Kynningar á skiptinámi og starfsnámi
Nú er umsóknartímabil um skiptinám innan Evrópu senn að hefjast og er nemendum bent á kynningar sem fram fara í janúar og febrúar.
Skrifstofa alþjóðasamskipta hefur sett saman kynningardagskrá á skiptinámi og starfsnámi á vegum Erasmus+ og Nordplus sem við hvetjum nemendur til að sækja. Um er að ræða almennar kynningar á skiptinámi og starfsnámi sem eru ekki bundnar við ákveðin fræðasvið.
Dagskráin er eftirfarandi:
19. janúar í stofu HT-105 kl. 12:10-13:10
29. janúar í stofu HT-102 kl. 14:00-15:00
6. febrúar í stofu L-101 kl. 12:10-13:10
20. febrúar í stofu HT-104 kl. 15:00-16:00
23. febrúar í stofu HT-103 kl. 15:00-16:00
Dagskráin verður einnig aðgengileg hér: Kynningar á skiptinámi
Nýtt umsóknarform vegna skipta á vegum Erasmus+ skólaárið 2015-2016 verður birt á síðu skrifstofu alþjóðasamskipta á allra næstu dögum og fá nemendur tilkynningu þegar opnað er fyrir umsóknir.
Sú nýbreytni að nemendur skili inn umsóknum á Þjónustuborðið á Háskólatorgi á einnig við um umsóknir um skipti- og starfsnám innan Evrópu.