Hollvinafélag viðskipta- og hagfræðideildar

Hollvinafélag Viðskipta- og hagfræðideildar var stofnað þann 19. júní 2001 í Odda. Tilgangur félagsins er að aðstoða viðskipta- og hagfræðideild við að þjálfa fólk til forystustarfa í íslensku atvinnulífi með því meðal annars að efla kennslu og rannsóknir við deildina og auka og styrkja tengsl deildarinnar við fyrrum nemendur sína og aðra þá er bera hag hennar fyrir brjósti.

Árlega veita Hollvinafélag viðskiptafræðideildar og hagfræðideildar í samvinnu við viðskiptafræðideild Háskóla Íslands viðurkenningar til þeirra nemenda sem sýna framúrskarandi námsárangur í grunnnámi.

Hollvinir deildarinnar eru fjölmargir og þar á meðal eru öll stærstu fyrirtæki landsins.