Skip to main content

Samstarf

Hjúkrunarfræðideild á öflugt samstarf við fjölmarga aðila, bæði innanlands og utan. Ýmis fyrirtæki og stofnanir vinna með deildinni og tengsl hennar við atvinnulífið eru mjög góð.

Hjúkrunarfræðideild á gott samstarf við innlendar heilbrigðisstofnanir. Samstarf er við Landspítala varðandi klíníska kennslu og rannsóknir. Samstarf við Heilsugæslu höfuðborgarsvæðisins hefur einnig verið eflt á undanförnum árum. Auk þess á deildin í samstarfi við ótal heilbrigðisstofnanir á höfuðborgarsvæðinu og á landsbyggðinni vegna kennslu og rannsókna.

Starfsfólk Hjúkrunarfræðideildar á samstarf um kennslu og rannsóknir við marga erlenda háskóla og fræðimenn. Kennarar við deildina hafa meðal annars eflt alþjóðasamskipti með heimsóknum til erlendra háskóla og þátttöku í erlendum ráðstefnum. Deildin á til dæmis mjög gott samstarf við University of MinnesotaUniversity of Iowa og Pace University í Bandaríkjunum.

Hjúkrunarfræðideild er aðili að Nordplus netunum; Norlys, Nordsne, Nordannet, Nordinnet, Nordejordemodern og Medico sem gefa möguleika á ýmiss konar samstarfi, s.s. skiptinámi og þátttöku í alþjóðlegum námskeiðum.

Skiptinám

Möguleikar á skiptinámi við Hjúkrunarfræðideild hafa aukist undanfarin ár. Skiptinám gefur nemendum tækifæri til að stunda klínískt nám við erlenda háskóla í nokkrar vikur eða mánuði. Algengast er að nemendur við Hjúkrunarfræðideild fari í skiptinám til háskóla á Norðurlöndum. Nemendur við deildina hafa einnig farið til útlanda á eigin vegum og tekið þátt í starfsnámi og þróunarvinnu, t.d. í Afríku og Mið-Ameríku. Erlendir skiptinemar hafa sótt mjög í að stunda klínískt nám á Íslandi. Sjá nánari upplýsingar um skiptinám við Hjúkrunarfræðideild. 

Tengt efni