Tvö úr Hagfræðideild í Viðskiptablaðinu
Þorkell Hólm Eyjólfsson sem var að ljúka BS í hagfræði með ágætiseinkunn og Sandra Björk Ævarsdóttir sem var að ljúka MS í fjármálahagfræði voru bæði fengin í viðtal hjá Viðskiptablaðinu þann 25. júní í tengslum við lokaritgerðir sínar við deildina.
BS ritgerð Þorkells heitir „Kostnaður og ábati ríkissjóðs við endurreisnina.“ Í ritgerðinni kemur m.a. fram að auk tekna sem ríkissjóður hefur haft af bönkunum sem hlut- og kröfuhafi, þá hafa beinar skatttekjur vegna bankanna einnig verið umtalsverðar.
Nánar má lesa um efni ritgerðarinnar hér: http://hdl.handle.net/1946/21455
Leiðbeinendur Þorkells voru þeir Ásgeir Jónsson og Hersir Sigurgeirsson.
MS ritgerð Söndru Bjarkar heitir „Áhrif birtingar verðmats á hlutabréfaverð.“ Viðfangsefni ritgerðarinnar var virðismat greiningardeilda. Meðal þess sem fram kemur í ritgerðinni er að verðmat sem kemur í kjölfar neikvæðra frétta og atburða í rekstri félaga hafi meiri áhrif á hlutabréfaverð en verðmat sem byggist á jákvæðum fréttum.
Nánar má lesa um efni ritgerðarinnar hér: http://hdl.handle.net/1946/21447
Leiðbeinandi Söndru var Hersir Sigurgeirsson.