Matvælatæknifræði - ný námsleið til BS-prófs
Mikilvægi matvælaframleiðslu og matvælaiðnaðar, sem byggir á eiginleikum og gæðum íslenskra afurða og fagmennsku á heimsmælikvarða hefur aukist á allra síðustu tímum. Á sama tíma hafa orðið miklar framfarir og þróun í framleiðslu tækja og hugbúnaðar fyrir matvælaiðnað og kröfur um hollustu og öryggi í matvælaiðnaði margfaldast. Af þessum sökum er aukin þörf fyrir fólk með breiða og hagnýta menntun, sem hefur vilja og getu til að takast á við nýsköpun og stjórnun í matvælavinnslu og skyldum greinum.
Til að svara þessari þörf býður Matvæla- og næringarfræðideild upp nám í matvælatæknifræði frá og með haustmisseri 2009. Um er að ræða þriggja ára nám, 180 einingar, til BS-prófs. Nám í matvælatæknifræði er hagnýt blanda raunvísinda, viðskiptafræði og verkfræði. Náið samstarf verður við Matís ohf og munu nemendur meðal annars vinna verkefni þar, sem og hjá matvælafyrirtækjum.
Upplýsingar um uppbyggingu námsins