Tveggja vikna þýskunámskeið í Tübingen
Deild erlendra tungumála á Hugvísindasviði vekur athygli á því að nemendur við Háskóla Íslands geta sótt um að komast á tveggja vikna námskeið í Tübingen í Þýskalandi í byrjun næsta árs. Þetta námskeið er opið nemendum úr öllum deildum skólans en gert er ráð fyrir að þátttakendur hafi lágmarkskunnáttu í málinu, t.d. stundað nám í þýsku í framhaldsskóla.
Nokkrar staðreyndir um námskeiðið:
Talfærninámskeið í Þýskalandi (ÞÝS 208G)
TÍMABIL: 31. janúar til 14. febrúar 2010
STAÐUR: Tübingen í Þýskalandi.
HVERJIR GETA SKRÁÐ SIG?:
Nemendur HÍ sem innrita sig í námskeiðið. Námskeiðið er ekki byrjendanámskeið, lágmarkskunnátta í þýsku er nauðsynleg.
Tungumál eru bónus í öllum störfum, Þýskaland er mikilvægasta viðskiptalaland Íslands.
Námskeiðið gefur 6 ECTS einingar og byggist á tveggja vikna námsferð til Tübingen í Þýskalandi.
Háskólinn í Tübingen skipuleggur námskeiðið í samvinnu við HÍ. Boðið er upp á kennslu í tungumálinu (ekki byrjendakennsla), kynnisferðir og Landeskunde af ýmsu tagi. Nemendur gista hjá fjölskyldum í borginni.
Nemendur greiða einungis flugfar til og frá Frankfurt og rútuferð til og frá Tübingen, auk hluta af uppihaldskostnaði. Das ist alles.
Þeir sem áhuga hafa á námskeiðinu eru hvattir til að afla sér nánari upplýsinga um ferðina hjá Oddnýju G. Sverrisdóttur, dósent í þýsku, oddny@hi.is, símar: 525 4717 og 899 6956.
Tübingen er sérlega falleg háskólaborg í Suður-Þýskalandi.
10.11.2009 14:51
