Læknadeild á í margskonar samstarfi við ýmsa aðila, bæði innanlands og erlendis. Tengsl við atvinnulífið eru góð og Læknadeild er í farsælu samstarfi við fjölmörg fyrirtæki og stofnanir. Öflug samvinna er atvinnulífinu ekki síður mikilvæg en skólanum þar sem Háskóli Íslands hefur verið driffjöður íslensks atvinnulífs og gegnir enn lykilhlutverki í því að gera Ísland samkeppnishæft á alþjóðavettvangi.

Öflugt alþjóðlegt samstarf
Háskóli Íslands starfar í alþjóðlegu umhverfi og Læknadeild er í samstarf við fjölmarga erlenda háskóla og rannsóknastofnanir um rannsóknir, nemendaskipti, starfsmannaskipti og fleira. Öllum nemendum deildarinnar gefst kostur á að taka hluta af námi sínu við erlenda háskóla og fjöldi erlendra nema stundar nám við deildina ár hvert. Læknadeild leggur ríka áherslu á alþjóðleg samskipi í öllu starfi sínu og vinnur stöðugt að því að styrkja þau og efla.