Kennarar deildarinnar stunda rannsóknir á fjölbreyttum sviðum og í nánu samstarfi við vettvang. Áhersla er lögð á rannsóknir á íslensku samfélagi með alþjóðlegri skírskotun.

Ólík rannsóknarsvið kennara endurspegla fjölbreytileika greinarinnar en meðal þeirra má nefna:

• Barnavernd
• Fagþróun í félagsráðgjöf
• Fjölskyldu- og félagsmálastefna
• Fæðingarorlof og umönnun barna
• Málefni barna og fjölskyldna, m.a. fjölskyldutengsl, skilnaðir, fátækt barna
• Hagir aldraðra og öldrunarmál
• Handleiðsla
• Ofbeldi
• Notendasamráð
• Langtímaatvinnuleysi og endurhæfing
• Sjálfboðaliðar og frjáls félagasamtök
• Stjórnun og skipulag félags- og heilbrigðisþjónustu

Til að bæta aðgengi að fræðimönnum sviðsins er hægt að leita eftir fræðimönnum eftir rannsóknarsviðum:

• Sérfræðingar Félagsvísindasviðs

Félagsráðgjafardeild er aðili að Ís-Forsa, sem er félag um rannsóknir á sviði félagsráðgjafar.

Campbell Collaboration á Norðurlöndum, NC2 er miðstöð um gæðamat á rannsóknum í félagsráðgjöf, félagslegum úrræðum og stefnumörkun. Fulltrúi Íslands er Sigríður Jónsdóttir, skrifstofustjóri skrifstofu sviðsstjóra Velferðarsviðs Reykjavíkurborgar.

Rannsóknastofnanir sem Félagsráðgjafardeild er aðili að:

• Rannsóknastofnun í barna- og fjölskylduvernd (RBF)
• Fræðasetur þriðja geirans
• Þjóðmálastofnun
• Félagsvísindastofnun