Helgi Áss Grétarsson flytur erindi hjá FAO
Helgi Áss Grétarsson
Helgi Áss Grétarsson, sérfræðingur við Lagastofnun Háskóla Íslands og doktorsnemi við lagadeild Háskólans, heldur erindi í höfuðstöðvum Matvæla- og landbúnaðarstofnunar Sameinuðu þjóðanna (FAO) í Róm föstudaginn 5. mars næstkomandi. FAO hefur um langt skeið safnað saman upplýsingum um fiskveiðistjórn, bæði á meðal einstakra strandríkja innan efnahagslögsögu þeirra sem og á úthafinu. Erindi Helga mun fjalla um ýmis lagaleg álitaefni sem vaknað hafa við framkvæmd íslenska fiskveiðistjórnkerfisins. Tilgangurinn með þessu er m.a. sá að gefa starfsmönnum stofnunarinnar færi á að kynna sér betur íslensku leiðina og hvaða lagalegu spurningar geti vaknað ef sambærileg leið verði valin við fiskveiðistjórn annarra ríkja.
5.3.2010 09:32
