Býr í þér leiðtogi? Langar þig að starfa sem stjórnandi í hjúkrun? Viltu öðlast klíníska sérhæfingu í hjúkrun? Viltu auka færni þína í rannsóknastörfum og vísindalegum vinnubrögðum?
Hjúkrunarfræðideild býður upp á fjölbreytt meistaranám sem opnar nýja möguleika fyrir hjúkrunarfræðinga, hvort sem ætlunin er að starfa sem klínískur sérfræðingur, stjórnandi, vísindamaður, kennari eða leiðtogi.
Meistaranám í boði:
Fjarnám og staðkennslulotur
Meistaranámið er skipulagt sem blandað nám með allt að tveimur staðkennslulotum á misseri og fjarkennslu þess á milli.
Í sumum tilvikum verður um stað- og fjarnám að ræða samtímis í fjarkennsluvikum. Að jafnaði er kennt aðra hvora viku og er gert ráð fyrir rauntímafjarkennslu en nemendum er bent á að kynna sér vel kennslutilhögun hvers námskeiðs.
Skyldumæting er í staðkennslulotur.
Námskeið sem kennd eru í öðrum deildum eru að öllum líkindum kennd með öðrum hætti og er það á ábyrgð nemenda að kynna sér tilhögun þeirra.