistök og markmið eru því með öðrum hætti en í framhaldsnámi að lokinni fyrstu háskólagráðu í sömu grein sem felur í sér sjálfstæðar rannsóknir og er iðulega undirbúningur undir frekara fræðilegt nám eða starfsferil á sviði fræða og vísinda.
upphaf reglna

99. gr. Val námsleiða og ritgerðir

Stúdent velur námsleiðir og frjálsar kjörgreinar og er honum heimilt, að áskildu samþykki deildar, að velja frjálsar kjörgreinar í öðrum deildum.

Efni ritgerðar skal valið í samráði við að minnsta kosti einn lektor, dósent eða prófessor deildarinnar. Ritgerð í cand.oecon. námi og B.S.-námi vegur 3-6 einingar. [Ritgerð í M.S./M.A.-námi vegur 15 eða 30 einingar.]¹Deildin setur nánari reglur um vægi ritgerða, samningu þeirra og skil. Heimilt er að prófa stúdent munnlega um efni ritgerðar og meta frammistöðu hans sem hluta af einkunn fyrir ritgerðina. [Umsjónarkennari og prófdómari gefa einkunn fyrir M.S./M.A.-ritgerðir.]²

Deildinni er heimilt að fengnum tillögum skora að skipuleggja nám fyrir nemendur sem eru skráðir í aðrar deildir Háskóla Íslands.

¹Breytt með 4. gr. rgl. nr. 319/2002.
²Breytt með 5. gr. rgl. nr. 319/2002.
upphaf reglna

100. gr. Námsframvinda, próf, lágmarkseinkunnir og hámarksnámstími

Skorir ákveða hvaða forkröfur skuli gilda um aðgang stúdenta að einstökum námskeiðum. Heimilt er kennara með samþykki skorar að meta ritgerðir og æfingar sem hluta af prófi og áskilja lágmarkseinkunn í hverjum prófhluta greinar. Slík ákvörðun skal tilgreind í kennsluskrá. Heimilt er einnig að meta vinnu stúdenta í fyrirtækjum og stofnunum og vinnu við ákveðin verkefni utan deildar til jafns við ritgerðir og æfingar í einstökum greinum. Skorir geta haldið æfinganámskeið utan reglulegs kennslutíma.

¹Breytt með 4. gr. rgl. nr. 347/2008.
²Breytt með 5. gr. rgl. nr. 319/2002.
³Breytt með 3. gr. rgl. nr. 1151/2005.
upphaf reglna

XIV. kafli

[Hugvísindadeild]⁶

Kaflinn er að stofni til samhljóða XIII. kafla um heimspekideild í eldri reglugerð nr. 98/1993 en nafni deildarinnar var breytt árið 2004. Nokkrar breytingar hafa verið gerðar á ákvæðum kaflans frá því að reglurnar voru fyrst settar, en þessar breytingar lúta m.a. að námsgreinum deildarinnar, fyrirkomulagi námsins og skoraskiptingu.

101. gr. Kennslugreinar og skorir

[Hugvísindadeild veitir kennslu sem hér segir:

[Til M.A.-prófs: Almenn bókmenntafræði, almenn málvísindi, danska, enska, fornleifafæði, [franska, hagnýt menningarmiðlun, hagnýt ritstjórn og útgáfa, heilbrigðis- og lífsiðfræði,]⁹heimspeki, íslenskar bókmenntir, íslensk málfræði, íslensk fræði, [íslensk miðaldafræði (Medieval Icelandic Studies),]⁸ sagnfræði, [spænska,]⁹ tungutækni, [umhverfis- og náttúrusiðfræði, viðskiptasiðfræði,]⁹ [þýðingar]² og [þýska]⁹.]³

Til doktorsprófs: Íslenskar bókmenntir, íslensk málfræði og sagnfræði. [Ennfremur er við [hugvísindadeild]⁶ unnt að stunda nám til doktorsprófs á fagsviðum þar sem skor og deildarráð meta að nauðsynleg aðstaða og sérþekking sé fyrir hendi.]²

¹Breytt með 1. gr. rgl. nr. 662/2007.
²Breytt með 4. gr. rgl. nr. 518/2003.
³Breytt með 1. gr. rgl. nr. 138/2002.
⁴Breytt með 4. gr. rgl. nr. 323/2003, sbr. 1. gr. rgl. nr. 947/2000.
⁵Breytt með 6. gr. rgl. nr. 362/2004.
⁶Breytt með 4. gr. rgl. nr. 951/2004.
⁷Breytt með 6. gr. rgl. nr. 951/2004.
⁸Breytt með 4. gr. rgl. nr. 532/2005.
⁹Breytt með 11. gr. rgl. nr. 276/2006.
¹⁰Breytt með 6. gr. rgl. nr. 596/2006.
¹¹Breytt með 8. gr. rgl. nr. 347/2008.

upphaf reglna

102. gr. Námsframvinda, námsmat og hámarksnámstími

[Kennslu til B.A.-prófs við hugvísindadeild skal haga þannig, að stúdent sé unnt að ljúka námi á þremur árum. Hámarksnámstími til þess að ljúka B.A.-prófi er níu kennslumisseri (fjögur og hálft ár) frá því er stúdent var skrásettur í deildina. Eðlileg námsframvinda miðast þó við að stúdent ljúki á hverju háskólaári að lágmarki ¾ af skilgreindum einingafjölda í fullu námi skv. 52. gr. Deildinni er heimilt að setja frekari skilyrði um námsframvindu í einstökum greinum.

¹Breytt með 27. gr. rgl. nr. 338/2007.

upphaf reglna

103. gr. [B.A.-próf]¹

[Til B.A.-prófs er krafist minnst 90 eininga[...].⁶ Stúdent velur sér aðalgrein úr kennslugreinum þeim sem upp eru taldar í 2. mgr. 101. gr. og tekur í henni minnst 60 einingar. Einnig skal stúdent velja aukagrein úr sömu greinum og ljúka í henni 30 einingum. Stúdent er heimilt að ljúka 90 eininga námi í aðalgrein og sleppa aukagrein. Stúdent er einnig heimilt að ljúka 60 eininga námi í tveimur aðalgreinum, samtals 120 einingum, og skrifa B.A.-ritgerð í báðum greinum. [Telst hann þá hafa lokið B.A.-prófi í tveimur aðalgreinum.]² Stúdent er heimilt með samþykki [hugvísindadeildar]⁴ að sækja aukagrein til annarra deilda. Ákveða má að hluti aðalgreinar eða aukagreinar sé valfrjáls námskeið. Heimilt er stúdent með leyfi skorar að sækja námskeið til annarra deilda. Minnst 5 einingar skulu felast í samningu lokaritgerðar.]³

[...]¹

[Til þess að hefja nám í táknmálstúlkun að loknu námi í táknmálsfræði þarf nemandi að uppfylla eftirtalin skilyrði:

1. Hafa lokið 60 einingum í táknmálsfræði, þar á meðal fjórum færninámskeiðum en þeim námskeiðum skal nemandi hafa lokið með fyrstu einkunn að meðaltali.
2. Hafa staðist inntökupróf sem fram fer að vori, skv. nánari reglum sem deildin setur og birtir í kennsluskrá.

Nýr hópur nemenda er tekinn inn í námið á þriggja ára fresti og er miðað við að ekki færri en átta nemendur verði þá teknir inn í námið á grundvelli ofangreindra skilyrða. Um takmörkun á hámarksfjölda nemenda fer eftir ákvörðun háskólaráðs hverju sinni..]⁵

Með breytingu á 103. gr. sem háskólaráð samþykkti sumarið 2002 var tekinn upp möguleiki á því að skráður stúdent við heimspekideild, nú hugvísindadeild, geti valið tvær aðalgreinar til B.A.-prófs við deildina, í stað aðalgreinar og aukagreinar. B.A.-prófið felst í því að ljúka a.m.k. 60 einingum í hvorri aðalgrein og uppfylla aðrar kröfur sem deildin setur, m.a. um ritun lokaritgerða, en kosturinn fyrir stúdentinn er sá að hann telst hafa lokið B.A-prófi í tveimur greinum og kemur það fram á prófskírteini. Einungis er þó um eina prófgráðu að ræða og því felst ekki í þessu fyrirkomulagi að verið sé að samnýta einingar til fleiri en einnar prófgráðu. Ekki var heldur ætlunin með breytingunni að slá af kröfum sem gerðar eru til B.A.-prófs við hugvísindadeild.

Heimildin til þess að ljúka B.A.-prófi með tveimur aðalgreinum er bundin við hugvísindadeild og B.A.-prófið sem nám við deildina veitir. Því er ekki um það að ræða, að óbreyttum reglum, að stúdent taki eina aðalgrein til 60 eininga í hugvísindadeild og aðra grein til 60 eininga í annarri deild, þannig að hann teljist hafa lokið B.A.-prófi í tveimur greinum frá tveimur deildum, enda er heimildin til þess að sækja grein til annarrar deildar skýrlega bundin við aukagrein, þ.e. nám til 30 eininga.

upphaf reglna

XV. kafli

Verkfræðideild

107. gr. Kennslugreinar og skorir

Verkfræðideild veitir kennslu sem hér segir:

Deildin skiptist eftir fræðigreinum í eftirtaldar skorir: Rafmagns- og tölvuverkfræðiskor, umhverfis- og byggingarverkfræðiskor, véla- og iðnaðarverkfræðiskor og tölvunarfræðiskor. Kennslugreinar deildarinnar skiptast milli skora eftir ákvörðun deildarfundar. Hver skor fer í umboði deildarfundar með málefni kennslugreina sinna, ákveður námsefni og tilhögun kennslu og prófa, ákveður skiptingu kennslu milli einstakra kennara í skor og gerir tillögur til deildarforseta um ráðningu stundakennara, svo og um nauðsynlegar fjárveitingar og ný störf, sbr. ákvæði II. kafla þessara reglna.
upphaf reglna

[107. gr. a. MPM-nám

Deildinni er heimilt að veita prófgráðuna MPM að loknu 45 eininga endurmenntunarnámi á vegum deildarinnar, enda sé farið eftir ákvæðum 14. gr. reglna þessara.

Deildin setur nánari reglur um inntökuskilyrði, námsleiðir og námskröfur í samþykktum um námið, sem háskólaráð staðfestir.]¹

¹Breytt með 6. gr. rgl. nr. 611/2005.

upphaf reglna

108. gr. Námsframvinda og verkþjálfun

[Verkfræðideild veitir inngöngu þeim sem lokið hafa stúdentsprófi. Ennfremur þeim sem lokið hafa 4. stigs prófi á vélstjórnarbraut Fjöltækniskólans, prófi frá frumgreinasviði Háskólans í Reykjavík eða frumgreinadeild Keilis, enda hafi viðkomandi lokið námi sem er ætlað fyrir þá sem hyggja á frekara nám í verk- eða raunvísindum.]¹

¹Breytt með 2. gr. rgl. nr. 418/2008.

upphaf reglna

109. gr. Einkunnir og endurtaka prófa

Við einkunnagjöf má taka tillit til frammistöðu í prófum og æfingum utan reglulegs próftíma og veita fyrir hana sérstaka einkunn, hlutaeinkunn.

Nemandi sem ekki hlýtur tilskilda prófeinkunn í námskeiði má endurtaka prófið einu sinni. Aðeins með sérstöku leyfi deildar er þriðja próftaka heimil. Við endurtekningu skal þreyta próf eins og það er haldið fyrir aðra stúdenta hverju sinni nema skor ákveði annað.
upphaf reglna

XVI. kafli

Tannlæknadeild

110. gr. Kennslugreinar

Tannlæknadeild veitir kennslu sem hér segir:

Auk kennslu stendur deildin fyrir rannsóknum á fræðasviðum deildarinnar. Deildin veitir heilbrigðisyfirvöldum upplýsingar og þjónustu um tannheilsumál. Enn fremur veitir deildin almenningi tannlæknaþjónustu í tengslum við kennslu á vegum deildarinnar.
upphaf reglna

111. gr. Nám í tannlæknadeild

Deildin ákvarðar kennslugreinar og skiptingu þeirra í námskeið og vægi þeirra.

Tannlæknadeild stendur fyrir framhaldsmenntun tannlækna, eftir því sem fjárveitingar og aðrar aðstæður leyfa. Deildin ákveður nánar hvernig kennslu og prófum skuli háttað.
upphaf reglna

112. gr. Námsframvinda, námsmat og inntaka stúdenta

Stúdent skal hafa lokið öllum prófum hvers árs áður en hann hefur nám á næsta námsári.

Deildin setur reglur um viðurkenningu fyrra náms við endurskráningu stúdenta og umskráningu úr öðrum deildum eða milli aðalgreina í tannlæknadeild.
upphaf reglna

113. gr. Lokapróf

Nám í tannlæknisfræði til kandídatsprófs jafngildir 180 námseiningum. Kandídatsprófi skal stúdent ljúka eigi síðar en sex árum eftir að hann hefur nám á öðru námsári. Þó getur deildin veitt undanþágu frá þessum tímamörkum ef veikindi eða aðrar gildar ástæður koma til.

Um doktorspróf gilda sérstakar reglur sem deildin setur og háskólaráð staðfestir.
upphaf reglna

XVII. Kafli

Félagsvísindadeild

Kaflinn er að efni lítið breyttur frá XVI. kafla eldri reglugerðar nr. 98/1993. Þó nokkrar orðalagsbreytingar og endurskipan efnisatriða. Ákvæði um stjórnun deildar í 111. og 112. gr. eldri reglugerðar hafa verið felld burt, þar sem þau eru nú í sameiginlegum reglum háskólans.

114. gr. Kennslugreinar, prófgráður og námseiningar

Félagsvísindadeild veitir kennslu sem hér segir:

[M.A.-nám í uppeldis- og menntunarfræði er sérstaklega skipulagt 45 eða 60 eininga nám að loknu B.A.-prófi eða sambærilegu háskólaprófi. Námið samanstendur af skipulögðum námskeiðum og lokaritgerð. Heimilt er að bjóða upp á ólíkar námslínur samkvæmt nánari ákvörðun félagsvísindadeildar.]²

[...]³

[MSW (Master of Social Work) er 45 eininga meistaranám í félagsráðgjöf á sviði fjölskyldufélagsráðgjafar. Miðað er við að námið samanstandi af 30 einingum í námskeiðum og 15 eininga lokaritgerð.]⁴

[MLIS (Master of Library and Information Science) er 60 eininga meistaranám í bókasafns- og upplýsingafræði að loknu B.A.-námi eða sambærilegu námi í annarri grein en bókasafns- og upplýsingafræði. Nemendur ljúka 30 einingum í námskeiðum, 15 einingum í hagnýtu námi og 15 eininga meistaraprófsritgerð eða lokaverkefni er tengist einhverju sviði bókasafns- og upplýsingafræða.

Diplómanám í fötlunarfræði er sjálfstætt 15 eininga nám að loknu B.A.-prófi eða sambærilegu háskólaprófi. Nám þetta er hægt að fá metið inn í meistaranám í fötlunarfræði.

Diplómanám í kennslufræði er sjálfstætt 30 eininga nám til kennsluréttinda sbr. lög nr. 86/1998, um lögverndun á starfsheiti og starfsréttindum grunnskólakennara, framhaldsskólakennara og skólastjóra, að loknu B.A.-prófi eða sambærilegu háskólaprófi. Þá er unnt að ljúka 15 eininga diplómanámi til kennsluréttinda sbr. lög nr. 86/1998 um embættisgengi framhaldsskólakennara enda hafi fólk lokið að minnsta kosti B.A.- eða B.S.-gráðu auk 30 eininga framhaldsnámi á sama sviði með fullgildum lokaprófum. Nám þetta er hægt að fá metið inn í meistaranám í kennslufræði.

[Meistaranám í hagnýtri þjóðfræði er 45 eininga nám að loknu B.A.-prófi eða sambærilegu háskóla­prófi.]⁷

Nám í bókasafns- og upplýsingafræði, félagsráðgjöf, kennslufræði og kandídatsnám í sálfræði er skipulagt með hliðsjón af lögum og reglum um starfsréttindi.

Heimilt er að taka nemendur inn í sérstaklega skipulagt framhalds- og viðbótarnám annað hvert ár.

¹Breytt með 7. gr. rgl. nr. 362/2004.
²Breytt með 1. gr. rgl. nr. 767/2002.
³Breytt með 13. gr. rgl. nr. 276/2006.
⁴Breytt með 3. gr. rgl. nr. 799/2003.
⁵Breytt með 6. gr. rgl. nr. 532/2005.
⁶Breytt með 5. gr. rgl. nr. 1058/2006.
⁷Breytt með 28. gr. rgl. nr. 338/2007.
⁸Breytt með 1. gr. rgl. nr. 888/2007.
⁹Breytt með 1. gr. rgl. nr. 1297/2007.
¹⁰Breytt með 3. gr. rgl. nr. 418/2008.

upphaf reglna

115. gr. Námsframvinda, námsmat og hámarksnámstími

Kennslu til B.A.-prófs skal haga þannig að stúdent geti lokið 90 eininga námi á þremur árum. Hámarksnámstími til þess að ljúka B.A.-prófi er níu kennslumisseri frá því er stúdent var skrásettur í viðkomandi aðalgrein. Deildinni er heimilt að veita undanþágu frá þessum tímamörkum, þegar sérstaklega stendur á. Kennslu til kandídats- eða meistaraprófs til 60 eininga skal haga þannig að stúdent geti lokið náminu á tveimur árum.

Deildin setur reglur um viðurkenningu fyrra náms við endurskráningu stúdenta og umskráningu úr öðrum deildum eða milli aðalgreina í félagsvísindadeild. Próf geta verið munnleg og/eða skrifleg. Heimilt er kennara, með samþykki skorar, að meta ritgerðir, vinnuverkefni og æfingar sem hluta af prófi. Ef prófþættir í námskeiði eru tveir eða fleiri er deildinni heimilt, að tillögu kennara, að krefjast þess að tilskilinni lágmarkseinkunn verði náð í hvorum eða hverjum prófþætti. Slík ákvörðun skal tilgreind í kennsluskrá.
upphaf reglna

116. gr. Skorir

Deildin skiptist í eftirtaldar skorir: Bókasafns- og upplýsingafræðiskor, félagsfræðiskor, [félagráðgjafarskor,]¹ mannfræði- og þjóðfræðiskor, sálfræðiskor, stjórnmálafræðiskor og uppeldis- og menntunarfræðiskor. Kennslugreinar deildarinnar skiptast milli skora eftir ákvörðun deildarfundar. Hver skor fer í umboði deildarfundar með málefni kennslugreina sinna, ákveður námsefni og tilhögun kennslu og prófa, ákveður skiptingu kennslu milli einstakra kennara í skor og gerir tillögur til deildarforseta um ráðningu stundakennara, svo og um nauðsynlegar fjárveitingar og ný störf, sbr. ákvæði II. kafla þessara reglna. Sameiginleg kennsla, Félagsvísindastofnun, Rannsóknarnámsnefnd og önnur starfsemi, sem ekki heyrir undir sérstaka skor, heyrir undir deild.

¹Breytt með 8. gr. rgl. nr. 362/2004.
upphaf reglna

XVIII. kafli

Raunvísindadeild

Kaflinn er að efni mjög lítið breyttur frá XVII. kafla eldri reglugerðar nr. 98/1993. Nokkrar orðalagsbreytingar og endurskipan efnisatriða. Ákvæði um stjórnun deildar í 117. gr. eldri reglugerðar hafa verið felld burt þar sem þau eru nú í sameiginlegum reglum háskólans. Þá hefur tölvunarfræðiskor verið felld burt, sbr. 1. mgr. 118. gr. eldri reglugerðar, og færð yfir í verkfræðideild, sbr. 107. gr. þessara reglna. Er það í samræmi við einróma samþykkt háskólaráðs 7. mars 2000 um flutning tölvunarfræðiskorar úr raunvísindadeild yfir í verkfræðideild. Báðar deildirnar og skorin höfðu áður samþykkt flutninginn.

117. gr. Kennslugreinar og skorir

Raunvísindadeild veitir kennslu og þjálfun í raunvísindum sem hér segir:

[Til M.Paed.-prófs í fræðigreinum deildarinnar. Prófgráðan M.Paed er veitt fyrir 45 eininga nám og skulu 30 einingar teknar í raunvísindadeild og 15 einingar í félagsvísindadeild, samkvæmt nánari reglum sem raunvísindadeild setur og háskólaráð staðfestir.]²

Deildin skiptist eftir fræðigreinum í eftirtaldar skorir: Stærðfræðiskor, eðlisfræðiskor, efnafræðiskor, [matvæla- og næringarfræðiskor,]³ líffræðiskor, [jarðvísindaskor og land- og ferðamálafræðiskor.]⁴ Kennslugreinar deildarinnar skiptast milli skora eftir ákvörðun deildarfundar. Hver skor fer í umboði deildarfundar með málefni kennslugreina sinna, ákveður námsefni og tilhögun kennslu og prófa, ákveður skiptingu kennslu milli einstakra kennara í skor og gerir tillögur til deildarforseta um ráðningu stundakennara, svo og um nauðsynlegar fjárveitingar og ný störf, sbr. ákvæði II. kafla þessara reglna.

¹Breytt með 9. gr. rgl. nr. 362/2004.
²Breytt með 2. gr. rgl. nr. 505/2002.
³Breytt með 7. gr. rgl. nr. 532/2005.
⁴Breytt með 29. gr. rgl. nr. 338/2007.

upphaf reglna

[117. gr. a. M.Paed.-nám

Raunvísindadeild skipuleggur nám til M.Paed.-prófs í kennslugreinum innan deildarinnar, sbr. 6. mgr. 117. gr. Náminu er ætlað að veita undirbúning fyrir kennslu í þessum greinum í framhaldsskólum og leiða til kennsluréttinda á því skólastigi.

Við inntöku í nám til meistaraprófs fyrir kennara samkvæmt þessum reglum, er að jafnaði krafist B.S.-prófs í viðkomandi grein eða skyldum greinum. Nemendur með annan undirbúning geta einnig sótt um aðgang að náminu ef skorin telur undirbúning nægilegan og fellst á námsáætlun.]¹

¹Breytt með 8. gr. rgl. nr. 532/2005.

upphaf reglna

118. gr. Inntökuskilyrði og námsáætlun

[Til viðbótar stúdentsprófi gerir raunvísindadeild kröfur um að stúdentsprófið innihaldi að lágmarki eftirfarandi fjölda eininga í einstökum greinum: stærðfræði 21 eining og raungreinar samtals 30 einingar, þar af a.m.k. 6 einingar í eðlisfræði, 6 einingar í efnafræði og 6 einingar í líffræði. Þó er öllum sem lokið hafa stúdentsprófi heimil innritun í nám til B.S.-prófs í land­fræði og ferðamálafræðum.

Skorti 8 einingar eða minna á að lágmarkskröfum 1. mgr. sé fullnægt getur raunvísindadeild engu að síður heimilað nemanda að innritast í nám við deildina en henni er þá heimilt að setja skilyrði um að nemandinn ljúki námi í tilteknum greinum sem á vantar sem fyrst eftir innritun í raunvísindadeild eða samhliða námi sínu í deildinni.

[Próf frá frumgreinasviði Háskólans í Reykjavík (áður raungreinadeildarpróf frá Tækni­háskóla Íslands), nægir til inngöngu í raunvísindadeild til jafns við stúdentspróf, enda sé fullnægt skilyrðum um lágmarkskröfur í einstökum greinum, samanber 1. og 2. mgr. hér á undan. Hið sama á við um lokapróf frá frumgreinadeild Keilis.]²

Allir sem lokið hafa þriggja ára háskólanámi til fyrstu háskólagráðu í hvaða grein sem er uppfylla skilyrði til að innritast í raunvísindadeild.

Deildarráði er heimilt að setja nánari ákvæði um útfærslu á 1. til 3. mgr. og skulu þau þá birt í kafla deildarinnar í kennsluskrá.]¹

Stúdent skráir sig í aðalgrein við upphaf náms. Óski stúdent frávika frá námsskipan þeirri sem gert er ráð fyrir í kennsluskrá skal hann leggja námsáætlun sína fyrir hlutaðeigandi skor til samþykktar. Sama gildir ef hann óskar breytinga á upphaflegri námsáætlun.

Deildinni er heimilt að ákveða að stúdent megi ekki skrá sig í námskeið nema hann hafi áður öðlast rétt til próftöku eða staðist próf í tilteknum námskeiðum.

Halda má æfinganámskeið utan reglulegs kennslutíma.

¹Breytt með 3. gr. rgl. nr. 1057/2004.
²Breytt með 4. gr. rgl. nr. 418/2008.
upphaf reglna

119. gr. Námsframvinda, tímamörk og einkunnir

Stúdent skal ljúka prófi í öllum námskeiðum fyrsta kennsluárs fyrir lok annars námsárs síns og í öllum námskeiðum annars kennsluárs fyrir lok þriðja námsárs, ella glatar hann rétti til þess að halda náminu áfram.

1Breytt með 10. gr. rgl. nr. 362/2004.

upphaf reglna

120. gr. Endurtekning prófa

Stúdent, sem ekki hlýtur tilskilda lágmarkseinkunn fyrir próf í lok námskeiðs, má endurtaka prófið samkvæmt nánari reglum, sem deildin setur. Við endurtekningu skal þreyta próf eins og það er haldið fyrir aðra stúdenta hverju sinni, nema viðkomandi skor ákveði annað.

Við einkunnagjöf má taka tillit til frammistöðu stúdents í prófum og æfingum utan reglulegs próftíma og veita fyrir hana sérstaka einkunn, hlutaeinkunn. Hver skor ákveður að tillögu kennara vægi hlutaeinkunnar og skal það tilgreint í kennsluskrá. Við birtingu einkunna skulu prófseinkunn og hlutaeinkunn einnig sýndar hvor um sig. Í prófgrein, þar sem hlutaeinkunn er gefin, er skor heimilt að tillögu kennara, að áskilja fyrir hvora einkunnina sem er, að stúdent teljist ekki hafa staðist próf ef hún er lægri en lágmarkseinkunn prófgreinarinnar í heild. Slík ákvörðun skal tilgreind í kennsluskrá.
upphaf reglna

XIX. kafli

Lyfjafræðideild

Kaflinn er í grunni byggður á B-hluta X. kafla eldri reglugerðar, greinum 75- 78, en endursaminn með hliðsjón af því að lyfjafræðin verður nú sérstök háskóladeild. Fjallað er sérstaklega um þá skipan í inngangi þessarar greinargerðar og í inngangskafla skýringa við II. hluta. Að öðru leyti er vísað til úttektar sem fram fór á kennslu og rannsóknum í hjúkrunarfræði og lyfjafræði við Háskóla Íslands í mars 2000.

121. gr. Kennslugreinar

Lyfjafræðideild veitir kennslu sem hér segir:

Auk kennslu stendur deildin fyrir rannsóknum á fræðasviðum deildarinnar.

¹Breytt með 31. gr. rgl. nr. 338/2007.

upphaf reglna

122. gr. Nám í lyfjafræðideild

Deildin ákvarðar kennslugreinar og skiptingu þeirra í námskeið og um vægi þeirra.

¹Breytt með 10. gr. rgl. nr. 532/2005.

upphaf reglna

123. gr. Námsframvinda, námsmat og inntaka stúdenta

[Þeir sem lokið hafa stúdentsprófi af bóknámsbraut í íslenskum skóla, sem hefur heimild til þess að brautskrá stúdenta, geta hafið nám í lyfjafræði.]¹

¹Breytt með 11. gr. rgl. nr. 532/2005.
²Breytt með 32. gr. rgl. nr. 338/2007.

upphaf reglna

124. gr. Lokapróf

[Í lyfjafræðideild er veitt kennsla til B.S.-prófs í lyfjafræði. Deildin setur nánari reglur um námsskipan í B.S.-námi.

¹Breytt með 12. gr. rgl. nr. 532/2005.
²Breytt með 33. gr. rgl. nr. 338/2007.

upphaf reglna

125. gr. Starfsþjálfun

[Um starfsþjálfun stúdenta í meistaranámi í lyfjafræði fer eftir reglum sem deildin setur.

¹Breytt með 13. gr. rgl. nr. 532/2005.

upphaf reglna

XX. kafli

Hjúkrunarfræðideild

Kaflinn er í grunni byggður á C-hluta X. kafla eldri reglugerðar, greinum 79- 82, en endursaminn með hliðsjón af því að hjúkrunarfræðin verður nú sérstök háskóladeild. Fjallað er sérstaklega um þá skipan í inngangi þessarar greinargerðar og í inngangskafla skýringa við II. hluta. Að öðru leyti er vísað til úttektar sem fram fór á kennslu og rannsóknum í hjúkrunarfræði og lyfjafræði við Háskóla Íslands í mars 2000.

126. gr. Kennslugreinar

[Hjúkrunarfræðideild veitir kennslu sem hér segir:

1. Til B.S.-prófs í hjúkrunarfræði.
   Almennt grunnnám í hjúkrunarfræði er fjögur námsár, samtals 120 einingar, og lýkur með B.S.-prófi. Hámarksnámstími er 6 ár. Deildinni er heimilt að bjóða hjúkrunarfræðingum sérskipulagt grunnnám til B.S.-prófs.
2. Til kandídatsprófs í ljósmóðurfræði (cand.obst.).
   Ljósmóðurfræði er 60 eininga nám að loknu B.S.-prófi í hjúkrunarfræði.
3. Til diplomaprófs á meistarastigi í hjúkrunarfræði.
   Diplomanám á meistarastigi í hjúkrunarfræði er 20 til 30 eininga nám að loknu B.S.-prófi í hjúkrunarfræði eða öðru sambærilegu háskólaprófi. Deildin setur nánari reglur um diplomanám á meistarastigi sem háskólaráð staðfestir.
4. Til meistaraprófs í hjúkrunarfræði á fræðasviðum þar sem nauðsynleg aðstaða er fyrir hendi.
   Meistaranám í hjúkrunarfræði er 60 eininga nám og telst ársnám 30 einingar. Deildin setur nánari reglur um nám til meistaraprófs sem háskólaráð staðfestir.
5. [Til doktorsprófs í hjúkrunar- og ljósmóðurfræði á fræðasviðum þar sem nauðsynleg aðstaða er fyrir hendi. Doktorsnám í hjúkrunarfræðideild er 90 eininga rannsóknatengt nám að loknu meistaraprófi og þar skulu námskeið vera a.m.k. 30 einingar. Deildin setur nánari reglur um nám til doktorsprófs sem háskólaráð staðfestir.]²

Deildinni er heimilt að bjóða hjúkrunarfræðingum viðbótarnám og nám til endurmenntunar.

¹Breytt með 11. gr. rgl. nr. 362/2004.
²Breytt með 14. gr. rgl. nr. 276/2006.

upphaf reglna

127. gr. Námsframvinda, námsmat, einkunnir og hámarksnámstími

Til þess að flytjast milli námsára í almennu grunnnámi í hjúkrunarfræði má stúdent eiga eftir eitt próf hið mesta úr námsefni næsta námsárs á undan og ekki próf frá fyrri námsárum. Deildin getur veitt undanþágu frá þessum reglum, ef sérstaklega stendur á.

¹Breytt með 9. gr. rgl. nr. 347/2008.
²Breytt með 2. gr. rgl. nr. 1026/2003.

upphaf reglna

128. gr. Ljósmóðurfræði

Nám í ljósmóðurfræði er 18 mánaða bóklegt nám og starfsþjálfun fyrir hjúkrunarfræðinga. Hámarksnámstími er 3 ár. Deildinni er heimilt að veita undanþágu frá þessum tímamörkum þegar sérstaklega stendur á. Ekki er hægt að stunda nám í ljósmóðurfræði sem hlutanám. Lágmarkseinkunn er 6,0 í öllum þáttum námsmats í hverju námskeiði. Hvert námskeið er nauðsynleg undirstaða þess næsta. Deildin setur nánari reglur um námið.

Innritun í ljósmóðurfræði er miðuð við tiltekinn stúdentafjölda á hverju ári, samkvæmt ákvörðun háskólaráðs, að fengnum rökstuddum tillögum deildar. Verði umsækjendur fleiri en nemur þeim fjölda sem háskólaráð ákvarðar fjallar námsnefnd í ljósmóðurfræði um umsóknirnar og tekur ákvörðun um val stúdenta, samkvæmt nánari reglum sem deildin setur og birtar skulu í kennsluskrá.
upphaf reglna

XXI. kafli
[Birting reglna, ákvæði um breytingar og gildistaka]¹

Efni kaflans skýrir sig að mestu sjálft.

¹Breytt með 2. gr. rgl. nr. 718/2001.

129. gr. [Setning reglna og breytingar á þeim]²

Reglur þessar eru settar á grundvelli laga um Háskóla Íslands nr. 41/1999.

²Breytt með 2. gr. rgl. nr. 718/2001.

Ákvæði um útgáfu handbókar í 3. mgr. 129. gr., sem hefur að geyma ákvæði laga og reglna sem á hverjum tíma eru í gildi fyrir Háskóla Íslands, er samhljóða 2. mgr. 20. gr. laganna um háskólann. Óvíst er hvort útgáfu verður háttað eins og verið hefur eða reglurnar verði einungis gefnar út á rafrænu formi.
upphaf reglna

130. gr. Gildistaka

Reglur þessar öðlast þegar gildi og falla þá jafnframt úr gildi eftirtaldar reglugerðir og auglýsing sem varða Háskóla Íslands og stofnanir sem heyra undir háskóladeildir, sbr. 4. mgr. ákvæðis til bráðabirgða í lögum um Háskóla Íslands nr. 41/1999, II. kafla þessara reglna og einnig 7. mgr. ákvæðis til bráðabirgða í reglum þessum, en reglugerðir um stofnanir halda gildi sínu að svo miklu leyti sem þær eru samrýmanlegar ákvæðum laga nr. 41/1999 þar til háskólaráð hefur sett nýjar reglur um starfsemi þeirra í samræmi við ákvæði 27. gr. reglna þessara.

Greinin skýrir sig sjálf. Gert er ráð fyrir að reglurnar taki strax gildi. Þó er áréttað að í 4. mgr. ákvæðis til bráðabirgða í lögum um Háskóla Íslands nr. 41/1999 er gert ráð fyrir því að reglugerðir háskólastofnana sem voru í gildi við gildistöku laganna og settar voru með stoð í eldri lögum skuli gilda uns háskólaráð hefur sett nýjar reglur samkvæmt ákvæðum laganna. Háskólaráð mun setja nýjar reglur fyrir þessar stofnanir hverja um sig og koma þær í stað reglugerða um þær. Skal þeirri vinnu lokið innan eins árs frá gildistöku þessara reglna fyrir háskólann, samkvæmt 7. mgr. ákvæðis til bráðabirgða. Fram til þess tíma er endurskoðun reglna einstakra stofnana er lokið gilda reglugerðir þessara stofnana að svo miklu leyti sem þær eru í samræmi við lög um Háskóla Íslands og 27. gr. þessara reglna. Eðli máls samkvæmt er og verður fullt samráð haft við stofnanir og deildir um þá endurskoðun. Stofnunum háskólans var sent bréf, dagsett 28. júní 1999, þar sem óskað var athugasemda við gildandi reglur og gefinn frestur til 1. október 1999 að skila athugasemdum. Sjá einnig skýringar við 27. gr.
upphaf reglna

Ákvæði til bráðabirgða

Starfandi háskólaráð sem kosið var vorið 1999, samkvæmt bráðabirgðareglum samþykktum af háskólaráði 8. apríl 1999, sbr. 2. mgr. bráðabirgðaákvæðis laga um Háskóla Íslands nr. 41/1999, situr til loka háskólaársins 1999-2000. Háskólaráð sem kosið var fyrsta sinni samkvæmt reglum þessum í febrúar 2000, tekur til starfa 5. september árið 2000 og situr til 30. júní árið 2002. Eftir það gilda ákvæði 2. töluliðar 3. gr. þessara reglna um upphaf og lok kjörtímabils.

[Þrátt fyrir ákvæði 3. mgr. 127. gr. reglna þessara er hjúkrunarfræðideild heimilt að víkja frá reglum um val stúdenta til náms í hjúkrunarfræði og ákveða að réttur þeirra stúdenta, sem innrituðu sig til náms á 1. námsári við deildina á haustmisseri 2001, til áframhaldandi náms við deildina ráðist ekki af niðurstöðu samkeppnisprófa í desember 2001. Reglur um val stúdenta til náms í hjúkrunarfræði skulu endurskoðaðar og skal þeirri endurskoðun lokið fyrir 1. júní 2002.]⁴

[Ákvæði 119. gr. reglna þessara um að lágmarkseinkunn í raunvísindadeild skuli vera 5,0 (sbr. og 10. gr. reglna nr. 362/2004) gilda frá og með haustmisseri 2004 fyrir þá stúdenta sem skrá sig nýskrásetningu háskólaárið 2004 – 2005 eða síðar. Fyrir þá stúdenta sem skráðir voru til náms við deildina háskólaárið 2003 – 2004 gildir áfram lágmarkseinkunnin 4,0 í hverri prófgrein og lágmarksmeðaleinkunnin 5,50 í hverjum prófflokki, þ.e. tveimur misserisprófum sama kennsluárs. Heimilt er raunvísindadeild að fallast á beiðni stúdents um að nýrri reglur gildi um nám hans.]⁷

[Breytt skipan lyfjafræðináms skv. XIX. kafla reglna þessara tekur gildi við upphaf haustmisseris 2005 og verður ákvæðum 121. - 125. gr. beitt um stúdenta sem innrita sig til grunnnáms við lyfjafræðideild háskólaárið 2005-2006 og síðar. Eldri reglur gilda um stúdenta sem fyrr hafa innritast en kennsla fer þó ekki fram í einstökum greinum að hætti eldri reglna lengur en sem nemur reglulegri framvindu náms.]⁹

[Breytingar á hlut heimspekilegra forspjallsvísinda í námsskipan hugvísindadeildar skv. XIV. kafla reglna þessara taka gildi við upphaf haustmisseris 2006 og verður ákvæðum 101. og 103. gr. beitt um nám stúdenta sem innritast við deildina háskólaárið 2006-2007 og síðar. Eldri reglur gilda um nám sem stúdentar við deildina hafa skráð sig til með árlegri skráningu 2006 eða fyrr. Heimilt er hugvísindadeild að fallast á beiðni stúdents um að nýrri reglur gildi um nám hans.]¹¹

Ákvæðin þarfnast ekki mikilla skýringa. Fyrstu þrjár málsgreinar eru nauðsynlegar til að kveða á um skil eldri og nýrri reglna um stjórnunarstörf innan háskólans. Ákveðið var að hafa bráðabirgðaákvæði, þess efnis að ákvæði eldri reglugerðar tímamörk um framgang giltu í skamman tíma, þar sem ekki hafði unnist tími til að ganga endanlega frá nýjum framgangsreglum. Samkvæmt þessu kemur nýtt grunnmat ekki til skoðunar við mat á framgangsumsóknum fyrr en nýjar reglur hafa verið settar. Að öðru leyti vísast til 39. gr. um málsmeðferð við framgang. Bráðabirgðaákvæðið um lagadeild kemur til vegna upptöku deildarinnar á einingakerfi. Ítarlegustu ákvæðin eru um gerð tillögu um veitingu starfs, en nauðsynlegt þótti að hafa ákvæði þess efnis, þar til settar hafa verið sérreglur hverrar deildar. Vísast að öðru leyti til skýringa við III. kafla reglna þessara, þar sem greint er frá því hvaða deildir hafi sett sér slíkar sérreglur. Varðandi ákvæði um reglugerðir stofnana var menntamálaráðuneyti tilkynnt, með bréfi dags. 5. desember 2003, að endurskoðun á reglum háskólastofnana væri lokið.
upphaf reglna