Umsókn um grunnnám á Hugvísindasviði á vormisseri 2010
Dagana 9. til 30. nóvember 2009 verður tekið við umsóknum nýnema til grunnnáms í mörgum námsleiðum á Hugvísindasviði Háskóla Íslands, vegna náms sem hefst á vormisseri 2010. Einungis er hægt að sækja um rafrænt á þessu tímabili. Þær námsleiðir sem eru í boði koma fram á rafrænu umsóknarblaði. Eftirfarandi námsleiðir eru EKKI í boði á vormisseri 2010:
- Japanska
- Kínverska
- Listfræði
- Ritlist
- Rússneska
- Táknmálsfræði
- Hagnýt íslenska fyrir erlenda stúdenta
Umsóknarfrestur rennur út mánudaginn 30. nóvember 2009. Skila verður fylgigögnum til Þjónustuborðs á Háskólatorgi eins fljótt og auðið er.
RAFRÆN UMSÓKN - VORMISSERI 2010
Mikilvægt er að væntanlegir umsækjendur kynni sér vel upplýsingarnar hér fyrir neðan, áður en lengra er haldið.
Skila þarf staðfestu ljósriti úr framhaldsskóla (ljósriti sem er stimplað af skóla) af öllu stúdentsprófsskírteininu eins fljótt og hægt er. Framangreindur umsóknarfrestur gildir einnig um þá sem ljúka stúdentsprófi í desember 2009. Þeir þurfa að skila stúdentsprófsskírteini jafnskjótt og það liggur fyrir.
Nánari upplýsingar veitir Nemendaskrá HÍ sem er staðsett í Háskólatorgi, 3. hæð, s. 525 4309, netfang nemskra@hi.is.
10.11.2009 11:05
