Skip to main content

Húsnæði og aðstaða

Háskóli Íslands starfar í fjölmörgum byggingum á þremur svæðum, í Vatnsmýri, Vesturbæ og í Stakkahlíð. Samtals er húsnæði skólans 73.000 fermetrar. Háskólinn er lifandi samfélag sem býður nemendum og starfsfólki fyrsta flokks starfsaðstöðu. Í flestum byggingum er góð les- og hópavinnuaðstaða auk þess sem fjölda tölvuvera er að finna víða um svæðið.

Hér má skoða upplýsingar um byggingar háskólans.

Kort af háskólasvæðinu.

Fjölbreytt þjónusta í boði

Bókasöfn og bóksölur eru starfrækt víða á háskólasvæðinu.

Kaffistofur eru í mörgum byggingum en þar geta bæði stúdentar, starfsfólk og gestir keypt mat og drykki. Háma á Háskólatorgi er stærst mötuneyta og býður upp á heitan mat í hádeginu. Stúdentakjallarinn, sem einnig er á Háskólatorgi, er opinn frá morgni til kvölds og þar er bæði boðið upp á fjölbreyttan matseðil og fjöruga dagskrá fyrir stúdenta.

Íþróttaaðstaða er til fyrirmyndar og hafa nemendur aðgang að tækjasal og fjölbreyttri leikfimisaðstöðu og -tímum gegn vægu gjaldi.

Félagsstofnun stúdenta rekur Stúdentagarða með allt frá einstaklingsíbúðum upp í stórar fjölskylduíbúðir og á leikskólum stúdenta geta börn allt frá 6 mánaða aldri fengið pláss.

Þarfnast þessi síða lagfæringar?

Þarfnast þessi síða lagfæringar?

Settu inn skjáskot hér ef þú telur þörf á.
Skrár verða að vera minni en 2 MB.
Leyfðar skráategundir: gif jpg jpeg png.
CAPTCHA
Sía fyrir ruslpóst
5 + 13 =
Leystu þetta einfalda dæmi og settu inn niðurstöðuna. T.d. ef dæmið er 1 + 3, settu þá inn 4.