Á Hugvísindasviði er starfrækt skrifstofa með stoðþjónustukjarna undir stjórn forseta fræðasviðsins. Á skrifstofunni starfa, auk forseta, rekstrarstjóri sem annast fjármálastjórn fræðasviðsins og daglega stjórnun skrifstofunnar, kennslustjóri, kynningar- og vefstjóri, alþjóðafulltrúi, verkefnastjóri Hugvísindastofnunar, verkefnastjórar einstakra deilda sviðsins, verkefnastjóri móttöku- og samskiptamála og verkefnastjóri sem sér um húsnæðisbókanir, stundatöflur og brautskárningu.

Skrifstofan sinnir ýmsum verkefnum fyrir fræðasviðið, deildir þess og stofnanir, sinnir allri almennri þjónustu við nemendur og kennara og annast einnig ýmis sérhæfð mál.

Meðal verkefna skrifstofu fræðasviðs eru:

Kennslumál
Kennsluskrárgerð, námsráðgjöf, stundaskrárgerð og bókun kennsluhúsnæðis, móttaka nýnema, afgreiðsla erinda nemenda o.fl. 

Þjónusta við rannsóknir kennara 
Aðstoð við gerð umsókna til sjóða, utanumhald um rannsóknareikninga, aðstoð við gerð árlegrar rannsóknaskýrslu o.fl.

Starfsmannamál 
Gerð starfslýsinga, framkvæmd starfsmannastefnu og umsjón með eftirfylgni með starfsmannasamtölum, móttaka nýrra starfsmanna o.fl.

Markaðs- og kynningarmál
Umsjón með kynningarefni, vefmálum, hollvinastarfi o.fl.

Alþjóðamál 
Málefni erlendra nemenda og starfsmanna o.fl. 

Umsjón með upplýsingatæknimálum 
Tölvuþjónusta, staðtölur, skjalastjórnun 

Tæknileg aðstoð og tækjakaup 

Almenn þjónusta

Síða uppfærð / breytt 7. ágúst 2009