Hafréttarstofnun og Lagadeild semja um 6 milljón króna styrk

Lagadeild og Hafréttarstofnun Háskóla Íslands hafa skrifað undir samning um kostun starfs dósents í auðlindarétti með áherslu á auðlindir hafsins. Samningurinn tekur gildi þann 1. janúar 2010 og greiðir Hafréttarstofnun kr. 2 milljónir árlega til þriggja ára. Pétur Dam Leifsson LL.M. dósent við lagadeild gegnir stöðunni.

Markmið samningsins er að efla kennslu og rannsóknir í auðlindarétti, réttarsviði sem Lagadeild hefur lagt mikla áherslu á á undanförnum árum í samræmi við metnaðarfulla stefnu á þessu sviði. Lagadeild býður upp á sérstakt meistaranám við deildina, LL.M. nám í auðlindarétti og alþjóðlegum umhverfisrétti, ein lagadeilda á landinu og er kennsla í hafrétti hluti þeirrar námsbrautar.

Á myndinni eru frá vinstri: Pétur Dam Leifsson dósent, Eiríkur Tómasson prófessor og formaður stjórnar Hafréttarstofnunar, Ólafur Þ. Harðarson forseti Félagsvísindasviðs, Björg Thorarensen forseti lagadeildar og Tómas H. Heiðar forstöðumaður Hafréttarstofnunar. Að baki þeim sést brjóstmynd af dr. Hans G. Andersen sem var helsti  forystumaður Íslendinga í hafréttarmálum um árabil.

22.12.2009 10:18

Hlaut Nýsköpunarverðlaun...

Vilhjálmur Steingrímsson, læknanemi við Háskóla Íslands, hlaut í dag Nýsköpunarverðlaun forseta Íslands fyrir verkefnið „Áhættureiknir fyrir hjarta- og kransæðasjúkdóma hjá öldruðum“. Verðlaunin voru afhent við hátíðlega athöfn á Bessastöðum.

Nánar

Hagfræðitilraunir á...

Nám í hinum ólíku greinum félagsvísindanna verður kynnt á Háskólatorgi á Háskóladaginn sem fram fer laugardaginn 18. febrúar milli kl. 12 og 16.

Félagsvísindasvið Háskóla Íslands er stærsta fræðasvið skólans með hátt í fimm þúsund nemendur í sex deildum. Fulltrúar frá öllum deildum, þ.e...

Nánar

Rannsaka áhrif bólusetninga

Fyrirhugað er að rannsaka ýmsa þætti í faraldsfræði bakteríutegundarinnar pneumókokka á Íslandi og áhrif bólusetninga gegn þeim á heilsu manna, sýklalyfjaónæmi, kostnað og útbreiðslu bakteríunnar.  Rannsóknin á að standa í þrjú ár og kostnaður er áætlaður  nálægt einni milljón evra,...

Nánar

Kynna samstarf á...

Opinberu háskólarnir fjórir, Háskólinn á Akureyri, Háskóli Íslands, Hólaskóli - Háskólinn á Hólum og Landbúnaðarháskóli Íslands, kynna samstarf sitt og sameiginlegt námsframboð í Háskólabíói á Háskóladeginum sem fram fer laugardaginn 18. febrúar kl. 12-16.

Nánar