Um Námsbraut í sjúkraþjálfun

Sjúkraþjálfun er fimm ára nám og skiptist í þriggja ára BS-nám (180e) í sjúkraþjálfunarfræði og tveggja ára MS-nám (120e) í sjúkraþjálfun. Námið uppfyllir skilyrði íslenskra laga um rétt fólks til að starfa sem sjúkraþjálfarar.

• BS-nám í sjúkraþjálfunarfræði
• MS-nám í sjúkraþjálfun
• Doktorsnám

Vefþjónusta fyrir símaskrá svarar ekki eða fyrirspurnin skilar engum niðurstöðum - (nafnalisti)

Áhersla á rannsóknir hefur aukist verulega á síðustu árum bæði meðal nemenda og kennara og sífellt fleiri sjúkraþjálfarar leita í rannsóknatengt meistara- og doktorsnám. Við námsbrautina starfar Rannsóknastofa í hreyfivísindum sem hefur það hlutverk að sinna rannsóknum á ólíkum sviðum tengdum hreyfingu og heilsu. Starfsemi rannsóknastofunnar hefur aukist hratt síðustu ár.

Hlutverk Námsbrautar í sjúkraþjálfun er að mennta sjúkraþjálfara sem eru gagnrýnir í hugsun, byggja starf sitt á  gagnreyndri þekkingu, skila árangri, fylgja siðareglum og eru virkir í símenntun. Við útskrift hafa sjúkraþjálfarar víðtæka þekkingu, leikni og hæfni á sviði sjúkraþjálfunar. Þeir geta  starfað sjálfstætt við að vernda, efla og endurheimta færni, heilsufar og lífsgæði fólks og búa yfir hæfni sem nýtist í rannsóknarvinnu. 

Nánari upplýsingar um stefnu Námsbrautar í sjúkraþjálfun.

Námsbrauti í sjúkraþjálfun er með aðstöðu í Stapa við Hringbraut. Kennsla fer að miklu leiti fram í Stapa og þar eru skrifstofa námsbrautar og skrifstofur kennara. 

Kennsluaðstaða

Bókleg kennsla nemenda í sjúkraþjálfun fer að mestu fram í Stapa. Hefðbundnar kennslustofur eru á 1. og 2. hæð hússins. Verkleg kennsla fer fram í verknámsstofu á 1. hæð hússins. Klínísk kennsla og starfsþjálfun fer fram á ýmsum heilbrigðisstofnunum.

Lesrými og tölvuver

Lesrými fyrir nemendur er í kjallara Stapa og næsta tölvuver er á Háskólatorgi. Nemendur við Námsbraut í sjúkraþjálfun geta einnig nýtt sér önnur lesrými og tölvuver víðsvegar um háskólasvæðið. 

Kaffiaðstaða og félagsherbergi

Nemendur í sjúkraþjálfun hafa aðgang að eldhúsi og félagsherbergi í kjallara Stapa. 

Félagsstofnun stúdenta rekur veitingasöluna Hámu sem er staðsett á Háskólatorgi, í Stakkahlíð, Háskólabíói og Árnagarði. Einnig er Háma heimshorn í Tæknigarði og kaffistofur stúdenta í Eirbergi, Læknagarði, Odda og Öskju.

Búningsaðstaða

Búnings- og sturtuaðstaða fyrir nemendur er í kjallara Stapa. 

Smellið hér til að skoða kynningarefni fyrir sjúkraþjálfun og aðrar námslínur í Læknadeild.