Kennsluskrá HÍ er leiðarljós nemenda á meðan á námi stendur og þýðingarmikið að nemendur kynni sér innihald hennar vel. Í kennsluskrá er m.a. að finna ítarlegar upplýsingar um námsleiðir og námskeið. Lykilupplýsingar um skólaárið, skráningu, próf og fleira. Kennsluskrá er gefin út árlega. Við val á námskeiðum fylgir nemandi að öðru jöfnu þeirri kennsluskrá sem í gildi var við innritun hans, út námstímann.

Náms- og starfsráðgjöf HÍ veitir ráðgjöf um vinnubrögð í háskólanámi, veitir persónulega og sálfræðilega ráðgjöf og heldur fjölda gagnlegra námskeiða fyrir nemendur, t.d. um námstækni, prófaundirbúning, markmiðssetningu og tímastjórnun.

Hrafnhildur V. Kjartansdóttir, náms- og starfsráðgjafi, er tengiliður við Læknadeild. Hún hefur starfsaðstöðu á Háskólatorgi, 3. hæð. Nemendur eru hvattir til að nýta sér þjónustu hennar. Hún er með opna viðtalstíma eftir hádegi á þriðjudögum, miðvikudögum og fimmtudögum. Nemendur geta einnig pantað tíma hjá henni í síma 525-4266 eða sent henni tölvupóst á netfangið hvk@hi.is.