Háskóli Íslands er leiðandi í rannsóknum á Íslandi. Við deildir Heilbrigðisvísindasviðs eru stundaðar rannsóknir á heimsmælikvarða og gerðar nýjar uppgvötanir sem leiða af sér nýja þekkingu sem bætir hag Íslendinga og eykur lífsgæði. Allmargar rannsóknastofnanir heyra undir deildir Heilbrigðisvísindasviðs, og er hlutverk þeirra meðal annars að halda utan um rannsóknir og ýmsa þjónustu við vísindamenn, sinna útgáfumálum og standa fyrir ráðstefnum og fyrirlestrum. Upplýsingar um fyrirlestra og ráðstefnur má finna áí viðburðadagatali á forsíðu og á aðalvef Háskóla Íslands.