Ritið tileinkað Rómönsku Ameríku
Fyrsta hefti Ritsins 2009, rits Hugvísindastofnunar, er helgað Rómönsku Ameríku - fjölbreyttu mannlífi hennar og auðugri menningu. Í heftinu birtast ellefu greinar, þar af sex þemagreinar og þrjár utan þema. Einnig birtast tveir stuttir bókmenntatextar eftir mexíkóska höfunda.
Í Ritinu er m.a fjallað um kvikmyndagerð í Rómönsku Ameríku og þann einfaldaða veruleika sem endurspeglast í kvikmyndum samtímans. Rýnt er í hina margræðu skáldsögu mexíkóska rithöfundarins Carlosar Fuentes, Terra nostra. Flókinn heimur landamæra Mexíkó og Bandaríkjanna er eitt viðfangsefna og líf og verk nunnunnar Sor Juana Inés del la Cruz frá Nýja Spáni sem hélt uppi vörnum fyrir tjáningafrelsi kvenna á 17.öld. Fjallað er um hinn umdeilda og orðhvassa forseta Venesúela Hugo Chavez og stjórnarhættir hans settir í samhengi við arfleifð "sterka mannsins" í Rómönsku Ameríku. Síðasta þemagreinin er helguð Haítí og er saga eyjunnar rakin frá 1697 til 2004. Einnig eru í heftinu þrjár greinar utan þema og tveir stuttir, þýddir bókmenntatextar eftir mexíkóska höfunda.
Yfirlit greina:
Rómanska Ameríka - Ásdís R. Magnúsdóttir og Björn Þorsteinsson
Þema greinar
Speglun og spegilmyndir. Saga kvikmyndagerðar í Rómönsku Ameríku - Hólmfríður Garðarsdóttir
Lesið í Terra nostra eftir Carlos Fuentes - Jón Thoroddsen
Þið hlustið alrdei á okkur. Landamæri Mexíkó og Bandaríkjanna í bókmenntum Mexíkana og Chicanóa - Kristín Guðrún Jónsdóttir
Undir brúnni - Rosaria Sanmiguel (þýð. Kristín Guðrún Jónsdóttir)
Sor Juana svarar fyrir sig. Skáld, fræðikona og femínisti á 17.öld - Kristín I. Pálsdóttir
Hugo Chávez, hinn sterki maður - Stefán Á. Guðmundsson
Núllstilling á Haíti - Peter Hallward
Röðin - Luis Humberto Crosthwaite (þýð. Kristín Guðrún Jónsdóttir)
Aðrar greinar
Kynlífspíslir Bess í Breaking the Waves. Ævintýri á hvíta tjaldinu í anda H.C Andersen - Annette Lassen
Margkunnar konur og óborin börn. Úr kvenlegum reynsluheimi á miðöldum - Auður Ingvarsdóttir
Málfrelsi og dönsku Múhameðsteikningarnar - Róbert H. Haraldsson
2.11.2009 13:13
