Nám í lyfjafræði

Lyfjafræði er fræðigrein sem fjallar um lyf frá öllum hugsanlegum sjónarhornum, allt frá þróun nýrra lyfjaefna og lyfjaforma, að framleiðslu, notkun og verkun lyfjanna. Nám í lyfjafræði er fjölbreytt, samsett af bóklegri og verklegri kennslu í hinum ýmsu greinum líf- og raunvísinda, auk félagsvísindagreina.

Kennsla fer fram með fyrirlestrum og verklegum æfingum, einstaklingsbundnum æfingum og hópæfingum, dæmatímum og umræðutímum, lögð áherslu á kennsluhætti sem stuðla að því að virkja sjálfstæði og frumkvæði nemenda.

Námsleiðir í boði:

Grunnnám

• Lyfjafræði

Meistaranám

• Lyfjafræði
• Lyfjavísindi

Doktorsnám

• Lyfjafræði
• Lyfjavísindi

Þverfræðilegt nám

• Lýðheilsuvísindi, meistara- og doktorsnám - sjá upplýsingar á vef námsins.