Móttaka nýnema í grunnnámi við Menntavísindasvið fer fram 22. ágúst. Nýnemar mæta í fyrirlestrarsal Menntavísindasviðs, Skriðu, kl. 8.30 um morguninn þar sem rektor og forseti Menntavísindasviðs flytja stutt ávörp. Sérstök nýnemadagskrá er í gangi til hádegis. Markmiðið með móttökunni er að nýnemar kynnist sviðinu og þeirri þjónustu sem er í boði.

Móttaka nýnema í íþrótta- og heilsufræði fer fram á Laugarvatni sama dag, 22. ágúst, í K-sal í skólahúsi.

Mikilvægt er að nýnemar mæti í móttökuna þar sem þeir fá leiðsögn um húsnæði sviðsins, kennslu í ýmsum tæknilegum málum, fræðslu um bókasafnið og hitta fulltrúa Stúdentaráðs. Nemendur fá einnig gott tækifæri til að kynnast samnemendum sínum.