Kæri nýnemi, velkominn í nám við Læknadeild Háskóla Íslands

Margt í boði
Á haustin eru haldnir nýnemadagar í Háskóla Íslands. Þá fara fram kynningar á þeirri þjónustu sem stendur stúdentum tið boða og ýmsir skemmtilegir viðburðir. Dagarnir eru haldnir til þess að bjóða nýnema velkomna og kynna þeim lífið og þjónustuna í Háskólanum. Dagskráin fer að mestu fram á Háskólatorgi og verður margt gagnlegt í boði. Þar má nefna gönguferð og kynningu á háskólasvæðinu, örfyrirlestra um námsráðgjöf og skiptinám, kynningu á þjónustu Félagsstofnunar stúdenta og margt fleira. Einnig verða helstu þjónustustofnanir með kynningarbása þar sem nemendur geta fengið svör við fjölmörgum spurningum.

Lífið í Háskólanum kynnt
Stúdentaleikhúsið og Háskólakórinn verða með uppákomur í hádegishléum og nemendafélögin og Stúdentaráð verða með kynningarbása þar sem félagslífið og starf Stúdentaráðs verður kynnt. 

Verið velkomin - verið með
Nýnemar, sem og aðrir stúdentar, eru hvattir til þess að taka virkan þátt í dagskrá nýnemadaganna.

Student.is

Á vefnum student.is má finna ýmsar gagnlegar upplýsingar um fyrstu skrefin og lífið í Háskólanum

• student.is