Skip to main content
2. febrúar 2016

Ný bók eftir Ragnhildi Bjarnadóttur

Ný bók eftir Ragnhildi Bjarnadóttur - á vefsíðu Háskóla Íslands

Út er komin bókin Leiðsögn: Lykill að starfsmenntun og skólaþróun eftir Ragnhildi Bjarnadóttur, dósent við Menntavísindasvið Háskóla Íslands. Í bókinni er varpað ljósi á ýmsar hliðar starfstengdrar leiðsagnar, fræðilegar og hagnýtar, og er sjónum einkum beint að hlutverki kennara sem annast leiðsögn kennaranema í vettvangsnámi og nýrra kennara. Leiðsögninni er ætlað að efla starfshæfni og fagmennsku einstaklinga, hópa og stofnana sem að henni koma. Þess er vænst að bókin nýtist bæði háskólakennurum og kennurum á öðrum skólastigum og einnig sem námsefni fyrir kennara í meistaranámi sem kjósa að sérhæfa sig á þessu sviði.

Háskólaútgáfan gefur bókina út og fæst hún í Bóksölu Menntavísindasviðs í Stakkahlíð, Bóksölu stúdenta og helstu bókabúðum. 

Nánari upplýsingar um bókina er að finna á vefsíðu Háskólaútgáfunnar.

Bókakápa og Ragnhildur Bjarnadóttir, dósent við Menntavísindasvið.