Matvæla- og næringarfræði er sjálfstæð deild innan Heilbrigðisvísindasviðs Háskóla Íslands frá og með 1. júlí 2008. Deildin leitast við að vera í fremstu röð með vönduðum rannsóknum og kennslu sem stenst samanburð á alþjóðlegum vettvangi. Matvæla- og næringarfræðideild er nú ein öflugasta eining Háskólans í rannsóknavirkni á hvert stöðugildi kennara.

Nám í matvælafræði byggir á sterkum grunni raunvísinda, verk- og tæknifræði og veitir innsýn m.a. í heilbrigðisvísindagreinar.

Nám í næringarfræði byggir á sterkum grunni raun-, líf- og heilbrigðisvísinda, og gefur innsýn m.a. í félagsvísindi og upplýsingatækni.

Boðið er upp á þriggja ára, 180 eininga grunnnám til BS gráðu í matvælafræði og í næringarfræði.

Hluti grunnnáms í næringarfræði til BS prófs í greininni er sameiginlegur með öðrum deildum á heilbrigðisvísindasviði sem og verkfræði- og náttúruvísindasviði. Þetta eykur sveigjanleika nemenda í námi þeirra við Háskóla Íslands

• Upplýsingar um grunnnám  (úr kennsluskrá)

MS-námið er 120 einingar með rannsóknarverkefni unnið undir handleiðslu og í samstarfi við kennara og samstarfsfólk innanlands og utan. Doktorsnám felur í sér 180 eininga vísindaleg og tæknileg rannsóknarverkefni sem leiða til nýrrar þekkingar og nýsköpunar. Öllum nemendum í rannsóknar- og framhaldsnámi stendur til boða að taka hluta af námi sínu erlendis í samvinnu við leiðbeinendur. 

• Uppýsingar um framhaldsnám  (úr kennsluskrá)