Skip to main content

Kynjafræði

Kynjafræði

60 einingar - Aukagrein gráða

. . .

Kynjafræðin er mjög þverfræðileg og einnig í hæsta máta hagnýt grein. Kynjafræði snýst um margbreytileika mannlífsins. Nánast allt í veröldinni hefur kynjafræðilegar hliðar og fátt er kynjafræðinni óviðkomandi. Kyn er grundvallarstærð í tilverunni og eitt af því sem skapar margbreytileika mannlífsins rétt eins og kynhneigð, þjóðernisuppruni, aldur, stétt, fötlun og fleiri félagslegir áhrifaþættir. 

Námið

Kynjafræði er kennd sem 60 eininga aukagrein og er mjög fjölbreytt. Skyldunámskeið eru 32 einingar og valnámskeið 28 einingar sem þýðir að nemendur hafa val um mikinn fjölda námskeiða í öðrum greinum.

Inntökuskilyrði

Grunnnám

Mynd að ofan 
Texti vinstra megin 

Að námi loknu

Kynjafræðin er mjög þverfræðileg og einnig í hæsta máta hagnýt grein. Eitt hlutverka hennar er að renna stoðum undir jafnréttisstarf í landinu og mæta þeim kröfum sem hið opinbera regluverk setur okkar. Til þess að jafnréttislög verði ekki dauður lagabókstafur þarf ekki einungis að hleypa lífi í umræðuna heldur einnig að ræða málin af þekkingu. Það gildir um þessa þekkingu eins og aðra, hún er sjaldnast meðfædd og þess vegna þarf markvissa jafnréttisfræðslu. Slík fræðsla er lögboðin á öllum skólastigum, hún er nauðsynleg fyrir fjölmargar stéttir í samfélaginu, auk þess að vera gagnleg og skemmtileg fyrir alla sem vilja vinna að réttlæti, jafnrétti og lýðræðislegri þátttöku allra.

Texti hægra megin 

Dæmi um starfsvettvang:

Nám í kynjafræði veitir marga möguleika. Fólk með jafnréttis- og kynjafræðimenntun hefur starfað við kennslu og fræðslustörf, fjölmiðla- og upplýsingastörf, verkefna- og starfsmannastjórnun, hjá hagsmunasamtökum og frjálsum félagasamtökum að ógleymdum störfum jafnréttisráðgjafar.

Félagslíf

Félag nemenda í kynjafræði nefnist Kynvera.

Hafðu samband

Umsjón með náminu hafa Þorgerður Einarsdóttir (einarsd@hi.is), prófessor í kynjafræði, og Gyða Margrét Pétursdóttir (gydap@hi.is), lektor í kynjafræði.

Skrifstofa Stjórnmálafræðideildar

Gimli v/ Sæmundargötu

Sími 525-4573 / 525-5445

Netfang: stjornmal@hi.is