Inngangsvika fyrir meistaranema í viðskiptafræðideild
Kæri meistaranemi
Kennsla í Meistaranámi í Viðskiptafræðideild HÍ hefst þann 24. ágúst með Inngangsviku.
Vegna mikils fjölda nemenda sem hefja meistaranám í haust hefur verið ákveðið að skipta nemendum í tvo hópa og verður hvor hópur í tvo daga.
Nemendur í Fjármálum fyrirtækja, Reikningshaldi og endurskoðun og Skattarétti og reikningsskilum mæta 24. og 25. ágúst. Nemendur í Mannauðsstjórnun, Markaðsfræði og alþjóðaviðskiptum, Stjórnun og stefnumótun og Viðskiptafræði mæta 26. og 27. ágúst.
Kennsla fer fram í Háskólatorgi-HT102, frá kl. 9:10 –17 báða dagana og lýkur á léttum nótum síðdegis þriðjudaginn 25. ágúst fyrir fyrri hópinn en fimmtudaginn 27. ágúst fyrir seinni hópinn.
Þátttaka í inngangsviku gildir eina einingu og er skylduþátttaka fyrir alla meistaranema sem teknir eru inn í meistaranámið haustið 2009. Þeir nemendur sem hafa ekki tök á að mæta verða í staðinn skila verkefni sem kynnt verður síðar.
Í inngangsviku verður fjölbreytt dagskrá, fyrirlestrar og verkefnavinna sem hugsað er sem undirbúningur í akademískum vinnubrögðum og ekki síður til að gefa nemendum tækifæri á því að kynnast hver öðrum sem og kennurum deildarinnar.
Nemendur eru beðnir um að senda nemendaskrá (nemskra@hi.is) beiðni um skráningu í námskeiðið, nafn og kennitala þarf að fylgja. Númer námskeiðsins er VIÐ142F Inngangsvika.
Námskeið fellur niður
Vakin er athygli á því að námskeiðið VIÐ136F Nýja hagkerfið verður ekki kennt í vetur en námskeiðið VIÐ109F Atvinnuvegir verður kennt og er mælt með því að nemendur taki það í staðin.
Með kveðju og bestu óskum um gott gengi í meistaranáminu.
3.7.2009 14:11
