Nýtt háskólaráð Háskóla Íslands tekur til starfa

Nýtt háskólaráð Háskóla Íslands fyrir tímabilið 2016-2018 hefur verið skipað skv. lögum um opinbera háskóla nr. 85/2008. Fullskipað ráð kom saman til síns fyrsta fundar fimmtudaginn 8. september sl. Á fundinum var Eiríkur Rögnvaldsson, prófessor við Íslensku- og menningardeild Hugvísindasviðs, einróma kjörinn varaforseti ráðsins.

Í hinu nýskipaða háskólaráði eiga sæti:

• Jón Atli Benediktsson, prófessor í rafmagns- og tölvuverkfræði og rektor Háskóla Íslands, forseti ráðsins

• Eiríkur Rögnvaldsson, prófessor við Íslensku- og menningardeild Hugvísindasviðs, fulltrúi háskólasamfélagsins, varaforseti ráðsins

• Ásthildur Margrét Otharsdóttir, ráðgjafi og formaður stjórnar Marel hf., fulltrúi tilnefndur af háskólaráði

• Erna Hauksdóttir, fyrrv. framkvæmdastjóri Samtaka ferðaþjónustunnar (SAF), fulltrúi mennta- og menningarmálaráðherra

• Guðrún Geirsdóttir, dósent við Kennaradeild Menntavísindasviðs og deildarstjóri Kennslumiðstöðvar Háskóla Íslands, fulltrúi háskólasamfélagsins

• Orri Hauksson, forstjóri Símans, fulltrúi mennta- og menningarmálaráðherra

• Ragna Árnadóttir, aðstoðarforstjóri Landsvirkjunar, fulltrúi tilnefndur af háskólaráði

• Ragna Sigurðardóttir læknanemi, fulltrúi stúdenta

• Stefán Hrafn Jónsson, prófessor við Félags- og mannvísindadeild á Félagsvísindasviði, fulltrúi háskólasamfélagsins

• Tómas Þorvaldsson, sérfræðingur í hugverkarétti, eigandi og lögmaður hjá Vík Lögmannsstofu, fulltrúi tilnefndur af háskólaráði

• Þengill Björnsson verkfræðinemi, fulltrúi stúdenta.

Varamenn eru:

• Amalía Björnsdóttir, prófessor við Kennaradeild Menntavísindasviðs (fyrir Eirík Rögnvaldsson)

• Borgar Þór Einarsson, lögmaður (fyrir Orra Hauksson)

• Eyrún Fríða Árnadóttir, uppeldis- og menntunarfræðinemi (fyrir Þengil Björnsson)

• Ingibjörg Gunnarsdóttir, prófessor við Matvæla- og næringarfræðideild  Heilbrigðisvísindasviðs (fyrir Guðrúnu Geirsdóttur)

• María Rut Kristinsdóttir, sérfræðingur hjá Innanríkisráðuneytinu (fyrir Ernu Hauksdóttur)

• Rúnar Unnþórsson, dósent við Iðnaðarverkfræði-, vélaverkfræði- og tölvunarfræðideild Verkfræði- og náttúruvísindasviðs (fyrir Stefán Hrafn Jónsson)

• Svanhildur Konráðsdóttir, sviðsstjóri menningar- og ferðamálasviðs Reykjavíkurborgar (fyrir Ásthildi Margréti Otharsdóttur, Rögnu Árnadóttur og Tómas Þorvaldsson)

• Tryggvi Másson, viðskiptafræðinemi (fyrir Rögnu Sigurðardóttur).

Fundargerðir háskólaráðs er að finna á háskólavefnum.

Nýtt háskólaráð Háskóla Íslands er boðið velkomið til starfa.