Í náminu er lögð áhersla á að nemendur tileinki sér þekkingu á því sem máli skiptir við fjármál fyrirtækja og stofnana.
Nám til MS-prófs er 90 einingar hið minnsta, þar af 60 einingar í námskeiðum og ritgerð sem er að lágmarki 30 einingar. Fullt nám í þrjú misseri (miðað er við fullan námshraða og 30 eininga ritgerð).

Markmið
Markmiðið með MS námi í fjármálum er að undirbúa nemendur undir störf og rannsóknir á sviði fjármálastjórnunar, fjármálaráðgjafar og markaðsviðskipta og ýmissar sérfræðivinnu á sviði fjármála í fyrirtækjum og fjármálastofnunum.

Atvinnumöguleikar
Gert er ráð fyrir að nemendur hafi góða undirstöðu í fjármálum og geti að námi loknu fengist við flókin viðfangsefni á sviði fjármála. Námið nýtist því víða í atvinnulífinu en býr nemendur sérstaklega undir störf sem lúta að fjármálastjórn og sérfræðivinnu á fjármálasviðum fyrirtækja og stofnana eða til ýmissa starfa í fjármálafyrirtækjum eins og bönkum, sparisjóðum, verðbréfafyrirtækjum, tryggingafélögum og lífeyrissjóðum.

Inntökuskilyrði
BA- eða BS-próf í viðskiptafræði eða annað sambærilegt háskólapróf, svo sem próf í hagfræði er skilyrði fyrir því að komast í MS í fjármálum fyrirtækja. Nemendur með BA- eða BS-próf í öðrum greinum eða sambærilegt próf geta sótt um ákveðið undirbúningsnám og fengið inngöngu í MS námið að því loknu.

Miðað er við að nemendur hafi hlotið 1. einkunn (7,25), þegar þeir sækja um meistaranám.

Stundatöflur

Félagslíf

Upplýsingar um námið í kennsluskrá

Hafa samband
Umsjón: Gylfi Magnússon, dósent (gylfimag@hi.is)

Umsókn í framhaldsnám