Skip to main content

Shaping the Future eftir Trausta Valsson komin út

28. júl 2017

Út er komin bókin Shaping the Future eftir Trausta Valsson, prófessor emeritus, sem lét af störfum í janúar 2016 vegna aldurs, eftir 27 ára starf við Háskóla Íslands.

Hér er um að ræða enska þýðingu Trausta á bókinni Mótun framtíðar, sem Fjölvi gaf út 2015. Er þetta starfsævisaga Trausta. Bókin birtir dæmi um verkefni hans á sviði hönnunar og skipulags, og umræðu um þróun þessara faga sl. 50 ár.

Bókinni fylgdi DVD diskur með tíu myndböndum um ýmsa þætti í starfsævi Trausta. Hann hefur nú sett þessi myndbönd inn á YouTube undir sínu nafni. Eru þau öll með enskum skjátextum.

Trausti hefur gefið út 150 greinar og fjórtán bækur um hönnun, skipulag o.fl. Fimm bókanna er hægt að lesa ókeypis á heimasíðu hans.

Bókin fæst t.d. hjá Amazon og kostar 19 pund.

Trausti Valsson